جام کمال خان ءَ میوہ ءِ بیگنگ ءِ گامگیج ءِ گیشینگ ءِ ہدایت کتگ، دمگی جوڑ کنگ ءِ حمایت

اسلام آباد۔25جولائی (اے پی پی): وفاقی وزیر برائے تجارت جام کمال خان ءَ پاکستان باغبانی ءِ دیمروئی ءُ برآمداتی کمپنی ءِ کارکردگی ءِ سر ءَ چار ءُ تپاسی کت ءُ تنظیم ءَ را پاکستان ءِ باغبانی ءِ شوبگ ءَ را مھکم کنگ ءِ واستہ ارزشت ءِ گیشیں، نوکیں پروسیسنگ ٹیکنالوجی ءُ برآمدات ءِ سر ءَ مبنی گامگیج آناں ترند کنگ ءِ ہدایت کت۔ شمبے ءِ روچ ءَ وزارت تجارت ءِ نیمگ ءَ چہ جاڑی بوتگیں پریس ریلیز ءِ رد ءَ وفاقی وزیر ءَ اے ہدایت پی ایچ ڈی ای سی ءِ چیف ایگزیکٹو آفیسر محمد نصیر ءِ گوما گند ءُ نند ءِ ساھت ءَ جاری کتگ اَنت، آئی ءَ وفاقی وزیر ءَ را تنظیم ءِ سوبمندی، برجاھیں منصوبگ ءُ آیوکیں روڈ میپ ءِ بابت ءَ سرپدی داتگ کہ ایشی ءِ مول ءُ مراد پاکستان ءِ ایکس کلچرلر ہاورپورٹ ءَ را گیش کنگ اِنت۔ وفاقی وزیر ءَ پی ایچ ڈی ای سی ءِ سوبمندیں میوہ بیگنگ ءِ گامگیج ءِ توسیپ کت ءُ ایشی ءَ را یک بدلی ءِ عمل لیک ات کہ ایشی ءَ چہ پاکستانی میوہ آنی کوالٹی، دروشم ءُ برآمداتی مقابلہ ءِ تہ ءَ مزنیں کساسے ءَ گہتری اتکگ۔ آئی ءَ پی ایچ ڈی ای سی ءَ را ہدایت کت کہ اے گامگیج ءَ را آم، کیلے ءُ امرود ءَ چہ ابید تجارتی رد ءَ ھاسیں فصلاں ھاسیں رنگ ءَ خرما، انگور ءُ آڑو ءَ را گیش کنگ بہ بیت۔ دراجیں مدت ءِ پائیداری ءَ را دل یکیمی کنگ ءِ واستہ جام کمال خان ءَ پی ایچ ڈی ای سی ءَ را ہدایت کت کہ آ پاکستان ءِ کاگد جوڑ کنگ ءِ صنعت، نجی شعبہ ءِ شریک ءُ صوبائی حکومت آنی گوما کار بہ کنت تانکہ میوہ ءِ بیگنگ ءِ سامان آنی بنجاہی پیداوار ءِ پٹ ءُ پول کنگ بہ بیت، درآمدات ءِ سر ءَ انحصار ءَ را کم کنگ بہ بیت ءُ سرجمیں ملک ءَ کشت ءُ کشاری آنی واستہ ٹیکنالوجی ءَ را ارزان کنگ بہ بیت۔ پی ایچ ڈی ای سی ءِ سی ای او ءَ وفاقی وزیر ءَ را سرپد کت کہ میوہ ءِ بیگنگ پروگرام ءَ را جاپان، جنوبی کوریا، چین ءُ یورپی یونین ءَ ھوار پریمیم انٹرنیشنل مارکیٹ آنی نیمگ ءَ چہ دلبڈی ءِ رائے رستگ، ایشی ءَ چہ پاکستانی پیداوار ءِ کوالٹی ءُ مارکیٹنگ ءِ توانائی ءَ را گیش کتگ۔ جام کمال خان ءَ پی ایچ ڈی ای سی ءِ فریز ڈرائینگ، سپرے ڈرائینگ ءُ میوہ ءِ آپ ءِ کمی ءِ ٹیکنالوجی ءَ را دیمروئی دیگ ءِ گامگیج آناں ھم ساڑات ءُ ایشی ءَ را گیم چینجرنگ موہ لیک ات کہ آ پریمیم کوالٹی، ویلیو ایڈڈ پروڈکٹس ءِ پیداوار ءِ واستہ دراجیں شیلف لائف ءِ گوما غذائیت ءِ ارزشت ءُ ذائقہ ءَ را برجم دارگ ءِ واستہ گیم چینجنگ موہ لیک ات۔ آئی ءَ اے گپ ءِ سر ءَ زور پر دات کہ اے ٹیکنالوجی کاٹیج انڈسٹری ءُ کسانیں زرعی پروسیسنگ انٹرپرائزز ءِ دیمروئی ءَ را دیم ءَ برگ ءَ انت، روزگار ءِ موہ پیداک کنگ ءَ انت ءُ برآمداتی آمدنی ءَ را پائیدار جوڑ کنگ ءَ انت۔ آئی ءَ پی ایچ ڈی ای سی ءَ را ہدایت کت کہ آ فریز ڈرائینگ ءِ گامگیج آناں شمالی پاکستان ءُ بلوچستان ءَ را گیش ءُ گیوار بہ کنت ءُ صوبگ ءَ چین ءِ کمک ءَ چہ ویلیو ایڈیشن منصوبگ آنی گوما کمک ءَ را مھکم بہ کنت۔ گند ءُ نند ءَ گوشتگ بوت کہ پی ایچ ڈی ای سی مرچ ءِ کشت ءُ کشاری آناں سولر ٹنل ڈرائر ھم بھر ءُ بانگ کنگ ءَ انت تانکہ افلاٹوکسین ءِ آلودگی ءَ را کم کنگ، پروڈکٹ ءِ کوالٹی ءَ را گہتر کنگ ءُ پاکستانی مرچ ءِ برآمد ءِ گنجائش ءَ را گیش کنگ بہ بیت۔ پی ایچ ڈی ای سی ءِ آیوکیں روڈ میپ ءِ چار ءُ تپاسی کنان ءَ وفاقی وزیر جام کمال خان ءَ صوبائی باغبانی ءِ ایکسپو ءِ برجائی ءِ منصوبگ آنی سر ءَ چمشانک دات، باغبانی ءِ 100 ءِ نزیک ءَ سٹیک ہولڈر آنی واستہ سبسڈی سرٹیفکیشن سپورٹ پروگرام ءِ بندات کنگ، کاروبار ءَ چہ کاروباری رابطہ آناں آسراتی دیگ، پاکستان ءِ پیداوار ءِ ویلیو ءِ جوڑ کنگ ءِ واستہ مارکیٹ انٹیلی جنس پیداک کنگ ءُ کلو ءِ قدر ءُ قیمت ءِ جوڑ کنگ ءِ منصوبگ آنی سر ءَ چمشانک دات۔ جام کمال خان ءَ گیش زور پر دات کہ ایکسپورٹ امپورٹ (ایکسیم) بینک آف پاکستان ءِ وڑیں ادارگ کاٹیج انڈسٹری ءُ کسانیں پروسیسر آنی کلسٹر آناں گیش ءَ چہ گیش مالی کمک بہ کن اَنت، تانکہ آ نوکیں ٹیکنالوجی ءَ را ءُگ بہ کن اَنت ءُ برآمد ءِ سر ءَ مبنی کاروبار ءَ را گیش ءُ گیوار بہ کن اَنت۔ وفاقی وزیر ءَ اے ھم ہدایت کت کہ پی ایچ ڈی ای سی ءِ کمک ءَ کاروباری مردم ءُ نمائش کنوک آیوکیں فوڈ ای جی نمائش آنی تہ ءَ بھر زوری بہ کن اَنت تانکہ مارکیٹ ءِ رسائی، کاروباری نیٹ ورکنگ ءُ برآمداتی موہ آناں گیش کنگ بہ بیت۔ برآمدات ءِ سروکی ءَ دیمروئی ءِ ھاترا حکومت ءِ عزم ءِ پدر کنگ ءَ وفاقی وزیر جام کمال خان ءَ پی ایچ ڈی ای سی ءَ را سرجمیں کمک ءِ دل یکیمی دات ءُ صوبائی حکومت، پٹ ءُ پولی ادارگ ءُ نجی شعبہ ءِ گوما مھکمیں کمک ءِ لوٹ کت تانکہ موثر باغبانی ءِ شوبگ ءِ دیمروئی، سپلائی چین ءَ را مھکم کنگ ءُ پاکستان ءِ برآمدات ءِ سرجمیں پوٹینشل ءَ را پچ کنگ بہ بیت۔