نائب مزن وزیر محمد اسحاق ڈار ءَ بیلاروس ءِ دری کارانی وزیر میکسم ریزنکوف ءَ گوں کرغزستان ءَ گند ءُ نند کتگ، دو نیمگی سیادی ءِ بابت ءَ گپ ءُ تران

اسلام آباد۔25جولائی  (اے پی پی): کرغزستان ءِ شہر شولپون آٹا ءَ شنگھائی کمکی تنظیم ءِ دری کارانی کونسل ءِ دیوان ءِ ساھت ءَ نائب مزن وزیر ءُ دری کارانی وزیر سینیٹر محمد اسحاق ڈار ءَ بیلاروس ءِ درئی کارانی وزیر میکسم ریزنکوف ءَ گوں گند ءُ نند کت۔ شمبے ءِ روچ ءَ درئی کارانی کارگس ءِ رد ءَ دوئیں نیمگ ءَ پاکستان ءُ بیلاروس ءِ نیام ءَ دو نیمگی سیادی آنی سر ءَ چار ءُ تپاسی کتگ ءُ جتا جتائیں شوبگ آنی تہ ءَ کمک ءَ را گیش مھکم کنگ ءِ واستہ ءُ جزم ءِ پدا پدر کتگ۔ ایشاں مزن تک ءِ رابطہ آنی برجاہ دارگ ءُ پاکستان ءُ بیلاروس ءِ یکجائی وزارتی کمیشن ءِ نوہمی دیوان ءِ 11-12اگست ءَ پاکستان ءِ میزبانی ءَ اسلام آباد ءَ برجم دارگ ءِ واستہ ھم ءُ امیت آنی درشان کت۔ دوئیں رہشون آں اقتصادی ءُ تجارتی کمک ءَ را گیش کنگ ءِ راہ آنی سر ءَ تران کت، دفاع، کشت ءُ کشاری، ٹیکنالوجی ءُ مردمی قوت ءِ تبادلہ ءِ پڑ آنی تہ ءَ کمک ءَ را گیش گیش کنگ ءِ سر ءَ تران کت ءُ جامع کمک ءِ روڈ میپ (2025-2027) ءِ سر ءَ ءُ عزم ءِ پدا پدر کت۔ دوئیں وزیرانی درئی کار ءَ دمگی جاور ھال ءُ وت مہ ءُ ھب ءُ واھگ ءِ جیڈھ آنی سر ءَ ھم ھیال ریچی کت ۔ دری کارانی وزیر ریزنیکوف ءَ امریکہ ءُ ایران ءِ جاور ھال ءِ وھد ءَ گپ ءُ تران ءَ را دیم ءَ برگ ءِ تہ ءَ پاکستان ءِ جوڑیشت ءِ کرد ءَ را ساڑات ءُ دمگ ءَ امن ءُ ایمنی ءِ دیمروئی ءِ واستہ پاکستان ءِ برجاھیں کوشست آنی توسیپ کت۔