مزن وزیر ءَ بلوچستان ءِ دیمروئی ءُ وشھالی ءِ واستہ ٹوھیں وسیلگ پجارینگ ءِ جزم ءِ درشان ، ملک ءَ ناشرکاری ءِ پُشت ءَ بھارت اِنت، چیلنج ءَ را یکجاھی ءَ گوں گر ءُ چیل بوھگ لوٹ ایت، شہباز شریف ءَ ”بلوچستان راجی ورکشاپ“ ءِ بھر زوروکاں گوں تران کنان ءَ گشتانک

اسلام آباد۔24جولائی  (اے پی پی): مزن وزیر محمد شہباز شریف ءَ بلوچستان ءِ دیمروئی ءُ وشھالی ءِ واستہ وفاقی حکومت ءِ نیمگ ءَ چہ گیشیں وسیلگ پجارینگ ءِ جزم ءِ پدا زور پر دات ءُ گوشت کہ اگاں درستیں صوبہ یک پیم ءَ دیمروئی کن اَنت گڈا ملک دیمروئی کنت۔ کراچی ءَ تاں چمن ءَ دو لین ءِ سڑک ءِ 300ارب کلدار ءِ منصوبگ آیوکیں یک ءُ نیم ءَ چہ دوسال ءِ تہا سرجم کنگ بیت۔ این ایف سی ایوارڈ ءِ چیر دستی ءَ پنجاب ءَ بلوچستان ءَ را 150 ارب کلدار داتگ ۔ بلوچستان ءِ دیمروی ءِ واستہ باقی استان آں وتی سرجمیں کرد چون داتگ انت۔ بلوچستان ءَ لیپ ٹاپ ءُ اسکالرشپ ءِ بہر ءُ بانگ ءِ تہا 10 درصد گیش کوٹہ دئیگ بوہگ ءَ انت ۔ کچچی نہر ءِ منصوبگ زوت سرجم کنگ بیت۔ پاکستان ءِ جیڑہانی گیشواری یک شفافیں حکومتی نظام ءِ تہا اِنت۔ ملک ءِ تہا ناشرکاری ءِ پُشت ءَ ہندوستان انت۔ آئی ءَ اے ھیالانی درشانی جمعہ ءِ روچ ءَ ادا "بلوچستان راجی ورکشاپ” ءِ بھر زوروکاں گوں تران کنان ءَ کت کہ ناشرکاری ءِ ھلاپ ءَ جنگ ءَ مئے دست ھست، مارا یکجاھی ءَ ناشرکاری ءِ چیلنج ءَ گوں دیم پہ دیم بوھگی اِنت، ما اوگانستان ءَ را دلجم کنگ ءِ کوشست کتگ کہ آ ناشرکاریں گلانی ھلاپ ءَ کارروائی بہ کنت ءُ اوگان سرزمین ءَ را پاکستان ءِ ھلاپ ءَ کارمرد کنگ ءِ موہ مہ دنت۔ وزیر دفاع خواجہ محمد آصف، وفاقی وزیر منصوبہ بندی ءُ دیمروئی احسن اقبال، وفاقی وزیر اطلاعات ءُ شنگکاری عطا اللہ ترار، وفاقی وزیر قانود ءُ انصاف اعظم نظیر ترار، وفاقی وزیر تجارت جام کمال، وفاقی وزیر تجارت جام کمال، وفاقی وزیر پٹرولیم علی اظہار پرویز کالوی ریاست ءِ وزیر بلیک، ھم مراگش ءَ ساڑی بوتگ اَنت۔ مزن وزیر ءِ گوشت کہ اسلام آباد راستی ءِ چاریں صوبگ ءِ الس آنی گس اِنت، ما بلوچستان ءِ چہ بہادریں راج دوستیں زھگ ءُ جنک آناں وش آتک کناں۔ بلوچستان جغرافیائی لحاظ ءَ ملک ءِ مستریں استان است انت۔ پاکستان ءِ جوڑ کنگ ءَ بلوچستان ءَ نشتگیں مئے دلیریں بلوچ ءُ پکتون برات ءُ گْوھاراں کلیں کردے پیلو کتگ۔ 1947 ءَ بلوچستان ءِ بازیں ریاست وتی رضا ءَ گوں پاکستان ءَ ہوار بوت انت۔ 1948 ءَ دگہ ریاستانی بلوچ پختون قبائلی سروک ہم دیم ءَ اتک انت ءُ قائداعظم محمد علی جناح ءِ سروکی ءَ منّ ات ءُ پاکستان ءِ بہر جوڑ بوت انت۔ مزن وزیر ءِ گوشت کہ ملک ءِ دیمروئی ئُُ وشھالی ءِ تہ ءِ بلوچستان ءِ مزنیں کرد ءِ بوتگ ۔ بلوچستان ءِ سروکی ءَ وتی ذاتی مفاد ءُ انا یک کِر ءَ ایر کنان ءَ پدریں رنگے ءَ وفاق ءِ حمایت کت۔ حالانکہ بلوچستان چہ آبادی ءِ لحاظ ءَ ملک ءِ کسانیں استان انت بلے جغرافیائی لحاظ ءَ مستریں استان انت۔ دگہ استاناں ھاسیں رنگ ءَ آبادی ءِ دمگاں ھما منابع کہ پہ وانگ ءُ زانگ ءُ جان سلامتی ءُ وشھالی ءَ کارمرز کنگ بوت کن اَنت آ یک مزنیں آبادی یے ءَ را نفع دات کن اَنت۔ اے درگت ءَ بلوچستان ءِ جاور دگرے۔ دوری میان ءَ شہر، میتگ ءُ شہر سک باز اَنت۔ دراژیں دوری ءِ سبب ءَ دوریں دمگ آنی دیمروئی ءِ ھاترا نسبتاً گیشتر منابع لوٹ اَنت۔ اے جیڈھ 2010 ءَ این ایف سی ایوارڈ ءَ منگ بوتگ ءُ رند ءِ سئے صوبہ ھاسیں رنگ ءَ پنجاب ءَ بلوچستان ءِ مالی ھکانی تہ ءَ 100 درسد گیشی ءِ لوٹ وتی رضا ءَ پیلو کتگ ءُ ایشی ءِ تہ ءَ وتی بھر ءُ بانگ کتگ۔ پنجاب ءَ سالی 11ارب کلدار داتگ۔ مزن وزیر ءِ گوشت کہ اے احسان ءِ نہ بلکینگ ءِ براتی ءِ مزنیں درور اِنت۔ خوشی ءُ غم ءِ بہر کنگ ءِ روح ءِ درشانی کنگ بوت۔ اے درگت ءَ پنجاب ءَ سال 2010ءَ چہ 150ارب کلدار کمک داتگ ءُ انگت ءَ اے رجحان برجاہ اِنت۔ پیسریگیں مزن وزیر میان محمد نواز شریف ءِ دور ءَ بلوچستان ءِ دیمروئی ءُ وشھالی ءِ واستہ بے دروریں وسیلہ ءُ منصوبگ پجاری کنگ بوتگ انت۔ رند ءِ سرکار ھاسیں رنگ ءَ پی ڈی ایم ءِ سرکار ءُ نوں ھم بلوچستان ءِ جائزیں لوٹانی پیلو کنگ ءِ ھاترا چہ آھانی بجٹ ءَ گیش وسائل دیگ بوت اَنت۔ مزن وزیر ءَ گوشت کہ بلوچستان ءَ کشاردار بازیں کلاکاں چہ بجلی ءِ بندش ءِ آماچ انت ءُ آھاں گیش ءُ گیوار کنگ ءِ واستہ دگہ جیڈھ است انت کہ ایشی ءَ را نزیک ءَ 27 ہزار ٹیوب ویلز ءَ را روچ ءِ توان ءَ بدل کنگ ءَ چہ گیش ءُ گیوار کنگ بوتگ۔ وفاقی حکومت ءَ 75ارب کلدار ءِ اے منصوبگ ءِ تہا 50ارب کلدار ءِ کمک داتگ۔ ھمے وڑ ءَ کراچی ءَ بگر داں چمن ءَ N-25 کہ آئی ءَ را ھونیگیں راہ گْوشگ بوتگ ءُ حادثہ روچ پہ روچ بنت چہ گوستگیں سال ءَ تیل ءِ نھادانی تہ ءَ کمی ءِ دروشم ءَ جم بوتگیں زراں جوڑ کنگ بوتگ۔ سڑک ءِ جوڑ کنگ ءِ پیسلہ کنگ بوت، اے 300 ارب کلدار ءِ منصوبہ آیوکیں یک ءُ نیم ءُ دو سال ءَ سرجم بیت، پدا اے خونی سڑک امن ءِ سڑک ءِ جار جنگ بیت۔ مزن وزیر ءِ گوشت کہ توامیں صوبہ یک پیم ءِ دیمروئی کن اَنت گڈا ملک ءِ دیمروئی بیت۔ اگاں یک استانے گیشتر دیمروی بہ کنت ءُ رند ءَ پد منتگ بہ بیت گڑا اے راجی دیمروئی نہ اِنت۔ دیمروی ءِ دوڑ ءِ ھاتر ءَ چاریں استان آنی برابریں کوشست لوٹ اَنت۔ وفاقی حکومت اے درگت ءَ وتی کوشست ءَ چہ رکّینت نہ کنت۔ مزن وزیر ءَ مستونگ سیشن جج عبدالحکیم ءِ شہید ءَ را اپسوزناکیں سانح لیک اِتگ ءُ آئی ءِ برز کنگ ءُ آئی ءِ کھول ءِ واستہ صبر ءُ اوپار ءِ دعا کتگ۔ آئی ءَ گوشت کہ سیشن جج عبدالحکیم ءُ آئی ءِ ھمراھی ءَ یک کارمندے شھید کنگ بیتگ۔ ملک ءِ ایمنی ءِ واستہ مہلوک ءِ ہمراہی ءَ پاکستانی فوج ءُ کانود ءِ افسر ءُ فوجی ءُ کانود ءِ ادارہ قربانی دیگ ءَ انت۔ ناشرکاری ءِ ھلاسی ءِ جنگ ءَ داں انوگ ءَ 90 ہزار پاکستانی شہید بوتگ انت۔ پاکستان ءَ ناشرکاری ءِ پُشت ءَ ھندوستان اِنت ءُ وسائل دیئگ ءَ اِنت ۔ اے گپ ءِ تہا دگہ سبب ہم ہوار انت۔ 2017-18 ءَ چہ ملک ءَ ناشرکاری سرجمی ءَ ھلاس کنگ بوتگ بلے ایشی ءَ چہ پد ناشرکاری ءَ پد ءَ وتی سر چست کتگ۔ ناشرکاری گوں یک سکیں منظمیں سازشے ءَ پدا واتر بوت۔ ناشرکاری مئے واستہ چیلنج انت۔ مارا درستاں یکجاہ ءَ ایشی ءِ ھلاپ ءَ جنگ کنگی اِنت۔ اوگانستان مئے ھمساھگیں ملک اِنت۔ مئے گوں اوگانستان ءَ 2000 کلومیٹر ءِ مشترکہ سیمسر اِنت۔ ما سک باز جہد کت کہ اوگان رژیم ءَ را اے گپ ءِ سر ءَ دلجم بہ کنیں کہ ما ھمساھگ ایں ءُ مارا یکجاہ زند گوازینگ لوٹ ایت۔ اگاں ما دمگ ءَ امن لوٹ ایں گڈا اودا استیں ناشرکاریں تنظیمانی ھلاپ ءَ کارروائی بہ کن ایں ءُ پاکستان ءِ ھلاپ ءَ اوگان سرزمین ءِ کارمرد کنگ ءِ موہ مہ دئیں۔ اوگانستان ءِ عبوری حکومت اے گلانی ھلاپ ءَ کارروائی کنگ ءَ ناکام بوتگ۔ مزن وزیر ءِ گوشت کہ پاکستانی فوج ئُُ کانود نافذ ءِ ادارگ ملک ءِ رکھینگ ءِ واستہ سک باز کار کنگ ءِ اَنت۔ گوستگیں روچاں اللہ تعالیٰ ءَ پاکستان ءَ مزنیں سوبمندی داتگ۔ ہندوستان ءَ راستی ءِ جنگ ءَ چار روچ ءِ تہا شکست بوت۔ ھمے رنگ ءَ پاکستان ءَ سفارتکاری ءِ وسیلگ ءَ دمگ ءَ امن ءِ بحال کنگ ءَ پاکستان ءَ مزنیں کردے پیلو کتگ ایشی ءَ چہ پاکستان ءَ دگنیا ءِ تہ ءَ سک باز عزت ءُ شرپ رستگ۔ دنیا دمگ ءَ امن ءِ برجائی ءِ ھاتر ءَ پاکستان ءِ موثر سفارتکاری ءِ ھاتر ءَ چماں شانک دنت۔ دژمن اے ازتر ءُ شرپ ءَ ہضم کنگ ءَ نہ اِنت۔ وھد اتکگ کہ ملک ءَ را اقتصادی دیمروئی ءِ دوڑ ءَ دیم ءَ برگ بہ بیت۔ موہ آناں چہ پائدگ چست کنگ ءَ ما چاریں استان آنی تہ ءَ دیمروئی ءُ وشھالی آرگ لوٹ ایت۔ پہ ایشی ءَ مارا شپ ءُ روچ بے تھنائی ءَ کار کنگی اِنت۔ وھدے کہ چاریں صوبہ ءُ 240 لکھ مردم یکجائی ءَ کار کن انت گڈا پاکستان دگنیا ءِ تہا وتی جاہ ءَ رس ایت ءُ مئے جنگی ءُ سفارتی سوبمندی گیش گیش بنت۔ ورکشاپ ءِ تہا جست ءُ پرس ءِ دیوان ہم برجم دارگ بوتگ ات، مزن وزیر ءَ شریکیں مردمانی جست ءُ پرس ءِ دلیل ءِ سرا پسو داتگ ات۔ یک جستے ءِ پسو ءَ مزن وزیر ءَ گوشت کہ ایف بی آر ءِ تہ ءَ کرپشن ءِ سبب ءَ ارباں کلدار ءِ ھما وسیلگ نیست کہ آ ھزانگ ءَ جم کنگ بہ بنت، ایشی ءِ سبب ءَ گریبی ءُ جیڈھ گیش بنت ءُ اے جیڈھ آنی گیواری ءِ واستہ مارا وام ءِ سر ءَ وام زورگی انت۔ پاکستان ءِ جیڈھ آنی گیواری شفافیں سرکاری نظام ءِ تہ ءَ اِنت، ایشی ءِ واستہ ما یک ٹیم ءِ رنگ ءَ کار کتگ ءُ گوستگیں سال ءَ سیلز ٹیکس ءُ ایندگہ انڈائریکٹ ٹیکس آنی شکل ءَ 800 ارب کلدار جم کنگ بوتگ۔ اے یک مزنیں کساسے کہ پیسر ءَ ھچ وڑیں مثال نیست، ایوک ءَ ھما راج دیمروئی کن اَنت کہ آ فیصلہ کن اَنت کہ مارا ھر چیلنج ءُ مشکل ءِ دیمپانی کنگی اِنت۔ جاپان ءُ جرمنی ءِ درور مئے دیم ءَ انت کہ آہاں محنت ءِ وسیلہ ءَ پدا دنیا ءِ تہا وتی جاہ جوڑ کتگ۔ ترقی جادوئی منتر ءِ وسیلہ ءَ نہ بلکیں ایوک ءَ محنت، ایمانداری ءُ اعتماد ءِ وسیلہ ءَ رس ایت۔ ما جہد کنگ ءَ آں ۔ ان شاء اللہ ما یکجائی ءَ گہتری آرگ ءَ ایں تانکہ توامیں صوبہ آنی عام الس ءِ دپ ءَ ازمت آنی پھجاری ءَ را دل یکیمی کنگ بہ بیت۔ ما گوست ءِ ردی آناں راست کن ایں ءُ دیمروی ءِ میوہ آناں چاریں استان آنی تہ ءَ دیم دئیں۔ ما ھم یک شفافیں حکومت داری ءِ نظام ءَ استان آنی تہ ءَ ھم دیم ءَ کار ایں ۔ مزن وزیر ءَ آپ ءِ ذخیرہ ءِ منصوبگ آنی واستہ رواں مالی سال ءِ بجٹ ءَ 368ارب کلدار ایر کنگ بوتگ ایشی ءِ تہ ءَ کاچچی نہر ءِ منصوبگ ھم ھوار اِنت۔ اے منصوبہ زوت سرجم کنگ بیت۔ اِے پروجیکٹ ءِ نام پاکستان نہر ایر کنگ بہ بیت شرتر بیت۔ ضلع چگائی ءِ نودربر خالدہ یوسف ءِ جست ءِ پسو ءَ مزن وزیر ءَ گوشت کہ شما ھم چگائی ءَ چہ سیادی دار اِت مارا شمئے سر ءَ سک باز ناز اِنت۔ پیسر ءَ من پنجاب ءِ سر وزیر ءِ بستار ءَ ھما نودربراں لیپ ٹاپ داتگ کہ آھانی کارکردگی شر بوتگ بلے من کلاشنکوف دست ءَ نہ داتگ۔ مرچی ڈیجیٹل انوویشن، اے آئی ءُ آئی ٹی ءِ دور اِنت، لاکھوں لیپ ٹاپ ءِ بھر ءُ بانگ بوتگ، آہاں اے زھگ، جنک ءُ ھاندان آنی قسمت بدل کتگ ءُ آہاں ملک ءِ دیمروئی ءُ وانگ ءُ زانگ ءِ تہ ءَ کلیدی کرد پیلو کتگ ءُ گوستگیں سال ءَ ھم سرجمیں ملک ءَ یک لکھ لیپ ٹاپ میرٹ ءِ سر ءَ بھر ءُ بانگ کنگ بوتگ۔ بلوچستان ءِ کوٹہ لپ ٹاپ ءُ اسکالرشپ ءِ لحاظ ءَ چہ دگہ استاناں گیشتر انت۔ ایشی ءَ ابید بلوچستان ءَ 9 ڈنّی وانگجاھ جوڑ کنگ بیگ ءَ انت ۔ پہ جنک ءُ بچک ءِ وانگ ءُ زانگ ءَ جتا جتا اسکول، کلاس روم ءُ اسپورٹس فیلڈ جوڑ کنگ بنت۔ گریب ءُ یتیمیں زھگاں مفت وانگ ءُ زانگ ءِ آسراتی رس ایت، ھزاراں جنک ءُ بچکاں گریجویشن کتگ ءُ ڈاکٹر ءُ انجینئر ءِ بستار ءَ راج ءِ ھزمت ءَ کنگ ءَ اَنت۔ ما صوبائی حکومت ءِ ھمکوپگی ءَ بلوچستان ءِ وانگ ءُ زانگ ءِ ادارگاں آسراتی دیاں ۔ بلوچستان ءِ نودربر ملک ءِ دیمروئی ءُ وشھالی ءِ تہا سرجمیں کردے پیلو کن انت ءُ ملک ءِ دژمنیں مردم  ءِ رُمبگ ءِ تہا پیشگام بنت، اے وڑ ءَ پاکستان زوت چہ ناشرکاری ءَ رکّیت۔ مزن وزیر ءَ گوشت کہ مارا بلوچستان ءَ گیش وسائل پجاری کنگی انت۔ کوئٹہ، کلات ءُ چمن ءَ ہوار بلوچستان ءِ عام مردم دانکہ آئی ءِ دل ءَ سما نہ بیت کہ بلوچستان سرکار ءُ وفاق یکجاہ پہ آئی ءِ دیمروئی ءُ وشحالی ءَ پنجاب، خیبرپختونخوا ءُ سندھ ءِ دیمروئی ءُ وشحالی ءِ وڑ ءَ سوچگ ءَ انت۔ مزن وزیر ءَ دل یکیمی دات کہ بلوچستان ءِ دیمروئی، وشھالی، وانگ ءُ زانگ ءُ علاج ءِ واستہ وسائل ءِ پھجاری ءَ را دل یکیمی کنگ بیت، ءُ پاکستان ءَ را دگنیا ءِ توانمندیں ملک آنی تہ ءَ یکے جوڑ کنگ بیت۔ مزن وزیر ءَ ورکشاپ ءِ بہر زوروکاں گوں گروپ فوٹو ھم کش اِتگ۔