پاکستان ءَ موسمیاتی بدلی ءَ گوں گر ءُ چیل بوھگ ءِ ھاترا تعمیری عالمی موسمیاتی سفارتکاری ءُ میاں اوستمانی کمک ءِ دیمروئی ءِ ھاترا جزم بوتگ، ڈاکٹر مصدق ملک

شاماخی، آذربائیجان۔24جولائی  (اے پی پی): موسمی بدلی ءُ چاگردی رابطہ ءِ وفاقی وزیر ڈاکٹر مصدق ملک ءَ گوشت کہ پاکستان موسمی بدلی ءَ گوں گر ءُ چیل بوھگ ءِ واستہ تعمیری گلوبل کلائمیٹ ڈپلومیسی ءُ میاں اوستمانی کمک ءِ دیمروئی ءِ واستہ جزم انت۔ وزارت موسمیاتی بدلی ءِ رد ءَ آئی ءَ اے گپ اقوام متحدہ ءِ آیوکیں موسمیاتی کانفرنس (COP31) ءِ تیاری ءُ جتا جتائیں ملک آنی مزنیں کارندہ آنی گوما گند ءُ نند ءِ واستہ آذربائیجان ءِ شہر شاماخی ءَ برجم داشتگیں ڈل آنی سروک آنی ریٹریٹ ءَ بھر زوری کنگ ءِ وھد ءَ کت۔ ریٹریٹ ءِ ساھت ءَ بھر زوروکیں ملک آنی نمائندگ آنی نیمگ ءَ COP31 ءِ اولویت، ایجنڈا ءُ ھاسیں جیڈھ آنی سر ءَ گپ ءُ تران کنگ بوت۔ اے ریٹریٹ ءِ آیوکیں اقوام متحدہ ءِ موسمیاتی کانفرنس COP31 ءِ تیاری ءِ رد ءَ برجم دارگ بوتگ کہ نومبر 2026 ءَ ترکی ءِ شہر انطالیا ءَ برجم دارگ بیت۔اے ریٹریٹ ءِ موہ ءَ وفاقی وزیر ڈاکٹر مصدق ملک ءَ آذربائیجان ءِ نائب وزیر ءِ درئی کار ءِ وزیر یلچین ءِ گوما دو نیمگی گند ءُ نند کتگ۔ ترکی ءِ آب و ہوا ءِ بدلی فاطمہ وارنک ءُ کینیا ءِ وزارت ءِ چاگرد ، آب و ہوا ءِ بدلی ءُ جنگلات ءِ کابینہ ءِ سیکرٹری ڈاکٹر دبورا ایم باراسا ءَ گشتگ۔ کینیا ءِ ڈل ءِ گوما گند ءُ نند ءِ ساھت ءَ ڈاکٹر مصدق ملک ءَ مارگلا ہلز نیشنل پارک ءِ نوکیں وژن ءِ جوڑ کنگ ءُ اسلام آباد وائلڈ لائف مینجمنٹ بورڈ ءِ دوبر فعال کنگ ءِ ھوالگ ءَ سرجمیں گپ ءُ تران کت۔ اے درگت ءَ نیروبی نیشنل پارک ءِ تجربہ ءُ ماڈل ءِ سرا ہم ھیال ءُ لیکہ کنگ بوتگ۔ دوئیں ملک آنی نیمگ ءَ جنگلی زند ءُ رکھینگ بوتگیں دمگ آنی بندوبست ءُ رکھینگ ءِ پڑ ءَ ادارگی کمک ءُ جوانیں میاں اوستمانی رھبند آناں کارمرد کنگ ءِ واستہ یک مفاہمت نامہ ءِ نیمگ ءَ دیم ءَ روگ ءِ سر ءَ تپاک کنگ بوتگ۔ آذربائیجان ءِ نائب وزیر ءِ درئی کار واجہ یلچین رفیف ءِ گوما گند ءُ نند ءِ ساھت ءَ ڈاکٹر مصدق ملک ءَ موسمیاتی سفارتکاری ءِ آیوکیں وھد ءُ COP31 ءِ ایجنڈا ءِ اولویت آنی سر ءَ گپ ءُ تران کت۔ دوئیں نیمگ ءَ وت مہ وتی کمک ءُ کمک ءِ واستہ وتی جزم ءِ دوبر پدر کنگ ءُ میاں اوستمانی دیوان آنی تہ ءَ موسمیاتی جیڈھ آنی سر ءَ کمک ءَ را گیش مھکم کنگ ءِ سر ءَ تپاک کنگ بوتگ۔ وفاقی وزیر ءَ پاکستان ءِ مزن وزیر ءَ را آذربائیجان ءِ صدر ءُ خاتون اول ءَ را نیکیں واھگ ءُ مبارکی آناں سر کت۔ آذربائیجان ءِ نائب وزیر ءِ درئی کار ءَ پاکستان ءِ سروکی ءُ الس ءِ واستہ ھم نیکیں واھگ آنی درشان کت۔ ڈاکٹر مصدق ملک ءَ ترکی ءِ چاگرد، شہری کنگ ءُ موسمیاتی مٹ ءُ بدلی ءِ نائب وزیر فاطمہ وارک ءَ گوں ھم گند ءُ نند کت، ایشی ءِ تہ ءَ موسمی کارروائی ءِ دیمروئی ءِ واستہ پاکستان ءُ ترکی ءِ نیام ءَ کمک ءِ سر ءَ گپ ءُ تران کنگ بوت۔