نائب مزن وزیر ءَ ایس سی او ءِ باسکیں ملک آنی دری کارانی وزیر آنی گوما کرغزستان ءِ صدر ءَ گوں گند ءُ نند کتگ، دمگی ءُ جھان ءِ دیمروئی آنی سر ءَ گپ ءُ تران

اسلام آباد۔24جولائی  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار  ءَ ایس سی او ءِ باسکیں ملک آنی دری کارانی وزیر آنی گوما جمعہ ءِ روچ ءَ چولپون آٹا ءَ صدر ءِ ریاستی گس ءَ کرغزستان ءِ صدر ءَ گوں گند ءُ نند کت۔ درئی کارانی کارگس ءِ رد ءَ نائب مزن وزیر ءَ صدر آصف علی زرداری ءُ مزن وزیر محمد شہباز شریف ءِ نیمگ ءَ کرغزستان ءِ صدر ءَ را نیکیں واھگ ءِ درشانی کتگ ءُ ایس سی او ءِ درئی کارانی کونسل ءِ گند ءُ نند ءِ ساھت ءَ گرمیں مہمانداری ءِ سر ءَ شگر ءُ منت گپتگ۔ گند ءُ نند ءَ دمگی ءُ جھان ءِ دیمروئی آنی ھوار وت مہ وتی کمک ءِ واستہ یک ھاسیں پلیٹ فارم ءِ رنگ ءَ ایس سی او ءِ نوکیں کرد ءِ سر ءَ ھم گپ ءُ تران کنگ بوت۔ نائب مزن وزیر ءَ اے گپ ءِ سر ءَ زور پر دات کہ 2026-27ءِ واستہ شنگھائی کمکی گل ءِ چیئرمین شپ ءِ زمہ واری ءِ سر ءَ پاکستان ءِ تیاری ءِ رد ءَ باسکیں ملک آنی نیام ءَ برجاھیں کمک ءُ نزیکیں کمک سک باز ارزشتی اِنت۔