بلوچستان ءَ دائمی امن ءُ ایمنی ءِ پجارینگ ءِ واستہ راجی یکوئی ءِ دیمروئی ءُ ورنا آناں توانمند کنگ ءِ ضلورت انت، چیئرمین سینیٹ سید یوسف رضا گیلانی نیشنل ورکشاپ بلوچستان ءِ بہر زوروکاں گوں تران

اسلام آباد۔24جولائی  (اے پی پی): سینیٹ ءِ چیئرمین سید یوسف رضا گیلانی ءَ راجی یکوئی ءِ دیمروئی ءِ تہ ءَ ورنا آنی کرد ءَ را المی لیکگ ءِ وھد ءَ گوشت کہ ناشرکاری ءِ ھلاپ ءَ جنگ ءَ راج پاکستان ءِ سلاہ بندیں اُرد آنی گوما اوشتاتگ۔ اے ھیالانی درشانی آئی ءَ جمعہ ءِ روچ ءَ پریزیڈنسی گس ءَ نیشنل ورکشاپ بلوچستان ءِ بھر زوروکاں گوں تران کنان ءَ کت۔ آئی ءَ گوشت کہ ناشرکاری ءِ ھلاپ ءَ صدر، مزن وزیر ءُ فیلڈ مارشل ءِ ھاسیں پگر است انت۔ فتن الہندوستان ءُ فتن ال خوارج بلوچستان ءَ بے رھبند کنگ ءِ جُھد ءَ اَنت ءُ ایشاں ھندوستان ءِ کمک گون اِنت۔ چیئرمین سینیٹ ءَ گوشت کہ سیکورٹی فورسز ءَ ناشرکار آنی گوما گر ءُ چیل بوھگ ءِ واستہ آپریشن شعبان بندات کتگ، دژمن مارا وت مہ وتی کنگ لوٹ ایت بلے مارا یک مُشت بوھگی اِنت۔ چیئرمین سینیٹ ءَ گوشت کہ من ءَ مرچی شمئے درست آناں پریزیڈنسی گس ءَ وش آتک کنگ ءَ وشی اِنت۔ دیوان ءَ گوں گشتانک دیان ءَ آئی ءَ گوشت کہ من ملک ءِ صدر ءِ نمائندگی کنگ ءَ آں کہ اے وھد ءَ شہر ءَ چہ ڈن انت۔ چیئرمین سینیٹ ءَ گوشت کہ 2016 ءَ چہ اے پلیٹ فارم ءَ سرجمیں ملک ءَ چہ پارلیمنٹ ءِ باسک، بیوروکریٹس، سول سوسائٹی ءِ نمائندگ، ورنا، اکیڈمک ءُ میڈیا ءِ مردم یکجا کنگ ءَ انت۔ آئی ءَ گوشت کہ من شمئے فیلڈ تر ءُ تاب، پارلیمانی سروکی ءُ پالیسی ساز آنی گوما گند ءُ نند ءَ چہ سرپد آں۔ اے ورکشاپ ایوک ءَ تربیتی پروگرامے نہ اِنت بلکیں یک پُلے، اے صوبہانی نیام ءَ، جتا جتائیں چمشانک ءِ نیام ءَ ءُ چیلنج ءُ آہانی گیواری ءِ نیام ءَ یک مھکمیں سیادی یے جوڑ کنت کہ مارا یکجاہ دیم ءَ دارگی اِنت۔ سید یوسف رضا گیلانی ءَ گوشت کہ من بازیں دہائیاں چہ راجی زند ءَ گوں ھمگرنچ بوتگ آں، یک چیزے من زانتگ ایش انت کہ یک راجے ءِ بستار ءَ ما درست یکجاہ رُست کن ایں ءُ مشکل آنی گوما یکجاہ دیم پہ دیم بئیں۔ آئی ءَ گوشت کہ بلوچستان مئے راجی پجار ءِ یک مرکزی بھرے، ایشی ءِ ساحل عرب ءِ دریا ءِ کش ءُ گور ءَ انت، ایشی ءِ کوہ دمگ ءِ لھتیں ارزشت داریں معدنیات ءِ ذخیرہ آں چہ مالا مال انت ءُ ایشی ءِ جاہ ءُ جاہ جنوبی ایشیا ءَ را میان استمانی ایشیا ءُ میاں اوستمانی تک ءَ گوں ھمگرنچ کنت۔ آئی ءَ گوشت کہ اے راستی بلوچستان ءَ پاکستان ءِ اقتصادی آیوکیں باندات ءُ راجی ایمنی ءِ بنیاتی ستون جوڑ کنت بلے ایمنی، چاگردی ءُ اقتصادی ءُ انسانی دیمروئی ءِ شوبگ آنی تہ ءَ مارا دیم ءَ اتکگیں چیلنج آناں ھم ایمانداری ءَ گوں منگ لوٹ ایت۔ چیئرمین سینیٹ ءَ گوشت کہ انوگیں ناشرکاری اُرش آنی پُشت ءَ دژمن ءِ یک پدریں نام ءِ است انت، آ فتن ال ہندوستان ءُ فتن خوارج انت۔ اے ہندوستان ءِ سرپرستی ءَ کار کنوکیں مردم  اَنت کہ مئے سیمسراں چہ پاکستان ءِ بے رھبند کنگ ءِ ھاترا دیم دیگ بنت۔ آئی ءَ گوشت کہ اے مردم  نوں فوجی ٹارگٹ آنی بدل ءَ بے سلاہیں شہری آناں نشانگ جوڑ کنگ ءَ انت۔ اے بزدلی ءِ نشانی اِنت ءُ ناکامیں ذہنیت ءِ بے وسی ءَ پدر کنت۔ سید یوسف رضا گیلانی ءَ گوشت کہ مئے سیکورٹی فورسز ءَ اے چیلنج ءَ گوں بہادری ءَ گوں دیم پہ دیم بوتگ انت۔ پاک فوج، فرنٹیئر کور بلوچستان ءُ پولیس ءَ آپریشن شعبان بندات کتگ ءُ انٹیلی جنس ءِ بنیاد ءَ آپریشن مشکلیں دمگاں ناشرکارانی پناہ گاہاں نشانگ جوڑ کنگ ءَ انت۔ آئی ءَ گوشت کہ فیلڈ مارشل سید عاصم منیر ءَ اے گپ پدر کتگ کہ ریاست سیم سر ءِ دپ ءَ چہ ناشرکاری ءَ را وتی سرجمیں توان ءَ گوں کچل ایت۔ صدر آصف علی زرداری ءُ مزن وزیر محمد شہباز شریف ءَ مئے سیکورٹی فورسز ءِ پیشہ وارانہ ءُ جزم ءِ ساڑاھگ ءَ انت ءُ من ھم ایشانی ساڑاھگ ءِ تہ ءَ وتی توار ءَ گیش کن آں ۔ سرجمیں راج مئے سلاہ بندیں اُرد ءِ کش ءَ اوشتاتگ۔ ما ھمک سرباز ءُ پولیس ءُ افسر ءَ سلام پیش کن ایں کہ آئی ءَ پاکستان ءِ واستہ وتی سر ندر کتگ ۔ ما ایشانی قربانی ءَ را توسیپ ءُ ستا پیش کنیں ءُ ہما مول ءُ مراد ءِ سرا وتی جزم ءِ دوبر پدر کنیں کہ آئی ءِ ہاترا آہاں بے مٹیں وڑے ءَ خدمت کتگ۔ سید یوسف رضا گیلانی ءَ گوشت کہ پائیداریں امن ایوک ءَ ریاست ءِ کوشست آنی وسیلگ ءَ ممکن نہ اِنت، بلوچستان ءِ الس ھاسیں رنگ ءَ ورنا صوبہ ءِ آیوکیں وھد ءِ محور بہ بنت، آھانی بھر زوری، واجہی ءِ احساس ءُ دلجمی دیریں امن ءُ بامردیں دیمروئی ءِ یکیں ضمانت اِنت۔ آئی ءَ گوشت کہ دژمن مارا چنڈ کنگ لوٹ ایت، لوٹ ایت کہ بلوچستان تہنای بہ مار ایت ءُ ما یکے دومی ءَ ملامت کنگ ءَ مشگول ایں، اے آئی ءِ پندل انت بلے اے کار ءَ آ کدی سوب مند نہ بیت۔ آئی ءَ گوشت کہ ما مدام دیستگ کہ وھدے ما یکجاھ باں گڈا سوبمندی مئے آکبت انت۔ سید یوسف رضا گیلانی ءَ گوشت کہ من وھدے مزن وزیر بوتگ آں بلوچستان ءِ جائزیں جیڈھ آنی گیواری ءِ واستہ عملی گامگیج چست کنگ بوتگ۔ بلوچستان ءِ حقانی پیکج کہ پارلیمنٹ ءَ یکوئی ءَ منظور کتگ ات، یک جامع اصلاحات ءِ منصوبہ ات کہ ایشی ءِ مول ءُ مراد سیاسی ءُ معاشی شکایتانی گیش ءُ گیوار، صوبائی وت واجہی ءِ مھکم کنگ ءُ اے گپ ءِ پدر کنگ ات کہ دمگی آبادی ءَ را ھم قدرتی وسیلگاں چہ نپ چست کنگ بہ بیت۔ آئی ءَ گوشت کہ ھمے وھد ءِ تہ ءَ مارا راجدپتری ھپتمی این ایف سی ایوارڈ رستگ کہ گوادر ءَ جار جنگ بوتگ، اے تپاکی ءِ سر ءَ بنیات ءِ سر ءَ بنیات ءِ سر ءَ بلوچستان ءِ مالی بھر ءَ را بھر ءُ بانگ ءِ لائکیں آمدنی ءِ تہ ءَ مزنیں کساسے ءَ گیشی بوتگ، ایشی ءَ چہ صوبگ ءَ را بنجاہی دیمروئی ءِ واستہ گیشیں وسیلگ رستگ۔ آئی ءَ گوشت کہ ما گیس ءِ دیمروئی ءِ سرچارج ءُ رائلٹی ءِ بقایا زرّ ھم داتگ اَنت کہ ایشی ءَ چہ بنیاتی ڈھانچگ ءُ سرکاری آسراتی آنی واستہ براہ راست مالی وسیلگ پجارینگ بوتگ۔ چیئرمین سینیٹ ءَ گوشت کہ وفاقی محکمہ، سول سروس ءُ سلاہ بندیں اُرد آنی تہ ءَ بلوچ ورنا آنی نمائندگی ءَ را گیش کنگ ءِ واستہ حاصیں کوٹہ ایر کنگ بوتگ اَنت، ایشی ءَ ابید بنجاہی سروکی ءَ گوں گپ ءُ تران ءُ سیاسی مصالحت ءِ پالیسی ھم جوڑ کنگ بوتگ تانکہ استحکام، آئینی حقوق ءُ شمولیت ءِ دیمروئی ءَ را دیم ءَ برگ بوت کنت، اے عہد مرچی ہم سلامت انت۔ آئی ءَ گوشت کہ مئے آئین ءِ لوٹ اِنت کہ صوبائی ھک آنی رکھینگ بہ بیت، وفاقی ڈھانچہ مھکم کنگ بہ بیت ءُ پاکستان ءِ ھمک دمگ ءَ دیمروئی ءِ میوہ آرگ بہ بنت، بلے ایوک ءَ دیمروئی کچک نہ اِنت، ایمنی ءَ ابید دیمروئی کلوک اِنت، ایمنی ءَ ابید یکجائی ءَ نزور اِنت ءُ وت مہ وتی تپاکی ءَ ابید یکوئی ممکن نہ اِنت۔ آئی ءَ گوشت کہ ھمے ھاتر ءَ اے ورکشاپ المی اِنت۔ آئی ءَ ھواریں مردماں گوں تران کنان ءَ گوشت کہ شما جتا جتائیں صوبہ، جتا جتائیں پیشہ ءُ جتا جتائیں پشگرداں چہ اتکگ اِت۔ شما ملک ءِ جتا جتائیں دمگاں تر ءُ تاب کتگ، کارشناس ءُ پالیسی سازاں گوں گند ءُ نند کتگ ءُ جتا جتائیں تجربہ ءِ مردماں چہ دربرتگ۔ نوں تو زانتگ کہ حقیقت ءَ ما یکے دومی ءَ چہ انچو جتا نہ ایں ۔ آئی ءَ گوشت کہ مئے امیت یک انت، مئے جیڈھ یک انت ءُ مئے چک آنی واستہ مئے واب ھم یک انت۔ سید یوسف رضا گیلانی ءَ گوشت کہ شما ایوک ءَ اے ورکشاپ ءِ بھر زوروک نہ اِت بلکیں بلوچستان ءُ پاکستان ءِ آیوکیں راھشون اِت ۔ آئی ءَ گوشت کہ وشھالی امن ءِ یکیں پائیداریں راہ اِنت، وھدے کہ یک ورناھے ءَ را کار رس ایت گڈا آئی ءِ دست ءَ سلاہ ءِ رسگ ءِ موہ کم بنت، وھدے کہ جنک ءَ را وانگ ءُ زانگ رس ایت گڑا آئی ءِ آیوکیں نسل جان سلامت ءُ شریں وڑے ءَ وانندہ بیت، وھدے کہ یک چاگردے ءَ را سڑک، بجلی ءُ ساپیں آپ ءِ رسائی رس ایت گڑا آ مستقبل ءَ را وشھالی ءِ احساس ءَ کنت۔ آئی ءَ گْوشتگ کہ ناشرکار اے راستی ءَ سک شر زان اَنت، ھمے ھاتر ءَ آ وانگجاھانی سر ءَ اُرش کن اَنت، کارکناں کُش اَنت ءُ دیمروئی منصوبگاں نشانگ جوڑ کن اَنت، آ نہ لوٹ اَنت کہ بلوچستان دیمروئی بہ کنت، ءُ نہ کہ آ پاکستان ءَ مھکم گندگ لوٹ اَنت، بلے ما ھمے لوٹ ایں ءُ ما آیاں کدی سوبمند کنگ ءَ نہ دئیں۔ آئی ءَ گوشت کہ بلوچستان ءِ مردم وتی مزنیں دود ءُ ربیدگ، راجدپتر ءُ دود ءُ ربیدگاں گوں مئے راجی پجار ءِ یک کزیتی بھر انت۔ آئی ءَ گوشت کہ مئے دیم ءَ اتکگیں مشکل آنی باوجود ھمت، مھکم ءُ جزم کہ ما بلوچستان ءِ الس آنی تہ ءَ دیستگ آ مئے درست آنی واستہ امیت ءُ مھکم ءِ وسیلگ اِنت، من شمئے درستیں دیم آنی سر ءَ ھمے جزم ءَ گندگ ءَ آں ءُ من ءَ ایشی ءِ سر ءَ سرجمیں ایمان اِنت۔ چیئرمین سینیٹ ءَ گوشت کہ منی اُمیت اِنت کہ شما اے ورکشاپ ءَ چہ نہ ایوک ءَ گیشیں سرپدی ءِ گوما پدا کائے بلکیں بلوچستان ءِ چیلنج ءُ آئی ءِ بے دروریں توانائی آنی سر ءَ گیشیں سرپدی ءُ ستا ءِ گوما پدا کائے، اے سرپدی ءَ را ھر جاگہ ​​ءَ کہ رو اِت گوں وت بُرو اِت ءُ راجی ھمگرنچی ءُ یکوئی ءِ سفیر جوڑ بہ بئے۔ آئی ءَ گوشت کہ عملی زند ءَ چہ زانتگیں چیز آنی سر ءَ عمل بکن اِت، تنوع ءِ احترام ءَ بکن اِت، آئینی قدر آنی برجائی ءَ بکن اِت ءُ جمہوری نظام ءِ تہ ءَ وتی کرد ءَ پیلو بکن اِت۔ سید یوسف رضا گیلانی ءَ گوشت کہ پاکستان ءِ دژمن لوٹ اَنت کہ ما بھر ءُ بانگ بہ بئیں ءُ یکے دومی ءَ گوں جنگ بہ کن ایں، آھاں اے موہ مہ دئیت، یکجا بہ بئے، تپاک بہ بئے ءُ پاکستان ءِ واستہ کار بہ کن۔ آئی ءَ گوشت کہ اے تئی وھد اِنت، اے تئی زمہ واری اِنت من ءَ سرجمیں دل یکیمی اِنت کہ تو اے زمہ واری ءَ جوانیں رنگ ءَ پیلو کن ئے۔ ایشی ءَ چہ پیسر بیستمی راجی ورکشاپ بلوچستان ءِ کوآرڈینیٹر بریگیڈیئر خاقان سرور ءَ وتی گشتانک ءِ تہ ءَ ورکشاپ ءِ مول ءُ مراد ءِ بابت ءَ سرپدی دات ءُ گوشت کہ اے بلوچستان سرکار ءِ یک گامگیج یے کہ 2017 ءَ بندات کنگ بوتگ۔ استان و ایشی ءِ مردم تعلق داریں جیڈھ آنی سر ءَ سامعی گپ ءُ تران ۔ آئی ءَ گوشت کہ ورکشاپ ءَ اسمبلی ءِ باسک، اھوالکار، پالیسی ساز، وانگ ءُ زانگ ءِ زانتکار ءُ ورنائیں سروک آناں یکیں پلیٹ فارم ءِ سر ءَ آرگ ءَ چہ راجی یکوئی ءَ را دیم ءَ برگ بیت۔ بیستمی راجی کارگس پہ بلوچستان ءَ ھوار رسانکدر ءَ ھوار جتاجتائیں ادارگاں چہ 100 مردماں بھر زرتگ کہ آ بلوچستان ءَ ھوار ملک ءِ جتائیں صوبہ آں گوں سیادی دار اَنت۔ آئی ءَ گوشت کہ بھر زوروک آنی تہ ءَ 70 درسد بلوچستان ءِ مردم اَنت وھدیکہ آ دگہ 30 درسد ملک ءِ ایندگہ دمگ آنی مردم اَنت۔ آئی ءَ گوشت کہ دیوان ءَ بھر زوروکاں تاں انوگ ءَ مزن وزیر، دفاعی اُرد ءِ سروک، گورنر خیبر پختونخوا، سر وزیر بلوچستان ءُ اے دگہ ھاسیں مردم آں گوں گند ءُ نند کتگ۔ اے موہ ءِ سر ءَ چیئرمین سینیٹ ءَ بلوچستان ءِ بابت ءَ ھواریں مردمانی جتا جتائیں جستانی پسو ھم دات اَنت۔ مراگش ءَ صدر ءِ جارکش مرتضی سولنگی ءَ ھوار دگہ ھاسیں مردماں ھم بھر زرتگ۔