پاکستان مھکمیں معیشت، گیش بوھوکیں اعتماد ءُ پدا پائیدار اقتصادی دیمروئی ءِ راہ ءَ انت، خرم شہزاد

اسلام آباد۔24جولائی  (اے پی پی): وفاقی وزیر خزانہ خرم شہزاد ءِ مشیر ءَ میاں اوستمانی کریڈٹ ریٹنگ ایجنسی آنی نیمگ ءَ پاکستان ءِ وت واجہیں کریڈٹ ریٹنگ ءِ تہ ءَ انوگیں گہتری ءَ را ملک ءِ معیشت ءِ واستہ یک مزنیں دیمروئی لیک اِتگ، آئی ءَ گوشت کہ پاکستان ءِ سفر ءَ یک ھاسیں رھشونی یے زرتگ ءُ ملک یک رندے پدا دیمروئی ءِ راہ ءَ روگ ءَ اِنت۔ اقتصادی دیمروئی ءِ ھاترا دیم ءَ اتکگ۔ جمعہ ءِ روچ ءَ سوشل میڈیا پلیٹ فارم ’’ایکس‘‘ ءِ سر ءَ وتی پوسٹ ءِ تہ ءَ آئی ءَ گوشت کہ پاکستان ءِ وت واجہی کریڈٹ ریٹنگ گوستگیں دہ سال آنی تہ ءَ ملک ءِ معیشت ءِ سفر ءِ درشان اِنت۔ مالی سال 17-2016 ءَ پاکستان ءِ وت واجہی ءِ درجہ بندی بی بوتگ، بلے پد ءَ اقتصادی بحران ءِ سبب ءَ اے درجہ بندی مدام ھراب بوتگ ءُ مالی سال 23-2022 ءَ وتی نزور تریں کچ ءَ سر بوتگ، نوں اے رجحان ءَ چہ ھاسیں رنگ ءَ بدلی اتکگ۔ آئی ءَ گوشت کہ برجاھیں اصلاحات، مالیاتی نظم و ضبط ءُ اقتصادی استحکام ءِ سبب ءَ ایس اینڈ پی گلوبل ریٹنگز ءَ پاکستان ءِ سوورن ریٹنگ ءَ را بی (استحکام) ءَ سر کتگ کہ گوستگیں 8 ءَ چہ 9سال آنی تہ ءَ اے مستریں تک اِنت۔ فچ ریٹنگز ءَ مالی سال 2025-26 ءِ واستہ پاکستان ءِ بی (مستحکم) ریٹنگ برجاہ داشتگ وھدے کہ موڈیز ءَ مالی سال 2025-26 ءِ واستہ پاکستان ءِ ریٹنگ ءَ را سی اے اے ون (مستحکم) ءَ ھم اپ گریڈ کتگ۔ آئی ءَ گوشت کہ اے سئیں گلوبل ریٹنگ ایجنسی آنی کارروائی آنی آسر ءَ پاکستان ءَ را نزیک ءَ یک دہائی ءَ پد وتی مھکمیں سرجمیں وت واجہیں کریڈٹ ریٹنگ ءِ تک ءَ واتر بوتگ، ایشی ءَ چہ ملک ءِ اصلاحات ءِ ایجنڈا، ادارگ آناں مھکم کنگ، اقتصادی اشارہ آناں گہتر کنگ ءُ پالیشی آنی برجائی ءِ سر ءَ گلوبل اعتماد ءِ درشان اِنت۔ خرم شہزاد ءَ گوشت کہ بحران ءَ چہ دل یکیمی، استحکام ءَ چہ برجمیں اصلاحات ءَ پاکستان ءِ سفر ءَ یک ھاسیں کشکے گپتگ ءُ ملک یک رندے پدا مھکمیں معیشت، گیش بوھوکیں دل یکیمی ءُ برجمیں اقتصادی دیمروئی ءِ راہ ءَ انت۔