منیلا۔23جولائی (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ پنچ شمبے ءِ روچ ءَ آسیان ءِ دمگی فورم ءِ 33می وزارتی دیوان ءَ منیلا ءَ بھر زوری کت۔ درئی کارانی کارگس ءِ رد ءَ نائب مزن وزیر ءَ فلپائن ءَ را آسیان ءُ اے آر ایف ءِ سوبمندیں چیئرمین شپ ءِ سر ءَ مبارک بات دات ءُ امن، گپ ءُ تران ءُ کثیر …
نائب مزن وزیر اسحاق ڈار ءَ سیمی آسیان ءِ دمگی فورم ءِ وزارتی دیوان ءَ بھر زوری کتگ، آسیان ءُ اے آر ایف ءِ سوبمندیں چیئرمین شپ ءِ فلپائن ءَ را مبارک بات
گیشتریں ھال
منیلا۔23جولائی (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ پنچ شمبے ءِ روچ ءَ آسیان ءِ دمگی فورم ءِ 33می وزارتی دیوان ءَ منیلا ءَ بھر زوری کت۔ درئی کارانی کارگس ءِ رد ءَ نائب مزن وزیر ءَ فلپائن ءَ را آسیان ءُ اے آر ایف ءِ سوبمندیں چیئرمین شپ ءِ سر ءَ مبارک بات دات ءُ امن، گپ ءُ تران ءُ کثیر نیمگی کمک ءِ واستہ پاکستان ءِ بے مٹیں عزم ءِ سر ءَ پدا زور دات۔ عالمی تک ءَ بے یقینی ءِ تہ ءَ گیشی ءِ رد ءَ آئی ءَ گوشت کہ سفارتکاری دائمی امن ءِ برجائی ءِ واستہ یکیں پائیداریں راہ اِنت۔ وزارتی گند ءُ نند ءِ ساھت ءَ نائب مزن وزیر ءَ ھاسیں دمگی ءُ جھان ءِ جاورھال آنی ھوالگ ءَ پاکستان ءِ موقف پیش کت۔ آئی ءَ ایران ءُ امریکہ ءِ نیام ءَ جنگ ءِ وھد ءَ گپ ءُ تران ءُ ڈی اسکالیشن ءِ دیمروئی ءِ تہ ءَ پاکستان ءِ جوڑیشت ءِ کرد ءِ سر ءَ زور پر دات۔ نائب مزن وزیر ءَ یک رندے پدا گوشت کہ جنوبی ایشیا ءَ پائیدار امن اقوام متحدہ ءِ سلامتی کونسل ءِ قرارداد آنی رد ءَ جموں کشمیر جیڈھ ءِ انصاف ءِ گیواری ءِ سر ءَ بندوک اِنت۔ آئی ءَ اے گپ ءِ سر ءَ ھم زور پر دات کہ سندھ ءِ آپانی معاہدہ ءَ را دمگی امن ءُ ایمنی ءِ بنیاتی ستون ءِ رنگ ءَ برجم دارگ سک باز المی اِنت۔
