پاکستان ءُ چین ءِ بزنس ٹو بزنس شریکداری ءَ چہ دوئیں ملک آنی نیام ءَ دوستی ءِ سیادی گیش مھکم بنت، مزن وزیر شہباز شریف ءَ چینی کمپنی ءِ سی ای او فیمسن  جیک چین ءَ گوں گپ ءُ تران

اسلام آباد۔23جولائی  (اے پی پی): مزن وزیر محمد شہباز شریف ءَ سامان ءِ امبار ءَ جم  کنگ ءِ بنجاہ ءِ نوک کنگ ءِ منصوبگ ءِ بنگیج کنان ءَ گوشت کہ پاکستان ءُ چین ءِ کاروباری شریکداری ءَ چہ دوئیں ملک آنی نیام ءَ دوستی ءِ سیادی گیش مھکم بنت۔ آئی ءَ گوں چینی کمپنی ءِ سی ای او فامسن جیک چین ءَ گپ ءُ تران کنگ ءَ ات کہ آئی ءَ پنچ شمبے ءِ روچ ءَ ادا ڈل ءِ گوما آئی ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ ڈل ءِ پاکستان ءَ سر بوھگ ءِ سر ءَ وش آتک کتگ ءُ گوشت کہ پاکستان ءُ چین آئیڈیل دوست اَنت ایشانی اقتصادی شریکداری ءُ دوستی ءِ سیادی وھد ءِ گوزگ ءَ گوں مھکم بوھگ ءَ اَنت۔ آئی ءَ گوشت کہ دوئیں ملک آنی نیام ءَ بزنس ٹو بزنس شریکداری ءِ برجائی ءَ گوں اے دوستی ءَ را گیش مھکم کنگ بیت۔ مزن وزیر ءَ پاکستان ءَ سامان آنی سٹوریج سنٹر آناں جدید ترین بنجاہ آنی تہ ءَ بدل کنگ ءِ واستہ یک کمپنی ءِ منصوبگ ءِ پیش کنان ءَ گوشت کہ اے منصوبگ ءَ چہ ملک ءَ کشت ءُ کشار ءِ شوبگ ءَ نوکیں ٹیکنالوجی آرگ بیت ءُ تجارتی چست ءُ ایر آناں دیمروئی رسیت۔ مزن وزیر ءَ پنت ءُ شون کت کہ اے منصوبگ آنی تہ ءَ پاکستان ءِ ہنرمند ءُ تربیت یافتہ افرادی قوت کارمرد کنگ بہ بیت۔ جکت چانی ءَ پاکستان ءَ مزن وزیر ءُ حکومت ءِ منت گپت ءُ چین ءِ گوستگیں تر ءُ تاب ءِ ساھت ءَ مزن وزیر ءِ گوما گند ءُ نند ءِ ھم ذکر کت کہ ایشی ءِ آسر ءَ آ پاکستان ءِ تر ءُ تاب ءَ کنگ ءَ اِنت ءُ فوڈ سیکیورٹی ءِ ھوالگ ءَ یک کار ءِ لائکیں منصوبگ ءِ سر ءَ گپ ءُ تران بوھگ ءَ اِنت۔ جکت چانی ءَ گوشت کہ فامسن پاکستان فوڈ سیکیورٹی ءِ ھوالگ ءَ گہتریں اسٹوریج سینٹر، ٹیکنالوجی ءِ ٹرانسفر ءُ ٹریننگ ءِ واستہ دلگوش انت۔ آئی ءَ مزن وزیر ءَ را سرپد کت کہ فیمسن پاکستان گرین سیلو ءِ جوڑ کنگ ءِ ھوالگ ءَ یک نمائشی مرکز ءِ جوڑ کنت، اسٹوریج سنٹر آناں نوکیں گرین سیلو آنی تہ ءَ بدل کنگ بیت، اے درگت ءَ فیمسن ءُ گرین پاکستان انیشیٹیو ءِ نیام ءَ مفاہمت نامہ ءِ سر ءَ دستخط کنگ بوتگ۔ گند ءُ نند ءَ راجی وردن ءُ وراک ءِ سلامتی ءِ وفاقی وزیر رانا تنویر حسنہ، وفاقی وزیر تجارت جام کمال خان، خزانہ ءُ ریلوے ءِ وزیر ءِ مملکت بلال اظہر کاہنی، ھاسیں کمکار ہارون اختر ءُ سیادی داروکیں مزنیں سرکاری کارندہ آنی بھر زوری بوتگ۔ زانگ بہ بیت کہ فیڈریشن زراعت، جانور ءِ ورگ ءُ فوڈ پروسیسنگ ءِ شوبگ ءَ مزنیں کردے پیلو کنگ بیت۔