ملک ءَ  ھیل کاریں  نرسنگ افرادی قوت ءِ گیش بوھوکیں ضلورت ءِ پیلو کنگ ءِ واستہ موثر ءُ وھد ءِ سر ءَ گامگیج آناں دل یکیمی کنگ بیت، مصطفیٰ کمال

اسلام آباد۔23جولائی  (اے پی پی): وفاقی جان سلامتی ءِ وزیر سید مصطفیٰ کمال ءَ گوشت کہ ملک ءَ ھیل کاریں  نرسنگ افرادی قوت ءِ گیش بوھوکیں ضلورت ءِ پیلو کنگ ءِ واستہ موثر ءُ وھد ءِ سر ءَ گامگیج آناں دل یکیمی کنگ بیت۔ اے ھیالانی درشانی آئی ءَ یک ھاسیں دیوان ءِ سروکی ءَ کنان ءَ کت۔ گند ءُ نند ءَ ایشیائی دیمروئی بینک ءِ نمائندگاں پاکستان ءَ ویکسین ءِ دیمروئی منصوبگ ، بنجاہی تک ءَ ویکسین ءِ جوڑ کنگ ءِ تہ ءَ برجاھیں پیشرفت ءُ پاکستان نرسنگ ءُ ماما کونسل ءِ ڈیجیٹلائزیشن ءُ اصلاحات ءِ گامگیج آنی بابت ءَ سرجمیں بریفنگ دات۔ وفاقی وزیر جان سلامتی مصطفیٰ کمال ءَ پنت ءُ شون کت کہ پاکستان ءَ لوکل ویکسین پیداوار ءِ منصوبگ ءِ سرا پیشرفت ءَ را گیش تیز کنگ بہ بیت تانکہ ملک لوکل ویکسین پیداوار ءِ تہا وت واجہی ءِ نیمگ ءَ ترندی ءَ گوں گامگیج بہ زوریت۔ آئی ءَ گوشت کہ ایشی ءِ واستہ ھمک ریگولیٹری، قانونی ءُ ٹیکنیکل لوٹ وھد ءِ سر ءَ سرجم کنگ بہ بنت۔ دیوان ءَ نرسنگ ءِ شوبگ ءَ اصلاحات ءِ سر ءَ ھم سرجمی ءَ چار ءُ تپاسی کنگ بوت۔ وفاقی جان سلامتی ءِ وزیر ءَ گوشت کہ نرسنگ ءِ شوبگ ءَ سرجمیں اصلاحات وھد ءِ ضلورت اِنت ءُ پاکستان نرسنگ ءُ ماائی کونسل ءِ نظام ءَ را سرجمی ءَ ڈیجیٹل کنگ بہ بیت۔ آئی ءَ پنت ءُ شون کت کہ نرسنگ کونسل ءَ را میاں اوستمانی معیار ءِ رد ءَ نوک کنگ بہ بیت تانکہ پیشہ وارانہ معیار ءُ ازمت آناں گہتر کنگ بہ بیت۔ مصطفیٰ کمال ءَ گیش گوشت کہ ملک ءَ تربیت یافتہ نرسنگ افرادی قوت ءِ گیش بوھوکیں ضلورت ءِ پیلو کنگ ءِ واستہ جوانیں ءُ وھد ءِ سر ءَ گامگیج آناں دل یکیمی کنگ بہ بیت۔ گند ءُ نند ءِ ساھت ءَ ایشیائی دیمروئی بینک ءِ نمائندگاں جان سلامتی ءِ شوبگ ءَ پاکستان ءِ حکومت ءِ گوما کمک ءِ برجاہ دارگ ءِ جزم ءِ یک رند ءَ پدر کت ءُ دل یکیمی دات کہ بینک جان سلامتی ءِ شوبگ ءِ گہتری ءِ واستہ ھمک رنگ ءِ کمک ءَ برجاہ دار ایت۔ گند ءُ نند ءَ وفاقی سیکرٹری جان سلامتی، چیف انفارمیشن آفیسر (CIO) وزارت جان سلامتی، چیف انفارمیشن آفیسر DRAP (DRAP) ءُ ایشیائی دیمروئی بانک ءِ نمائندگ آنی بھر زوری بوتگ۔ وفاقی جان سلامتی ءِ وزیر مصطفیٰ کمال ءَ جان سلامتی ءِ شوبگ ءَ ایشیائی دیمروئی بینک ءِ برجاھیں کمک ءِ توسیپ کت ءُ اے شریکداری ءَ را پاکستان ءِ جان سلامتی ءِ نظام ءِ مھکم کنگ ءِ واستہ المی لیک ات۔