مزن وزیر شہباز شریف ءَ سیشن جج   ءُ جوڈیشل مجسٹریٹ ءِ سر ءَ تیر گواری ءِ وئیل ءِ سک باز مذمت کتگ

اسلام آباد۔23جولائی  (اے پی پی): مزن وزیر محمد شہباز شریف ءَ مستونگ ءِ نزیک ءَ سیشن جج عبدالحکیم  کاکر ءُ جوڈیشل مجسٹریٹ طارق لاشاری ءِ سر ءَ تیرگواری ءِ وئیل ءِ سک باز مذمت کتگ ءُ سیشن جج عبدالحکیم   ءُ آئی ءِ  گارڈ  ءِ بیرانی ءِ سر ءَ دلپدردی درشان کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ بیران بوتگیں  مردم آنی آکبت  ءِ ھیری  ءُ آوانی  کھول ءِ سگ ءُ  اوپار ءِ دعا کتگ۔ مزن وزیر ءَ ٹپیگیں جوڈیشل مجسٹریٹ جج طارق لاشاری ءُ اے دگہ مردمانی زوت جان سلامتی ءِ دعا کت۔ آئی ءَ گوشت کہ اے وڑیں بزدلیں کار آنی وسیلگ ءَ ناشرکار کدی وتی مکسد ءَ سر بوت نہ کن اَنت، ملک ءَ ھمک رنگ ءِ ناشرکاری ءَ را سرجمی ءَ ھلاس کنگ ءِ واستہ جزمیگ اِنت۔