مون سون ءِ بارش ءِ شدت ءِ رد ءَ جان ءُ مال ءِ رکھینگ ءِ ھاتر ءَ ہمگامیں تیاری، ریسکیو ءُ ریلیف ءِ گامگیجاں گیش جوان  ءُ ترند  کنگ بہ بیت،  صدر  ءِ مملکت ءِ بنجاھی  ءُ صوبائی  ءُ ھندی کارندہ آناں پنت ءُ شون

اسلام آباد۔23جولائی  (اے پی پی): صدر آصف علی زرداری ءَ وفاقی، صوبائی ءُ بنجاہی واکدار آناں ہدایت کتگ کہ آ ملک ءَ مون سون ءِ سیلاب ءِ شدت ءِ رد ءَ جان ءُ مال ءِ رکھینگ ءِ ھاتر ءَ ہمگرنچیں تیاری، ریسکیو ءُ ریلیف ءِ گامگیجاں گیش موثر ءُ ترند بہ کن انت، چیا کہ فلیش سیلاب ءِ خطرہ، ھوار  ءِ گیش بوھگ ءِ سبب ءَ حساسیں دمگاں زمین چنڈ، دریا ءِ سر ءَ چہ گیش بوھگ ءُ شہری سیلاب گیش بوھگ ءَ انت۔ پنچ شمبے ءِ روچ ءَ صدارت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوستگیں ھور ءُ ایشی ءِ آسر ءَ گران بھائیں انسانی جانی تاوان ءُ لوگ، بنیاتی ڈھانچہ ءُ مال ءُ مڈی ءَ را تاوان ءِ سر ءَ دلپدردی ءُ اپسوز ءِ درشانی کتگ۔ بیران بوتگیں مردمانی کھول ءِ گوما دلپدردی ءِ درشان کنان ءَ آئی ءَ آماچیں کھول ءِ گوما سرجمیں یکوئی ءِ درشانی کتگ۔ صدر ءِ مملکت ءَ نیشنل ڈیزاسٹر مینجمنٹ اتھارٹی، صوبائی ڈیزاسٹر مینجمنٹ اتھارٹیز، صوبائی حکومت ءُ بنجاھی انتظامیہ آناں ہدایت کت کہ آ وتی رابطہ کاری ءَ را گیش ءَ چہ گیش موثر بہ کن انت ءُ وھد ءِ سر ءَ زوتیں ھال ءُ اھوال ءَ را دل یکیمی بہ کن انت۔ آئی ءَ بالائی  بنزہ  آنی تہ ءَ ھور، دریا ءِ روانی ءُ آپ ءِ تہ ءَ آپ ءِ تہ ءَ مدام نگرانی ءِ ضلورت ءِ سر ءَ زور پر دات ءُ ھاسیں رنگ ءَ گلگت بلتستان ءُ آزاد جموں کشمیر ءُ جہل ءِ دمگ آناں ہدایت کت کہ آ ممکنہ سیلاب ءَ گوں گر ءُ چیل بوھگ ءِ واستہ سرجمیں تیاری ءَ بہ کن اَنت۔ صدر ءِ مملکت ءَ سیادی داروکیں ادارگ آناں ہدایت کت کہ آ حساسیں جاھاں پیسر ءَ چہ ریسکیو ءُ ریلیف وسیلگ دستیاب بہ کن اَنت، نزور ءُ نزوریں آبادی ءُ نازرکیں بنیاتی ڈھانچہ ءِ رکھینگ ءَ را دل یکیمی بہ کن اَنت ءُ ھمے رنگ ءَ سیل ءُ سواد ءِ شکاریں دمگ آنی تہ ءَ سیل ءُ سواد ءُ ایندگر مردمانی رکھینگ ءِ واستہ المی گامگیج بہ زور اَنت۔ صدر آصف علی زرداری ءَ اے ھم ہدایت کت کہ درستیں سیادی داروکیں ادارگ ہر وھد ءَ الرٹ بہ بنت ءُ ھر جاگہ ​​ءَ انسانی جان یا مال ءِ ھترہ ءِ ھست ترند ءُ موثر گامگیج ءَ را دل یکیمی بہ کن انت۔ آئی ءَ چہ الس ءَ لوٹ کتگ کہ آ سرکاری ہدایت آنی سر ءَ عمل بہ کن اَنت ءُ ھما دمگ آنی تہ ءَ کہ ھئور ءِ ھئور، فلیش سیلاب، زمین چنڈ یا موسم ءِ ھواریں دگہ ھترہ آنی ھال داتگیں دمگ آنی تہ ءَ بے وسی ءِ سفر ءَ چہ بہ رک اَنت۔ صدر ءَ ریلیف آپریشن ءَ گوں بندوکیں ریسکیو کارندہ ءُ ایمرجنسی سروسز ءِ کارندہ آنی کوشست آناں ساڑات ءُ سرجمیں ملک ءَ الس ءِ جان سلامتی ءِ واستہ دعا کت۔