وفاقی وزیر خزانہ محمد اورنگزیب ءَ واشنگٹن ءَ امریکی ایگزم    بنک ءِ صدر ءُ چیئرمین ءَ گوں گند ءُ نند کتگ، کشت ءُ کشاری سامان آنی تہ ءَ بیپاری ءِ تہ ءَ گیشی ءِ سر ءَ گپ ءُ تران

واشنگٹن ڈی سی ۔23جولائی  (اے پی پی): واشنگٹن ڈی سی ءَ وفاقی وزیر ءِ مالیات ءُ آمدنی محمد اورنگزیب ءَ واشنگٹن ڈی سی ءَ امریکی ایگزم    بنک  (ایکسپورٹ۔امپورٹ بنک آف یونائیٹڈ سٹیٹس) ءِ صدر ءُ چیئرمین جان جووانووچ ءَ گوں گند ءُ نند کت۔ گند ءُ نند ءَ پاکستان ءُ امریکہ ءِ نیام ءَ اقتصادی ءُ تجارتی کمک ءِ دیمروئی ءِ بابت ءَ گپ ءُ تران کنگ بوت۔ وزارت خزانہ ءِ نیمگ ءَ جاڑی بوتگیں بیان ءِ رد ءَ دیوان ءَ دراجیں مدت ءِ منصوبگ آنی واستہ مالی وسیلگ آنی پجاری ءُ کپاس، سویابین ءُ ہائیڈروکاربن ءَ ھوار بازیں کشت ءُ کشاری سامان آنی تہ ءَ تجارت ءِ تہ ءَ گیشی ءِ سر ءَ دلگوشی دیگ بوتگ۔ وزیر خزانہ ءَ ایگزم    بنک   ءِ ترجیحی منصوبگ آنی واستہ فریم ورک ءِ جوڑ کنگ ءِ تجویز، کثیر سالی لین دین ءِ نظام ءُ امریکی مالی کمک، ٹیکنالوجی، سامان ءُ سروسز ءِ دیمروئی ءِ تہ ءَ آسراتی ءِ سر ءَ ساڑات۔ فریقین ءَ زوتاں چہ زوت اسٹریٹجک فریم ورک ءَ را گڈی رنگ ءَ دیگ ءِ سر ءَ تپاک کتگ، فوکل پرسن ءِ گچین کنگ ءُ نزیکیں وھد ءَ لین دین آناں سرجم کنگ ءِ سر ءَ تپاک کتگ ءُ امیت ءِ درشانی کتگ کہ ستمبر 2026 ءَ اقوام متحدہ ءِ جنرل اسمبلی ءِ دیوان ءِ ساھت ءَ اسٹریٹجک فریم ورک ءِ سر ءَ یک شل ءَ  دستخط کنگ بیت۔