وفاقی وزیر خزانہ محمد اورنگزیب ءَ آئی ایم ایف ءِ کارندہ، واشنگٹن ڈی سی ءَ پاکستان ءِ مشن چیف ءِ گوما جتا جتائیں گند ءُ نند کتگ، فنڈ 2018 ءِ چیر دستی ءَ جاری پروگرام ءِ دیمروئی ءِ بابت ءَ گپ ءُ تران

واشنگٹن ڈی سی۔23جولائی  (اے پی پی): وفاقی وزیر خزانہ ءُ آمدنی محمد اورنگزیب ءَ واشنگٹن ڈی سی ءَ آئی ایم ایف ءِ فرسٹ ڈپٹی منیجنگ ڈائریکٹر   ڈین کٹز،  ڈپٹی منیجنگ ڈائریکٹر نائجل کلارک، آئی ایم ایف  ءِ میاں اوستمانی ءُ میاں اوستمانی ایشیا ءِ ڈائریکٹر جہاد آزور ءُ پاکستان ءِ مشن چیف ایوا پیٹرووا ءَ گوں جتا جتائیں گند ءُ نند کت۔ گند ءُ نند آنی تہ ءَ پاکستان ءِ میکرو اکنامک جاور ھال، توسیپی فنڈ آسراتی (ای ایف ایف)، ریزیلینس اینڈ سسٹینبلٹی آسراتی (آر ایس ایف) ءُ فنڈ ءِ چیر دستی ءَ جاری پروگرام ءِ دیمروئی ءِ سر ءَ سرجمیں رنگ ءَ گپ ءُ تران کنگ بوت۔ وزارت ءِ ھزانگ ءِ نیمگ ءَ جاڑی بوتگیں پریس ریلیز ءِ رد ءَ وزیر ھزانگ ءَ پاکستان ءِ گہتریں مالیاتی جاور، درائیں توازن، آمدنی ءِ ٹارگٹ آنی سرجمی، مھکمیں زرّ ءِ ذخیرہ، ریکارڈ ءِ زرّ ءِ دیم دیگ ءُ کرنٹ اکاؤنٹ ءِ گہتری ءِ سر ءَ زور پر دات۔ گپ ءُ تران ءِ تہ ءَ ٹیکس ءُ توانائی ءِ اصلاحات، نجکاری، ٹیرف ءِ عقلی کنگ، قرض ءِ بندوبست، مالیاتی وسیلگ آنی تنوع ءُ پاکستان ءِ میاں اوستمانی سرمایہ کاری مارکیٹ آنی تہ ءَ واتر بوھگ ءِ سر ءَ گپ ءُ تران کنگ بوتگ۔ دوئیں نیمگ ءَ انسانی سرمایہ ءِ دیمروئی، زالبول آنی اقتصادی بھر زوری، آبادی ءِ ھوالگ ءَ چیلنج، ٹیکنالوجی ءِ رد ءَ دیمروئی ءُ نجی شعبہ ءِ سروکی ءَ برآمدات ءِ سروکی ءَ دیمروئی ءِ سر ءَ گپ ءُ تران کنگ بوت۔ وزیر خزانہ محمد اورنگزیب ءَ آئی ایم ایف ءِ نیمگ ءَ پاکستان ءِ اصلاحاتی ایجنڈا ءِ منگ ءُ فنڈ ءِ گوما تپاک کتگیں پروگرام ءِ سر ءَ عمل کنگ ءِ سر ءَ انتظامیہ ءِ منت گپت۔ وزیر خزانہ ءَ مالیاتی نظم و ضبط، پالیسی ءِ اعتبار ءَ را دل یکیمی کنگ، ڈھانچہ ءِ اصلاحات ءُ دراجیں مدتی اقتصادی بدلی ءِ سرا حکومت ءِ جزم  ءِ درشان ۔