نائب مزن وزیر ءُ دری کارانی وزیر اسحاق ڈار ءَ  منیلا ءَ آسیان ءِ دمگی فورم ءِ ساھت ءَ  اومان  ءِ درئی کارانی وزیر سید بدر بن حمد البوسعیدی ءَ گوں گند ءُ نند

اسلام آباد۔23جولائی  (اے پی پی):  منیلا ءَ آسیان ءِ دمگی فورم 2026 ءِ ساھت ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ اومان ءِ دری کارانی وزیر سید بدر بن حمد البوسعیدی ءَ گوں گند ءُ نند کت۔ پنچ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ دوئیں سروک آں وت مہ وتی کمک ءِ تہ ءَ جوانیں دیمروئی  ءِ سر ءَ دل یکیمی ءِ درشان کتگ۔ آئی ءَ مزنیں تک ءِ تبادلہ، تجارت ءُ سرمایہ کاری ءِ دیمروئی، مردم آنی نیام ءَ رابطہ، کاروباری براتی ءِ نیام ءَ مھکمیں سیادی ءُ کثیر جہتی فورم آنی تہ ءَ برجاھیں ھوار بوھگ ءِ وسیلگ ءَ وت مہ وتی کمک ءَ را گیش مھکم کنگ ءِ سر ءَ تپاک کت۔ دوئیں بامرد آں دمگ ءُ دگنیا ءِ نوکتریں ردوم آنی بابت ءَ ھم گپ ءُ تران کتگ۔ عمان ءِ دری کارانی وزیر ءَ گپ ءُ تران ءِ دیمروئی، کش ءُ گور ءِ کمی ءُ دمگ ءَ امن ءُ ایمنی ءِ برجائی ءِ تہ ءَ پاکستان ءِ جوڑیشت ءِ کرد ءَ را ساڑات۔ دوئیں نیمگاں دمگ ءِ نوکیں جاور ھال آنی سر ءَ نگرانی ءِ درشانی کتگ ءُ دمگ ءِ تہ ءَ امن ءُ ایمنی ءِ برجائی ءِ برجائی، میاں اوستمانی کانود ءِ شرپ ءُ یکجائی کوشست آنی سر ءَ زور پر داتگ۔ دوئیں رہشوناں نزیکیں رابطہ ءِ تہا دارگ ءِ سرا ہم تپاک کتگ۔