پاکستان ءِ ھوار بوھگ ءِ روچ مارا پاکستان ءُ جموں ءُ کشمیر ءِ اُلس ءِ نیام ءَ گہتریں راجدپتری، دود ءُ ربیدگی ءُ روحانی سیادی ءِ یات ءَ دنت، صدر آصف علی زرداری

اسلام آباد۔19 جولائی  (اے پی پی):صدر آصف علی زرداری ءَ گوشت کہ پاکستان ءِ ھوار بوھگ ءِ روچ مارا پاکستان ءُ جموں ءُ کشمیر ءِ اُلس ءِ نیام ءَ گہتریں راجدپتری، دود ءُ ربیدگ ءُ روحانی سیادی ءِ یات ءَ دنت ءُ ھمے رنگ ءَ کشمیری اُلس ءِ آیوکیں واھشت ءِ پیسلہ کنگ ءِ تہ ءَ وتی آزاتیں واھشت ءِ احترام کنگ ءِ ارزشت ءَ را ھم پدا پدر کنت اقوام متحدہ ءِ سلامتی کونسل ءِ جموں ءُ کشمیر ءِ الس ءِ وت واجہی ءِ حق ءِ منگ ءِ ھواریں قرارداد آنی باوجود گیش ءُ گیوار کنگ بوتگ۔ شمبے ءِ روچ ءَ صدارت ءِ پریس ونگ ءِ نیمگ ءَ چہ جاڑی بوتگیں بیان ءِ رد ءَ صدر آصف علی زرداری ءَ وتی کلوہ ءِ تہ ءَ گوشت کہ مرچی 19جولائی 1947 ءَ جموں ءُ کشمیر مسلم کانفرنس ءِ نیمگ ءَ منظور بوتگیں راجدپتری قرارداد ءِ روچ اِنت کہ ایشی ءِ تہ ءَ جموں ءُ کشمیر ءِ مسلمان آنی سیاسی واھشت آنی درشان کنگ بوتگ۔ اے روچ مارا پاکستان ءُ جموں ءُ کشمیر ءِ اُلس ءِ نیام ءَ گہتریں راجدپتری، دود ءُ ربیدگی ءُ روحانی سیادی ءِ یات ءَ دنت ءُ کشمیری اُلس ءِ آیوکیں باندات ءِ پیسلہ کنگ ءَ آزاتیں ارادہ ءِ احترام کنگ ءِ ارزشت ءَ را ھم پدا پدر کنت۔ تقریباً ہشت دہائی ءَ چہ جموں ءُ کشمیر ءِ جیڈھ ءِ گیش ءُ گیوار نہ بوتگ اگاں چہ اقوام متحدہ ءِ سلامتی کونسل ءِ ہمگرنچیں قرارداداں جموں ءُ کشمیر ءِ مہلوک ءِ وت واجہی ءِ حق ءِ منگ بوتگ۔ اے بنیاتی حق ءِ برجاھیں انکار ءُ بھارت ءِ نیمگ ءَ ناجائزیں قبضہ ءِ جموں ءُ کشمیر ءَ انسانی ھک آنی برجاھیں لگتمالی ءِ سبب ءَ میاں اوستمانی براتی ءِ سک باز جیڑہ اِنت۔ صدر زرداری ءَ گوشت کہ پاکستان ءَ مُدام اقوام متحدہ ءِ سلامتی کونسل ءِ ھمگرنچیں قرار ءُ کشمیری الس ءِ واھشت آنی رد ءَ اے جیڈھ ءِ پرامن ءُ انصاف ءِ گیواری ءِ ھکل داتگ۔ ما میاں اوستمانی براتی ھاسیں رنگ ءَ اقوام متحدہ ءَ گوں دزبندی کن ایں کہ آ کشمیری راج ءِ وت واجھی ءِ ھک ءِ رسگ ءَ را دل یکیمی کنگ ءِ واستہ کوشست آناں کمک کنان ءَ وتی ذمہ واری ءَ پیلو بہ کنت۔ صدر ءِ مملکت ءَ گوشت کہ جموں ءُ کشمیر ءِ اُلس ءِ ھمت ءُ مھکمیں جزم ءَ را سلام پیش کن آں ایشاں وتی جائز ھک آناں حاصل کنگ ءِ واستہ بے دروریں قربانی داتگ۔ پاکستان وتی کشمیری برات ءُ گہار آنی گوما شانہ پہ شانک ءَ اوشتات کنت ءُ وتی بے دروریں سفارتی، سیاسی ءُ اخلاقی کمک ءَ را برجاہ دار ایت داں آ وتی وت واجئی ءِ وتی المی ایں حق ءَ سر بہ بنت۔ امیت انت کہ اے روچ جموں کشمیر ءِ جیڈھ ءِ پرامن، انصاف ءُ دائمی گیواری ءِ ھاتر ءَ مئے یکجاھیں جزم ءَ را نوک کنت ءُ جنوبی ایشیا ءَ دائمی امن، ایمنی ءُ وشھالی ءِ پیشگوئی ثابت بیت۔