نورین نیازی ءِ باگ ءَ بانی پی ٹی آئی ءِ راستیں ذہنیت پدر بوتگ، رانا تنویر حسین

اسلام آباد۔19جولائی  (اے پی پی):فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین ءَ نورین نیازی ءِ بیان ءِ سک باز مذمت کتگ ءُ گشتگ کہ انصاف ءِ جہد ءِ بابت ءَ آئی ءِ بیان ءَ بانی تحریک انصاف ءِ راستیں ذہنیت بے درور کتگ۔ وزارت ءِ راجی وردن ءُ وراک ءِ سلامتی ءُ پٹ ءُ پول ءِ نیمگ ءَ چہ جاڑی بوتگیں بیان ءِ تہ ءَ وفاقی وزیر ءَ گوشت کہ مودی ءِ توسیپ ءُ بھارت ءَ را سپر پاور ءِ جار جنگ بانی پی ٹی آئی ءِ ھاندان ءِ راجی ھلاپیں موقف ءِ درشان اِنت۔ رانا تنویر حسین ءَ گشتگ کہ پاکستان ءِ دژمن ہندوستان ءِ موقف ءِ حمایت کنگ ءَ بنجاہی تحریک انصاف ءِ سرجمیں خاندان قوم دشمنی ءِ راہ ءَ ایر کپتگ انت۔ آئی ءَ گوشت کہ انصاف ءِ جہد ءَ پاک اُرد ءِ سوبمندی سرجمیں دگنیا ءَ وش اتک کتگ، وھدیکہ بھارت ءَ وتی شکست من اِتگ۔ رانا تنویر حسنی ءَ گشتگ کہ نورین نواز کہ ہندوستان ءَ چہ گیش ہندوستان ءَ گوں وفادار بوتگ آئی ءَ وتی برات تحریک انصاف ءِ بُن ہشت ایر کنوک ءِ موقف ءِ بابت ءَ دروگیں بیان داتگ ءُ نورین نواز ءِ گپاں ہر چنچو مذمت بہ کنت بلے کم نہ انت۔ وفاقی وزیر رانا تنویر حسنی ءَ گشتگ کہ دوئیں گلانی نیام ءَ اختلاف وتی جاہ ءَ انت، تحریک انصاف ءِ بانی ءِ ھاندان ءَ را براہ راست ملک ءِ ھلاپ ءَ دژمنی ءِ تہ ءَ اتکگ۔ آئی ءَ گوشت کہ پاکستانی فوج ءِ سوبمندی ءَ را دست ءُ دپ گْوشگ راجی نپ ءَ گوں دغا کنگ اِنت، وھدیکہ بھارت دیراں وتی شکست ءِ دپ ءَ نہ کت کنت گڈا تحریک انصاف ءِ بانی ءِ گھار ءِ بھارت ءِ شکست ءِ دپ ءَ کنگ بے معنا اِنت۔ رانا تنویر حسنی ءَ گشتگ کہ اے وئیل ءَ پد تحریک انصاف ءِ بنگیجکار ءُ آئی ءِ کہول ءِ راستیں دروشم لس مھلوک ءِ دیما پدر کنگ بیت ۔