کینیڈا  ءِ درئی کارانی وزیر انتے آنند 20 جولائی ءَ پاکستان ءِ سرکاری تر ءُ تاب

اسلام آباد۔19جولائی  (اے پی پی): نائب مزن وزیر ءُ درئی کارانی وزیر سینیٹر  محمد اسحاق ڈار ءِ دعوت ءِ رد ءَ کینیڈا  ءِ درئی کارانی وزیر انیتا آنند  20جولائی ءَ پاکستان ءِ سرکاری تر ءُ تاب ءَ کنت۔ اے انیتا آنند  ءِ وزارت ءِ زمہ واری ءِ گرگ ءَ پد پاکستان ءِ اولی تر ءُ تاب بیت۔ یک شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ تر ءُ تاب ءِ ساھت ءَ نائب مزن وزیر ءُ دری کارانی وزیر اسحاق ڈار ءُ دری کارانی وزیر  کینیڈا  ءِ نیام ءَ دو نیمگی گپ ءُ تران بیت ایشی ءِ تہ ءَ پاکستان ءُ کے ڈی ءِ سیادی ءِ درستیں تک ءُ پھناتانی چار ءُ تپاسی کنگ بیت۔ دوئیں رہشون تجارت ءُ سرمایہ کاری، وانگ ءُ زانگ ءُ مردم آنی نیام ءَ رابطہ ءِ شوبگ ءَ کمک ءِ دیمروئی ءِ ھوالگ ءَ ھیال ءُ لیکہ ءِ درشان کن اَنت، وھدیکہ وت مہ وتی دلچسپی ءِ دمگی ءُ جھان ءِ دیمروئی ءِ ھوالگ ءَ ھم وتی ھیال آنی درشان کن اَنت۔ جمہوریہ کوریا ءِ درئی کارانی وزیر پاکستان ءِ تر ءُ تاب ءِ وھد ءَ ملک ءِ حکومت ءَ گوں ھم گند ءُ نند کنت ۔ دری کارانی کارگس ءِ جارکش ءَ گوشت کہ پاکستان ءُ جمہوریہ کوریا ءِ نیام ءَ دو نیمگی سیادی است انت، ایشی ءِ بنیات ءَ مردم آنی نیام ءَ مھکمیں سیادی ءُ ملک ءَ یک متحرکیں پاکستانی کمیونٹی ءِ سر ءَ انت۔ اے تر ءُ تاب دوئیں ملک آنی نیام ءَ وت مہ وتی کمک ءَ را گیش وسعت دیگ ءِ یکجائی جزم ءِ درشان اِنت۔