پاکستان ءِ ھوار بوھگ ءِ روچ ءِ درگت ءَ پارلیمانی کارانی وفاقی وزیر ڈاکٹر طارق فضل چوہدری ءَ گْوشتگ کہ کشمیری راج ءِ راجدپتر ءِ تہ ءَ یک زرینیں بابے ھست

اسلام آباد۔19جولائی  (اے پی پی): وفاقی وزیر برائے پارلیمانی کار ڈاکٹر طارق فضل چوہدری ءَ پاکستان ءِ ھوار بوھگ ءِ روچ ءِ موہ ءَ وتی کلوہ ءِ تہ ءَ گوشت کہ 19جولائی 1947 کشمیری راج ءِ راجدپتر ءِ زرین باب اِنت۔ کشمیری آں وتی اجتماعی واھشتانی درشان کت ءُ پاکستان ءَ ھوار بوھگ ءِ واستہ راجدپتری قرارداد منظور کت۔ یک شمبے ءِ روچ ءَ جاڑی بوتگیں وتی کلوہ ءِ تہ ءَ آئی ءَ گوشت کہ کشمیر ءُ پاکستان ءِ سیادی ایوک ءَ جغرافیہ ءِ بنیات ءَ نہ انت بلکینگ ءَ یکجائی راجدپتر، دود ءُ ربیدگ ءُ مذہب ءِ سر ءَ ھم بنیات انت۔ ڈاکٹر طارق فضل چوہدری ءَ گوشت کہ کشمیر ءُ پاکستان ءِ سیادی الس ءِ واھشت آنی آدینک انت۔ کشمیری راج ءَ بے حسابیں قربانی دیگ ءَ چہ دہائیاں وت واجئی ءِ حق ءِ جہد زندگ داشتگ۔ آئی ءَ گوشت کہ بھارتی ظلم ءُ زوراکی ءَ ابید ھم کشمیری آنی جزم ءُ آجوئی ءِ واھشت بے مٹ انت ۔ وفاقی وزیر ءَ گوشت کہ پاکستان وتی ھم وطن آنی وڑ ءَ کشمیری راج ءِ وت واجئی ءِ جائز ھک ءِ واستہ اخلاقی، سیاسی ءُ سفارتی کمک ءَ برجاہ دار ایت۔ پاکستان اقوام متحدہ ءِ قرارداد آنی رد ءَ کشمیر ءِ جیڈھ ءِ انصاف ءُ دائمی گیواری ءِ حمایت ءَ کنت۔ ڈاکٹر طارق فضل چوہدری ءَ گوشت کہ پاکستان ءِ ھوار بوھگ ءِ روچ ءِ روچ ءَ ما کشمیری برات ءُ گہار آنی ابدمانیں قربانی آناں سلام پیش کن ایں ۔ پاکستان کشمیری آنی وت واجئی ءِ ھک ءِ واستہ وتی بے دروریں کمک ءِ یک رندے پدا پدر کنت۔