پاکستان اقوام متحدہ ءِ سلامتی کونسل ءِ قرارداد آنی رد ءَ جموں ءُ کشمیر ءِ اُلس ءِ وت واجہی ءِ المی ایں حق ءِ حمایت ءَ اصولی رنگ ءَ مھکم اِنت، مزن وزیر محمد شہباز شریف ءِ پاکستان ءِ ھوار بوھگ ءِ روچ ءِ  درگت  ءَ  کلوہ

اسلام آباد۔ 19 جولائی  (اے پی پی):مزن وزیر محمد شہباز شریف ءَ گوشت کہ پاکستان اقوام متحدہ ءِ سلامتی کونسل ءِ قرارداد آنی رد ءَ جموں ءُ کشمیر ءِ اُلس ءِ وت مہ وتی ءِ المی ایں ھک ءِ حمایت ءَ اصولی رنگ ءَ مھکم اِنت۔ جنوبی ایشیا ءَ دائمی امن ھما وھد ءَ ممکن اِنت کہ اے جیڈھ اقوام متحدہ ءِ سلامتی کونسل ءِ قرارداد ءُ کشمیری الس ءِ واھشت آنی رد ءَ امن ءُ ایمنی ءِ راہ ءَ گیش ءُ گیوار کنگ بہ بیت۔ پاکستان ءِ ھوار بوھگ ءِ روچ ءِ موہ ءَ وتی کلوہ ءِ تہ ءَ کہ مرچی یک شمبے ءِ روچ ءَ برجم دارگ بوھگ ءَ اِنت مزن وزیر ءَ گوشت کہ پاکستان ءِ ھوار بوھگ ءِ روچ ھر سال 19جولائی ءَ برجم دارگ بیت تانکہ راجدپتری قرارداد ءِ یات ءَ دارگ بہ بیت کہ آل جموں ءُ کشمیر مسلم کانفرنس ءِ دیوان ءَ سری نگر 1999ء ءَ برجم داشتگیں یکوئی ءِ دیوان ءَ یکوئی ءَ گوں منظور کنگ بوتگ۔ برصغیر ءِ راجدپتر ءِ فیصلہ کنوکیں پڑ ءَ جموں ءُ کشمیر ءِ مسلمان آنی اجتماعی سیاسی واھشت آنی عکاسی کتگ۔ قرارداد ءِ تہا ریاست ءِ پاکستان ءَ ہوار بوہگ ءِ واہگ ءِ درشانی کنگ بوتگ ءُ ڈوگرا حاکماں لس مہلوک ءِ واہشانی احترام کنگ ءِ سرا زور داتگ۔ اے قرارداد انگت ءَ جموں ءُ کشمیر ءِ الس ءِ سیاسی جہد ءِ تہ ءَ یک ھاسیں راجدپتری سنگ میل ءِ رنگ ءَ زانگ بیت۔ مزن وزیر ءَ گوشت کہ اے روچ پاکستان ءُ جموں کشمیر ءِ الس آنی نیام ءَ مھکمیں ءُ دیریں سیادی ءِ آدینک ھم اِنت، ایشی ءِ بنیات یکجائی راجدپتر، ایمان، دود ءُ ربیدگ، جغرافیہ ءُ وت مہ وتی یکوئی ءِ سر ءَ اِنت۔ چہ درستاں گیشتر اے بنیاتی اصول ءَ را پدر کنت کہ کشمیری راج ءِ آزاتیں رنگ ءَ درشان کتگیں واھشت ءُ واھشتانی احترام کنگ المی اِنت۔ آئی ءَ گوشت کہ پاکستان اقوام متحدہ ءِ سلامتی کونسل ءِ ھمگرنچیں قرارداد آنی رد ءَ جموں ءُ کشمیر ءِ اُلس ءِ وت واجئی ءِ المی ایں ھک ءِ واستہ وتی اصولی حمایت ءِ سر ءَ مھکم اوشتاتگ۔ جموں ءُ کشمیر ءِ نا گیش ءُ گیواریں جیڈھ ءِ دمگ ءِ امن ءُ ایمنی ءِ ھاترا گہتریں اثرات برجاہ انت۔ مزن وزیر ءَ گوشت کہ جنوبی ایشیا ءَ دائمی امن ھما وھد ءَ ممکن اِنت کہ اے جیڈھ اقوام متحدہ ءِ سلامتی کونسل ءِ ھمگرنچیں قرارداد ءُ کشمیری الس ءِ واھشت آنی رد ءَ ایمنی ءِ رنگ ءَ گیش ءُ گیوار کنگ بہ بیت۔ آئی ءَ گوشت کہ پاکستان ءِ حکومت ءُ الس جموں ءُ کشمیر ءِ ناجائزیں ھندی قبضہ ءِ چیر ءَ وتی بنیاتی ھک آنی واستہ عادلانہ کوشست، دلیری، برداشت ءُ برداشت ءَ را سلام پیش کن اَنت۔ پاکستان کشمیری راج ءَ را ھما وھد ءَ تاں بے مٹیں سفارتی، سیاسی ءُ اخلاقی کمک ءَ برجاہ دار ایت داں کہ آ وتی وت واجھی ءِ المی ایں حق ءَ آزاتیں رنگے ءَ کارمرز کنگ ءِ وس ءَ بہ کن اَنت۔