درئی کارانی وزیر اسحاق ڈار ءُ کویت ءِ ہم منصب شیخ جراح جابر الاحمد الصباح ءَ فون ءِ سرا گپ ءُ تران کتگ ءُ دمگی نوکیں جاورحالانی بابت ءَ گپ ءُ تران

اسلام آباد۔18جولائی  (اے پی پی): کویت ءِ درئی کارانی وزیر شیخ جراح جابر الاحمد الصباح  ءَ شمبے ءِ روچ ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں رابطہ کتگ۔ دوئیں وزیرانی درئی کار آں دمگی نوکتریں جاور ھال آنی سر ءَ گپ ءُ تران کتگ۔ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ کویت ءِ درئی کارانی وزیر شیخ جراح جابر الاحمد الصباح  ءَ وتی ملک ءِ سرزمین ءِ سر ءَ برجاھیں اُرش آنی سر ءَ سک باز جیڈھ ءِ درشانی کتگ ءُ امیت کتگ کہ درستیں گل وتی سرا زبردستی کن اَنت ءُ اسلام آباد ءِ مفاہمت نامہ ءِ سرجمیں رنگ ءَ عمل کنگ ءَ را دل یکیمی کن اَنت۔ شیخ  جراح جابر الاحمد الصباح  ءَ خطہ ءَ گپ ءُ تران ءُ برجائی ءِ دیمروئی ءِ تہا پاکستان ءِ تعمیری ءُ میانجی داری کرد ءَ را ہم ساڑات۔ نائب مزن وزیر ءُ دری کارانی وزیر اسحاق ڈار ءَ ترندیں ڈی اسکالیشن ءِ ضلورت ءِ سر ءَ زور پر دات ءُ توامیں ملک آنی حاکمیت ءُ سرزمین ءِ یکوئی ءِ احترام کنگ ءِ ارزشت ءِ سر ءَ زور پر دات۔ آئی ءَ گوشت کہ دمگ ءَ امن ءُ ایمنی ءِ برجائی اولی ترجی ءِ بہ بیت۔ ایشاں اسلام آباد ءِ مفاہمت نامہ ءِ چیر دستی ءَ جنگ بندی ءِ زمہ واری آنی سر ءَ عمل کنگ ءُ ھما کارروائی ءَ چہ رکگ ءِ سر ءَ ھم زور پر دات کہ ایشی ءَ چہ کش ءُ چیل گیش بوت کنت۔ گپ ءُ تران ءِ گڈ ءَ دوئیں راہشون ءَ وت مہ وتی مفاد ءِ جیڈھ آنی سر ءَ نزیکی ءَ دارگ ءِ تپاک کتگ۔