پاکستان ءُ چین ءِ بی ٹو بی کانفرنس ءِ ساھت ءَ وفاقی وزیر قیصر احمد شیخ ءَ شینڈونگ  ہائی اسپیڈ گروپ ءِ ڈل ءَ گوں گند ءُ نند

اسلام آباد۔18جولائی  (اے پی پی): وفاقی وزیر قیصر احمد شیخ ءَ پاکستان ءُ چین ءِ بی ٹو بی کانفرنس ءِ ساھت ءَ شینڈونگ  ہائی اسپیڈ گروپ ءِ ڈل ءَ گوں گند ءُ نند کت۔ شمبے ءِ روچ ءَ سرمایہ کاری بورڈ ءِ نیمگ ءَ چہ جاڑی بوتگیں بیان ءِ رد ءَ سرمایہ کاری بورڈ ءِ وفاقی وزیر قیصر احمد شیخ ءَ شانڈونگ ہائی اسپیڈ گروپ (ایس ڈی ایچ ایس) ءِ مزنیں تک ءِ ڈل ءَ گوں گند ءُ نند کتگ ایشی ءِ تہ ءَ چیئرمین آر شو شیانگ ءِ سروکی ءَ ھم ھوار بوتگ اَنت وھدے کہ کنٹری ڈائریکٹر جناب وانگ ڈی ژینلیگبا گروپ ءِ نمائندگی کتگ۔ اے گند ءُ نند اسلام آباد ءِ میریٹ ہوٹل ءَ جاری پاکستان ءُ چین ءِ بی ٹو بی سرمایہ کاری کانفرنس (دوا ءُ درمان، جان سلامتی ءُ بائیو ٹیکنالوجی ءِ شوبگ) ءِ ساھت ءَ بوت۔ اے موہ ءِ سر ءَ بورڈ آف انویسٹمنٹ ءِ مزنیں افسر ھم ساڑی بوتگ اَنت۔ گند ءُ نند ءِ بندات ءَ ڈل ءَ عزت مآب وزیر ءِ منت گپت کہ آئی ءَ وتی مصروف شیڈول ءَ چہ وھد کش ات ءُ ھاسیں دو نیمگی سرمایہ کاری ءِ ھوار بوھگ ءِ وھد ءَ گند ءُ نند کت۔ وفاقی وزیر ءَ ڈل ءَ را وش اتک کت ءُ پاکستان ءِ تر ءُ تاب ءَ را ساڑات۔ وفاقی وزیر ءَ چینی کاروباری مردم آنی گوما وتی دیریں ءُ دوستی ءِ سیادی ءِ سر ءَ زور پر دات ءُ پاکستان ءُ چین ءِ نیام ءَ کاروباری سیادی آناں دیمروئی دیگ ءِ واستہ تبانی گروپ ءِ کرد ءَ را ساڑات۔ آئی ءَ دوئیں ملک آنی نیام ءَ گہتریں اسٹریٹجک سیادی ءُ بدل بوھوکیں دمگی تناظر ءَ اقتصادی کمک ءِ دیمروئی ءِ آسر آنی سر ءَ زور پر دات۔ شانڈونگ ہائی اسپیڈ گروپ ءِ ڈل ءَ وتی گلوبل پروجیکٹ آنی بابت ءَ سرجمیں بریفنگ داتگ۔ چین ءِ مزنیں سرکاری ملکیت ءِ بنیاتی ڈھانچہ ءُ سرمایہ کاری ادارگ آنی تہ ءَ یکے ایس ڈی ایچ ایس ءِ اثاثہ یک کھرب روم ءَ چہ گیش اَنت ءُ ایشی ءِ کار 100 ءَ چہ گیش ملک آنی تہ ءَ ھوار اَنت۔ اے گروپ 10 ہزار کلومیٹر ءَ چہ گیش موٹروے ءُ نزیک ءَ 3 ہزار کلومیٹر تیز رفتار ریلوے نیٹ ورک ءِ کار ءَ کنت، ہمے وھد ءَ بیلٹ اینڈ روڈ انیشیٹیو ءِ چیر دستی ءَ انفراسٹرکچر، توانائی، رسد ءُ صنعتی دیمروئی ءِ تہا مزنیں کساسے ءَ سرمایہ کاری کنگ ءَ انت۔ ڈل ءَ پاکستان ءَ ھاسیں رنگ ءَ تیل ءُ گیس ءِ شوبگ ءَ وتی برجاھیں منصوبگ آنی بابت ءَ ھم سرپدی دات ایشی ءِ تہ ءَ حیدرآباد ءَ او جی ڈی سی ءِ گوما انوگیں منصوبگ ھم ھوار اِنت۔ یک مزنیں انفراسٹرکچر کمپنی ءِ بستار ءَ آئی ءَ پاکستان ءَ ٹرانسپورٹ، رسد ءُ رابطہ کاری ءَ ھوار انفراسٹرکچر ءِ شوبگ آنی تہ ءَ سرمایہ کاری ءِ واستہ سک باز واھشت ءِ درشان کتگ۔ اے دلچسپی ءِ وش اتک کنان ءَ وفاقی وزیر ءَ گوشت کہ پاکستان ءَ سرمایہ کاری ءِ واستہ اے جوانیں وھد اِنت، اودا ورنا آبادی، مزنیں اقتصادی گنجائش ءُ کاروباری چاگرد ءِ گہتری است اِنت۔ آئی ءَ پاکستان ءَ انفراسٹرکچر ءِ ارزشت ءِ سر ءَ زور پر دات ءُ بندرگاہ ، سڑک ءُ چین ءُ میاں اوستمانی ایشیا ءَ گوں رابطہ ءِ نظام ءُ رسائی ءِ سر ءَ زور پر دات۔ وفاقی وزیر ءَ وتی کاروباری پگر ءِ حوالہ ءَ گوشت کہ پاکستانی ءُ چینی کمپنی آنی نیام ءَ یکجائی منصوبگ برجائی ءُ وت مہ وتی دیمروئی ءِ واستہ جوانیں وسیلگ انت۔ آئی ءَ مزن وزیر محمد شہباز شریف ءِ درملکی سرمایہ کاری ءَ را دیمروئی دیگ ءُ ھاسیں رنگ ءَ چین ءِ گوما اقتصادی شریکداری ءَ را مھکم کنگ ءِ عزم ءِ سر ءَ ھم زور پر دات۔ وفاقی وزیر ءَ گوشت کہ بورڈ آف انویسٹمنٹ ءَ راجی جان سلامتی ءِ ازمت، ریگولیشنز ءُ کوآرڈینیشن ءِ گوما سرجمیں کمک ءَ پاکستان ءُ چین بی ٹو بی سرمایہ کاری کانفرنس ءِ سوبمندیں رنگ ءَ برجم داشتگ، ایشی ءِ مول ءُ مراد شعبہ وار شریکداری ءُ سرمایہ کاری ءِ موہ آناں دیمروئی دیگ اِنت۔ حکومت ءِ سرجمیں کمک ءِ دوبر پدر کنان ءَ وفاقی وزیر ءَ ڈل ءَ را دل یکیمی دات کہ سرمایہ کاری ءِ بورڈ ءُ ھاسیں سرمایہ کاری ءِ آسراتی کونسل ہر پڑ ءَ سرمایہ کار آناں سرجمیں آسراتی ءِ پجارینگ ءَ انت۔ آئی ءَ گوشت کہ پاکستان اصلاحات ءُ ادارگی کمک ءِ سبب ءَ درملکی سرمایہ کاری ءِ واستہ جوانیں چاگرد پجاری کنگ ءَ انت۔ ڈل ءَ وفاقی وزیر ءَ را چین ءِ تر ءُ تاب ءِ دعوت ھم داتگ تانکہ آ شانڈونگ ہائی اسپیڈ گروپ ءِ جاری منصوبگ آنی چار ءُ تپاسی ءَ بہ کنت ءُ دو نیمگی کمک ءَ را گیش دیمروئی بہ دنت۔ بورڈ آف انویسٹمنٹ پاکستان ءَ درملکی سرمایہ کاری ءَ را دیمروئی دیگ ءُ پائیدار اقتصادی شریکداری ءِ جوڑ کنگ ءِ واستہ جزم انت۔