وفاقی وزیر ڈاکٹر مصدق  ملک ءَ گوں شیزانگ ءِ   آزات یں پڑے وت مستریں  السی حکومت ءِ نائب چیئرمین ءَ گوں گند ءُ نند

شیزانگ، چین۔18جولائی  (اے پی پی): موسمیاتی بدلی ءُ چاگردی ہم آہنگی ءِ وفاقی وزیر ڈاکٹر مصدق ملک ءَ چین ءِ شیزانگ  ءِ آزاتیں  دمگ ءِ راجی حکومت ءِ نائب چیئرمین سو زیتاو ءَ گوں 5می چین زیزانگ ٹرانس ہمالیہ فورم ءِ ساھت ءَ گند ءُ نند کتگ۔ شمبے ءِ روچ ءَ موسمی بدلی ءُ چاگردی رابطہ ءِ وزارت ءِ نیمگ ءَ چہ جاڑی بوتگیں بیان ءِ رد ءَ وائس چیئرمین ءَ وفاقی وزیر ءُ پاکستانی ڈل ءَ را وش آتک کتگ ءُ زیزانگ ءِ وت واجہی دمگ ءِ راجدپتر، جغرافیہ، سیاسی ردوم، اقتصادی دیمروئی ءُ زرباری دود ءُ ربیدگی ورثہ ءِ بابت ءَ سرپد کتگ۔ آئی ءَ دمگ ءِ دیمروئی ءِ ماڈل ءِ سر ءَ ھم زور پر دات کہ ایشی ءِ تہ ءَ چاگردی رکھینگ، طبیعی وسیلگ آنی رکھینگ ءُ پائیدار دیمروئی ءِ مرکز ءَ ھوار اِنت۔ گند ءُ نند ءِ ساھت ءَ وائس چیئرمین ءَ گوشت کہ گوستگیں بازیں دہائی آنی تہ ءَ زیزانگ ءَ چاگردی ءُ اقتصادی دیمروئی ءِ جتا جتائیں پڑ آنی تہ ءَ مزنیں پیشرفت بوتگ ایشی ءِ آسر ءَ السی وشھالی ءُ سرجمیں چاگردی ءُ اقتصادی دیمروئی ءِ تہ ءَ مزنیں گہتری اتکگ۔ آئی ءَ وفاقی وزیر ءَ را سرپد کت کہ چاگردی رکھینگ زیزانگ ءِ دیمروئی ءِ حکمت عملی ءِ بنیاتی ستون اِنت۔ آئی ءَ گوشت کہ خطہ ءَ 47 نیشنل پارک است انت، قدرتی چاگرد ءُ ایکولوجیکل فیچر آنی رکھینگ ءِ گوما ھمگام ءَ دیمروئی ءِ کار کنگ بوھگ ءَ انت۔ نائب چیئرمین ءَ زیزانگ ءِ دود ءُ ربیدگ ءُ مذہبی تنوع ءِ ھم گپ جتگ ءُ گوشت کہ کشمیری نسل ءِ مسلمان آنی کسانیں کمیونٹی ھم راجدپتری رنگ ءَ اے دمگ ءَ آباد بوتگ۔ ڈاکٹر مصادق ملک ءَ گرمیں استقبال ءُ مہمان داری ءِ سرا وائس چیئرمین ءِ منت گپت۔ پاکستان ءُ چین ءِ نیام ءَ دیریں دوستی ءُ اسٹریٹجک کوآپریٹو پارٹنر شپ ءِ ساڑاھگ ءَ آئی ءَ گوشت کہ دوئیں ملک جتاجتائیں پڑ آنی تہ ءَ نزیکی ءَ گوں کمک برجاہ اَنت۔ دوئیں نیمگ ءَ چاگردی رکھینگ، موسمیاتی بدلی، سائنسی پٹ ءُ پول، نوآبادیاتی، کوہ ءِ ماحولیاتی نظام ءِ رکھینگ، زندمان ءِ تنوع ءُ پائیدار دیمروئی ءِ شوبگ آنی تہ ءَ کمک ءَ را گیش دیمروئی دیگ ءِ امکانات آنی سر ءَ تران کت۔ وفاقی وزیر ءَ گوشت کہ پاکستان ءُ زیزانگ ءِ قدرتی ءُ کوہ ءِ ماحولیاتی نظام ءِ تہ ءَ بازیں یکجاھیں لیکہ است انت، ایشی ءِ بنیات ءَ دوئیں دمگ زانت ءُ زانشت ءِ دیمروئی ءُ ادارگی کمک ءِ دیمروئی ءَ چہ سیت چست کت کن انت۔ دیوان ءَ روایتی زانت ءِ ھاسیں رنگ ءَ تبتی طب ءِ ارزشت ءِ سر ءَ ھم گپ ءُ تران کنگ بوت۔ اے موہ ءِ سر ءَ اے گپ ءِ ذکر کنگ بوت کہ پاکستان ءِ گلگت بلتستان ءَ ھم تبتی دوا ءِ گوں ھمگرنچیں لھتیں روایتی شِفا ءِ رھبند ءُ درمان ھست اَنت کہ ایشانی سبب ءَ پٹ ءُ پول ءُ علمی کمک ءِ نوکیں موہ رس اِت کن اَنت۔ گند ءُ نند ءِ گڈ ءَ ڈاکٹر مصدق ملک ءَ چین ءِ گوما مھکمیں سیادی ءِ پاکستان ءِ جزم ءِ پدا زور دات ءُ امیت سہرا کت کہ موسمیاتی گامگیج ءُ سائنسی پٹ ءُ پول ءِ شوبگ آنی تہ ءَ گیش کمک ءَ چہ دوئیں ملک آنی نیام ءَ دیریں دوستی گیش مھکم بیت۔