معاون مزن وزیر اسحاق ڈار ءَ شنگھائی ءَ انڈونیشیا ءِ اقتصادی امور ءِ وزیر ءَ گوں گند ءُ نند کتگ، وت مہ وتی مفاد ءِ دمگی جیڈھ آنی سر ءَ گپ ءُ تران

اسلام آباد۔17جولائی  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ شنگھائی ءَ جھان ءِ آرٹیفشل انٹیلیجنس ءِ کمکی گل ءِ ساھت ءَ وتی دوست انڈونیشیا ءِ اقتصادی کارانی وزیر ارلانگا ہرتارٹو ءَ گوں گند ءُ نند کنگ ءَ چہ وش بوتگ۔ جمعہ ءِ روچ ءَ سوشل نیٹ ورکنگ پلیٹ فارم ایکس ءِ سر ءَ وتی کلوہ ءِ تہ ءَ نائب مزن وزیر ءَ گوشت کہ ما پاکستان ءُ انڈونیشیا ءِ نیام ءَ دو نیمگی سیادی ءَ را گیش مھکم کنگ ءُ ترجیحی شوبگ آنی تہ ءَ کمک ءَ را دیمروئی دیگ ءِ سر ءَ گپ ءُ تران کتگ۔ آئی ءَ گوشت کہ ایشی ءَ ابید ما وت مہ وتی سیت ءِ دمگی ءُ کثیر جہتی جیڈھ آنی سر ءَ ھم گپ ءُ تران کتگ۔ سینیٹر محمد اسحاق ڈار ءَ گوشت کہ ما دسمبر 2025 ءَ انڈونیشیا ءِ صدر پرابو سوبیانٹو ءِ پاکستان ءِ راجدپتری تر ءُ تاب ءِ وھد ءَ بوتگیں منوگری آنی سر ءَ عمل درآمد ءِ سر ءَ ھم چار ءُ تپاسی کت ءُ اے عزم ءِ سر ءَ پدا زور دات کہ آ دوئیں برات آنی واستہ عملی ءُ ٹھوس آسر آنی تہ ءَ بدل کنگ بنت۔