مزن وزیر محمد شہباز شریف ءَ پاکستانی ءُ چینی کمپنیانی نیام ءَ دوا ءُ درمان ءِ شوبگ ءَ 44کروڑ  ڈالر ءَ چہ گیش ءِ 9 منوگری کتگ۔ شہباز شریف ءَ گوشت کہ دوئیں ملک آنی پرائیویٹ کمپنی آنی نیام ءَ کمک ءَ چہ پاکستان ءَ فارماسیوٹیکل شوبگ ءِ دیمروئی ءَ کمک رسیت

اسلام آباد۔17جولائی  (اے پی پی): مزن وزیر محمد شہباز شریف ءَ گوشت کہ دوئیں ملک آنی پرائیویٹ کمپنی آنی نیام ءَ کمک ءَ چہ پاکستان ءَ دوائی آنی شوبگ ءَ را دیمروئی دیگ ءَ کمک رسیت۔ چین پاکستان ءِ مستریں بھروسہ مند ءُ تجربہ کاریں سنگت ءُ آئی ءِ اقتصادی ءُ اسٹریٹجک دیمروئی ءِ ھاتر ءَ یک مثالے ۔ پہ آئی ءِ شہری آنی ایمنی ءَ ھچ وڑیں مصالحت کنگ نہ بیت۔ آئی ءَ اے ھیالانی درشانی جمعہ ءِ روچ ءَ پاکستانی ءُ چینی دوائی کمپنی آنی بزنس ٹو بزنس کانفرنس ءَ گوں تران کنان ءَ کت۔ اے موہ ءِ سر ءَ مزنیں کساسے ءَ وفاقی وزیر ، ھاسیں کمکار ءُ سرکاری کارندہ ءُ پاکستان ءَ چینی ءُ ملکی دوائی کمپنی آنی نمائندگ ھوار اتنت۔ مزن وزیر ءَ کانفرنس ءُ ایشی ءِ تہ ءَ پاکستانی سرمایہ کار آنی بھر زوری ءَ را وش اتک کنان ءَ گوشت کہ دوئیں ملک آنی فارماسیوٹیکل کمپنی آنی نیام ءَ 44کروڑ  ڈالر ءَ چہ گیش ءِ 9 منوگری کنگ بوتگ۔ آئی ءَ دوئیں ملک آنی بزنس کمیونٹی، جان سلامتی ءِ وفاقی وزیر، صنعت ءُ پیداوار ءِ ھوالگ ءَ ھاسیں کمکار، چین ءِ پاکستان ءِ تر ءُ تاب ءُ پاکستان ءِ چین ءِ تر ءُ تاب ءِ کوشست آناں ھم ساڑات۔ مزن وزیر ءَ اے امیت سہرا کت کہ اے منوگری عملی رنگ ءَ زور اَنت۔ آئی ءَ چین ءَ را پاکستان ءِ مستریں بھروسہ مند ءُ آزمائشی دوست لیک اِتگ ءُ گوشت کہ چین ءَ ھمک گرانیں وھد ءَ پاکستان ءِ کمک کتگ ءُ پاکستان ءِ اقتصادی دیمروئی ءَ ھم ھاسیں کرد پیلو کتگ۔ چین ءَ سرجمیں میاں اوستمانی دیوان آنی تہ ءَ پاکستان ءِ کمک کتگ، سی پیک ون ءِ چیر دستی ءَ 30ارب ڈالر ءِ سرمایہ کاری بوتگ۔ مزن وزیر ءَ بے مٹیں کمک ءِ پد ءَ چین ءِ شگر ءُ منت گپت ءُ گوشت کہ چینی صدر شی جن پنگ یک رژنائیں رہشونے آئی ءَ چینی چاگرد ءُ معیشت ءَ را سرجمی ءَ مٹ کتگ۔ آئی ءَ چین ءِ دیمروئی ءَ را بے درور لیک اِتگ ءُ گوشت کہ چین ءَ نہ ایوک ءَ اقتصادی رد ءَ بلکیں اسٹریٹجک دیمروئی ءِ رد ءَ ھم وتی توانائی ثابت کتگ۔ مزن وزیر ءَ وانگ ءُ زانگ، پٹ ءُ پول ءُ دیمروئی ءَ ھوار ھمک شوبگ ءَ چینی الس ءِ بے دروریں محنت ءُ کارکردگی ءَ را ھم ساڑات۔ آئی ءَ گوشت کہ مرچی دوائی آنی دیمروئی ءُ سرمایہ کاری ءِ واستہ مزنیں موہ اِنت، بنجاہی مینوفیکچرنگ، دوائی ءِ پیداوار ءُ پٹ ءُ پول ءُ دیمروئی ءِ شوبگ آنی تہ ءَ دوئیں ملک آنی سرمایہ کار آنی کمک ءَ گوں دوائی آنی توامیں شوبگ آنی تہ ءَ دیمروئی بیت۔ مزن وزیر ءَ خطہ ءِ استیں بحران ءِ ذکر کنان ءَ گوشت کہ اے بحران ءَ سرجمیں دگنیا ءِ واستہ مزنیں جیڈھ ودی کتگ، پاکستان ءَ امریکا ءُ ایران ءِ نیام ءَ میانجی داری ءَ ھاسیں کرد پیلو کتگ، ایشی ءِ واستہ بازیں دوستیں ءُ براتیں ملک آں سرجمی ءَ کمک کتگ، صدر شی جن پنگ ءَ اے کوشست آناں دل ءِ جہلانکی ءَ گوں کمک کتگ۔ مزن وزیر ءَ گوشت کہ امریکہ ءُ ایران ءِ نیام ءَ دستخط بوھوکیں ’’اسلام آباد تپاک نامہ‘‘ ءِ تہ ءَ پاکستان ثالثی انت۔ آئی ءَ فیلڈ مارشل صادق عاصم منیر ءِ بے مٹیں کوشست آں ساڑات ءُ گوشت کہ آئی ءِ کرد راجدپتر ءَ یات کنگ بیت۔ مزن وزیر ءَ نائب مزن وزیر ءُ درئی کارانی وزیر ایس محمد اسحاق ڈار ءِ کوشست آناں ھم ستا دات کہ آئی ءَ دگنیا ءِ سروک آں گوں رابطہ کتگ ات۔ مزن وزیر ءَ گوشت کہ پاک چین ءِ دوستی ہمالیہ ءَ چہ برز انت، شہد ءَ چہ شیرکن ءُ سٹیل ءَ چہ مھکم انت۔ مزن وزیر ءَ فارماسیوٹیکل کانفرنس ءَ چین ءَ چہ 300 ڈل آنی بھر زوری ءَ را وش اتک کنان ءَ گوشت کہ پاکستان ءَ چینی شہری آنی ایمنی مئے واستہ درستاں چہ گیش المی اِنت، اے درگت ءَ ھچ وڑیں ساھت ضائع نہ بیت۔ سبب روت، چینی شہری مئے مہمان انت، آہانی وشحالی مئے وشحالی انت۔ وفاقی وزیر جان سلامتی صادق مصطفیٰ کمال ءَ اے موہ ءِ سر ءَ تران کنان ءَ گوشت کہ بزنس کانفرنس ءِ برجائی مزن وزیر محمد شہباز شریف ءِ وژن اِنت، مزن وزیر ءِ رہشونی ءِ چیر دستی ءَ دواسازی ءِ صنعت ءَ را جھان ءِ تک ءَ برجا کنگ ءِ منصوبگ یک منصوبگ ءِ اِنت، مزن وزیر ءَ را یک لیڈرنگ پرسن ءِ رنگ ءَ زانگ بیت کہ آ یک عملی شو ءِ رنگ ءَ زانگ بیت۔ آئی ءَ گوشت کہ مزن وزیر ءِ رہشونی ءُ سروکی ءِ پد ءَ ما درست یک ٹیم ءِ رنگ ءَ کار کنگ ءَ آں۔ آئی ءَ بی ٹو بی ءِ برجم دارگ ءَ چینی ڈل ءِ ھاسیں کرد ءِ سر ءَ گوشت کہ پاکستانی ڈل ءَ مارا فارماسیوٹیکل انڈسٹری ءِ جتاجتائیں شوبگ آنی سر ءَ دلگوشی دیگ ءِ رھشونی کت۔ آئی ءَ گوشت کہ پاکستان ءُ چین ءِ نیام ءَ جتا جتائیں شوبگ آنی تہ ءَ وت مہ وتی کمک ءِ امکان است انت۔ آئی ءَ کاروباری کانفرنس ءَ چینی کمپنی آنی سرجمیں بھر زوری ءِ گامگیج چست کتگ۔ چینی ڈل ءَ کانفرنس ءَ گوں تران کنان ءَ گوشت کہ سرمایہ کاری کانفرنس ءَ بھر زورگ پاکستان ءِ واستہ وشی ءِ گپ اِنت، مزن وزیر شہباز شریف ءَ کاروباری کمک ءِ وژن ایر کتگ۔ آئی ءَ گوشت کہ مزن وزیر ءَ عملی کمک ءِ واستہ نوکیں راہ ءِ رنگ ءَ بی ٹو بی ماڈل ءِ پجار کتگ، مزن وزیر شہباز شریف ءَ چینی کاروبار آنی سر ءَ ھاسیں دلگوشی داتگ۔ آئی ءَ گوشت کہ پاکستان ءَ جتاجتائیں منصوبگ آنی سر ءَ دیمروئی ءِ کار بوھگ ءَ انت، ایشی ءَ چہ بیست ہزار ءَ چہ گیش روزگار ءِ موہ پیداک بوھگ ءِ امیت انت۔ مزن وزیر شہباز شریف جان سلامتی ءُ بائیوٹیکنالوجی ءِ شوبگ ءِ سرا ھاسیں دلگوشی دیگ ءَ انت۔ آئی ءِ گامگیج وتی راج ءِ وشھالی ءِ ھاترا آئی ءِ جزم ءِ سرجمی ءَ پدر کن اَنت۔ سفیر ءَ گوشت کہ پاکستان ءَ جان سلامتی ءِ آسراتی آنی لوٹ مُدام گیش بوھگ ءَ اِنت۔ پاکستان ءَ جان سلامتی ءِ شوبگ ءَ دیمروئی ءِ واستہ مزنیں گنجائش است انت۔ پاکستان ءِ 29 دوائی ءِ چیز پیسر ءَ چہ چینی مارکیٹ ءَ اتکگ انت۔ ما دوئیں دوئیں ملک آنی نیام ءَ کمک ءِ ودار ءَ ایں ۔ آ کاروباری ادارگ آنی دیمروئی ءِ تہ ءَ پل ءِ کرد ءَ پیلو کن اَنت، کاروباری ادارگ آناں مشاورتی ھزمت آنی پھجارینگ ءَ کن اَنت۔ آئی ءَ کاروباری ادارگ آناں زور پر دات کہ آ وتی چست ءُ ایراں گوں کانود آنی سر ءَ عمل بہ کن اَنت۔ مزن وزیر شہباز شریف ءِ سروکی ءَ پاکستان ءِ معیشت ءِ تہ ءَ گہتری ءِ سر ءَ چمشانک دیان ءَ آئی ءَ گوشت کہ پڑ ءَ امن ءُ ایمنی ءِ واستہ چین پاکستان ءِ کمک ءَ برجاہ دار ایت۔ آئی ءَ چین ءُ پاکستان ءِ دوستی ءِ نیکیں واھگ ءِ درشان کُت۔ صنعت ءُ پیداوار ءِ بابت ءَ مزن وزیر ءِ ھاسیں کمکار ہارون اختر خان ءَ کانفرنس ءَ گوں تران کنان ءَ گوشت کہ وشیں گپ ایش انت کہ پاکستان ءَ را مزن وزیر شہباز شریف ءِ رنگ ءَ سروکی ءِ نعمت رستگ، انچیں سروک یک مزنیں راج ءِ مقدر ءَ بدل کن انت کہ آؤکیں وھد ءِ جوڑ کنگ ءِ جرات ءِ واھند انت۔ آئی ءَ گوشت کہ مزن وزیر ءَ جھان ءِ مقابلہ ءِ واستہ وت ءَ را تیار کنگ ءِ واھشت ءِ درشان کتگ۔ گوست ءِ رھبندانی رندگیری ءَ چہ پائیداریں وشھالی ممکن نہ اِنت۔ مزن وزیر ءَ مدام مارا اے گپ ءِ سر ءَ دل یکیمی کتگ کہ مارا نوآبادیاتی ءَ را وتی سرا زورگ لوٹ ایت، صنعتی بنیات ءَ را مھکم کنگ لوٹ ایت ءُ سائنس ءُ ٹیکنالوجی ءِ تہ ءَ سرمایہ کاری کنگ لوٹ ایت۔ آئی ءَ گوشت کہ مزن وزیر ءِ سروکی ءَ پاکستان آیوکیں باندات ءِ جوڑ کنگ ءَ وتی کرد ءَ پیلو کنگ ءِ واستہ جزمیگ انت۔ مزن وزیر ءِ چین ءِ گوستگیں تر ءُ تاب ءَ چہ اقتصادی کمک ءِ تہ ءَ نوکیں باب ءِ پچ بوتگ۔ مزن وزیر ءِ چین ءِ تر ءُ تاب ءَ چہ سرمایہ کاری، ٹیکنالوجی ءِ ٹرانسفر ءُ صنعتی کمک ءِ واستہ نوکیں موہ پچ بوتگ انت۔ ہارون اختر خان ءَ گوشت کہ پاکستان چین ءِ تجربگ آناں سک باز ارزشت دنت، چین ءِ ترندیں دیمروئی ءُ بدلی مئے دور ءِ نامداریں دیمروئی ءِ کسہ آنی تہ ءَ یکے، مزن وزیر ءِ سروکی ءَ پاکستان سرمایہ کاری ءِ واستہ سازگاریں چاگرد جوڑ کنگ ءَ اِنت، ما راجی صنعتی پالیشی ءِ وسیلگ ءَ صنعتی مقابلہ ءِ توان ءَ را مھکم کنگ ءَ ایں، ٹیرف ءِ کم کنگ ءُ مقابلہ ءِ توانائی ءَ را گیش کنگ مئے ھاسیں مول ءُ مراد اِنت۔ کانفرنس ءِ تہ ءَ پاکستان ءُ چین ءِ نجی شعبہ آنی نیام ءَ دوا ءُ درمان ءِ ھوالگ ءَ شوبگ آنی تہ ءَ 440 ملین ڈالر ءَ چہ گیش ءِ 9 منوگری کنگ بوتگ ایشی ءِ تہ ءَ بائیوٹیکنالوجی، دوا ءُ درمان، ٹیکنالوجی ءِ تبادلہ ءُ ہیپاٹائٹس ءِ گر ءُ دار ءِ تہ ءَ بنجاھی تک ءِ کمک ءِ ھوالگ ءَ منوگری ھوار اَنت۔ ایشی ءَ ابید راجی ٹیکہ کاری پروگرام ءِ ھوالگ ءَ کمک ءِ منوگری ءِ سر ءَ ھم دستخط کنگ بوت۔