نائب مزن وزیر اسحاق ڈار ءَ شنگھائی ءِ تر ءُ تاب ءِ  سرجم کت

اسلام آباد۔17جولائی  (اے پی پی):  نائب مزن وزیر ءُ دری کارانی وزیر سینیٹر  محمد اسحاق ڈار ءَ چین ءِ شنگھائی ءِ تر ءُ تاب ءِ آسر کتگ ایشی ءِ تہ ءَ پاکستان ءَ   ءَ ورلڈ آرٹیفیشل انٹیلی جنس کمکی گل ءِ باسک جوڑ بوتگ ءُ ایشی ءِ تہ ءَ یک معاہدے ءِ سر ءَ دستخط کنگ بوتگ۔ تر ءُ تاب ءِ ساھت ءَ نائب مزن وزیر ءَ ورلڈ اے آئی کوآپریشن آرگنائزیشن  (ڈبلیو اے آئی سی او)  ءِ  جوڑیشتکاریں ملک ءِ بستا ءَ  بھر زوری کتگ ءُ اے موہ ءِ سر ءَ بازیں ھاسیں دو نیمگی گند ءُ نند کتگ ایشی ءِ تہ ءَ چین ءِ دری کارانی وزیر وانگ یی ءَ گوں گند ءُ نند ھم ھوار اِنت۔ شنگھائی ءَ چہ رؤگ ءِ وھد ءَ شنگھائی میونسپل حکومت ءِ دری کارانی محکمہ ءِ سینئر پارٹی ءِ باسک سولانین ءَ بالی پٹ ءَ نائب مزن وزیر ءَ چہ الوداع کت۔ اے موہ ءِ سر ءَ بیجنگ ءَ پاکستان ءِ سفارتخانہ ءُ شنگھائی ءَ پاکستان ءِ قونصل جنرل خانہ ءِ کارندہ ھم ساڑی بوتگ اَنت۔ چین ءِ تر ءُ تاب ءِ سرجم کنگ ءَ پد نائب مزن وزیر اسلام آباد ءَ رھادگ بوت ۔