مزن وزیر شہباز شریف بنوں ءُ ایشی ءِ کش ءُ گور ءِ دمگاں فتنہ الخوارج  ءِ 24 ناشرکارانی کوش ءِ پد ءَ سیکورٹی فورسز ءَ را  توسیپ ءُ ستا

اسلام آباد۔17جولائی  (اے پی پی): مزن وزیر محمد شہباز شریف ءَ انٹیلی جنس ءِ   بنیات ءِ سر ءَ سوبمندیں آپریشن ءِ ساھت ءَ بھارت ءِ کمک ءَ فتنہ الخریج ءِ 24 ناشرکار آنی کوش ءِ سر ءَ سیکورٹی فورسز ءُ کانود ءِ برجائی ءِ ادارگ آناں داد پیش کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ گوستگیں ناشرکاری اُرش آنی ذمہ واریں عناصر آنی ھلاپ ءَ سیکورٹی فورسز ءِ وھد ءُ پاس ءِ سر ءَ جوانیں گامگیج ھاسیں رنگ ءَ بنو ءَ پولیس ءُ بے گناہیں شہری آناں نشانگ جوڑ کنگ ءِ بزدلیں اُرش ستا کرز اَنت۔ آئی ءَ گوشت کہ سرجمیں راج وتی بہادریں سپاھیگ آنی گوما اوشتاتگ۔ آئی ءَ گوشت کہ ناشرکاری ءِ وبا ءُ ایشی ءِ آسراتی ءِ سرجمی ءَ ھلاسی حکومت ءِ اولی ترجی انت۔ مزن وزیر ءَ گوشت کہ بھارت ءِ سرپرستی ءَ ناشرکاریں عناصر آنی نا شریں ارادہ آناں ھرچ پڑ ءَ ناکام کنگ بیت ءُ اے وڑیں بزدلیں اُرش آنی تہ ءَ ھواریں درستیں عناصر آناں انصاف ءِ دیم ءَ آرگ بیت۔