مزن وزیر شہباز شریف ءَ کاروبار ءِ تہ ءَ آسانی ءِ واستہ پالیسی ءِ گامگیج ءُ کاروبار ءِ تہ ءَ آسانی ایکٹ 2025 ءِ سر ءَ عمل کنگ ءَ را ترند کنگ ءِ پنت ءُ شون  

اسلام آباد۔17جولائی  (اے پی پی): مزن وزیر محمد شہباز شریف ءَ کاروبار ءِ آسراتی ءِ واستہ پالیسی گامگیج ءُ کاروبار ءِ آسانی ءِ ایکٹ 2025 ءِ سر ءَ عمل کنگ ءَ را ترند کنگ ءِ پنت ءُ شون کتگ، بنجاہی ءُ درملکی سرمایہ کاری ءَ را حکومت ءِ اولی ترجی ءِ رنگ ءَ جار جتگ۔ کاروبار ءِ آسانی ءِ گامگیج آنی سر ءَ جمعہ ءِ روچ ءَ مزن وزیر محمد شہباز شریف ءِ سروکی ءَ یک چار ءُ تپاسی دیوان ءِ برجم دارگ بوت کہ ایشی ءِ تہ ءَ وفاقی وزیر اعظم نذیر تارڑ، قیصر احمد شیخ، جام کمال خان، احد خان چیمہ، سید مصطفی کمال، وزیر مملکت بلال اظہر کیانی، مشیر وزیراعظم محمد علی، معاون خصوصی ہارون اختر، اٹارنی جنرل منصور اعوان  ءُ سیادی داروکیں مزنیں حکام ءَ بہر زرتگ، گورنر اسٹیٹ بینک جمیل احمد، گلگت بلتستان ءُ آزاد کشمیر، چاریں صوبہ آنی چیف سیکرٹری ءُ اے پڑ ءِ میاں اوستمانی نامداریں ماہرین ءَ ویڈیو لنک ءِ وسیلگ ءَ بہر زرتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر ءَ دیوان ءِ تہ ءَ پنت ءُ شون کتگ کہ کاروبار ءِ آسراتی ءِ واستہ حکومت ءِ کثیر جہتی گامگیج آنی سر ءَ چار ءُ تپاسی کنگ بہ بیت ءُ کاروبار ءِ آسراتی ءِ ایکٹ 2025 ءِ سر ءَ عمل کنگ بہ بیت۔ ءُ کاروباری آسانی ءِ گامگیج آنی سر ءَ عمل کنگ ءِ جار جنگ بوتگ۔ مزن وزیر ءَ گوشت کہ حکومت ءِ اولی ترجی پاکستان ءَ بنجاہی ءُ درملکی سرمایہ کاری ءِ مزنیں توانائی ءَ را سرجمی ءَ کارمرد کنگ اِنت۔ آئی ءَ کاروباری آسانی ءِ گامگیج آنی سر ءَ عمل درآمد ءِ ھوالگ ءَ یک سرجمیں رپوٹ ءِ جوڑ کنگ ءُ زوت پیش کنگ ءِ پنت ءُ شون کتگ۔ مزن وزیر ءَ وزارت ءِ کانود ءُ انصاف، ایس آئی ایف سی، بورڈ آف انویسٹمنٹ، وزارت تجارت، وزارت صنعت ءُ توامیں سیادی داروکیں ادارگ آنی نیمگ ءَ کاروبار ءِ تہ ءَ آسانی ءِ واستہ کانود ءُ پالیشی جوڑ کنگ ءِ کوشست آناں توسیپ کت۔ دیوان ءَ گامگیج آنی سر ءَ عمل درآمد ءِ چار ءُ تپاسی ءُ آیوکیں وھد ءِ کارروائی ءِ ھوالگ ءَ سرپد کنگ بوت۔ دیوان ءَ گوشگ بوت کہ ملک ءَ کاروباری عمل ءَ را آسان کنگ ءِ واستہ 558 اصلاحات آنی سر ءَ کار سرجم کنگ بوتگ، ایشی ءِ تہ ءَ 71پالیسی آنی سر ءَ عمل درآمد کنگ بوتگ، وھدیکہ 272 ءِ سر ءَ عمل درآمد ءِ سر ءَ کار جاری اِنت۔ایشانی سر ءَ عمل درآمد جتاجتائیں شوبگ آنی تہ ءَ 7 بھر آنی تہ ءَ کنگ بوھگ ءَ اِنت۔ اے گامگیج آنی سبب ءَ کاروباری برادری ءِ نیمگ ءَ جتا جتائیں ضوابط ءُ ضلورت آنی سر ءَ ھرچ کنگ بوتگیں بچت ءِ اندازگ ءِ کساس 468.7ارب کلدار اِنت۔ گند ءُ نند ءَ گیش گوشگ بوت کہ بے ضلورت ءُ ضلورتیں کاگد ءُ ضلورت ءِ ھلاسی ءَ چہ برآمد ءُ براہ راست درملکی سرمایہ کاری ءِ تہ ءَ گیشی بیت ءُ نوکیں روزگار ءِ موہ پیداک بنت۔ مزن وزیر ءَ پنت ءُ شون کت کہ سیادی داروکیں ادارگ آنی افسر آنی کارکردگی ءِ چار ءُ تپاسی ءَ آہانی نیمگ ءَ کاروباری آسانی ءِ گامگیج آنی سر ءَ عمل درآمد ءُ ایشی ءِ سبب ءَ پیداک بوتگیں روزگار ءِ موہ آناں سک باز ارزشت دیگ بہ بیت۔