درئی کارانی وزیر اسحاق ڈار ءَ یورپی یونین ءِ مزنیں نمائندہ کایا کالاس ءَ گوں طوفان ءِ بابت ءَ گپ ءُ تران کتگ ءُ دمگ ءَ تیزی ءَ گوں بدل بوھوکیں جاور ھال آنی سر ءَ چار ءُ تپاسی کتگ

اسلام آباد۔28جون  (اے پی پی): نائب مزن وزیر ءُ درئی کارانی وزیر محمد اسحاق ڈار ءَ یورپی یونین ءِ درئی کار ءُ سیکورٹی پالیشی ءِ مزنیں نمائندہ   کایا کالاس ءَ گوں طوفان ءِ ھوالگ ءَ گپ ءُ تران کت۔ یک شمبے ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ دوئیں سروک آں خطہ ءِ ترندی ءَ گوں بدل بوھوکیں جاور ھال آنی سر ءَ چار ءُ تپاسی کتگ۔ کایا کلاس ءَ اسلام آباد ءِ تپاک نامہ ءِ آسر کنگ ءِ واستہ پاکستان ءِ  ساپ سلہ ایں  سفارتی کوشست آناں ساڑات، بلے انوگیں جنگ بندی ءِ خلاف ورزی ءِ سر ءَ سک باز جیڈھ ءِ درشانی کت ءُ اے گپ ءِ سر ءَ زور پر دات کہ درستیں فریق آنی نیام ءَ رابطہ ءُ گپ ءُ تران ءِ چینل ہر وھد ءَ پچ بہ بنت۔ نائب مزن وزیر ءُ دری کارانی وزیر ءَ یورپی یونین ءِ مزن نمائندگ ءَ را میاں اوستمانی تک ءَ امن ءُ ایمنی ءِ واستہ یک سرجمیں فریم ورک ءِ جوڑ کنگ ءِ واستہ پاکستان ءِ برجاھیں سفارتی کوشست آنی بابت ءَ سرپد کت۔ آئی ءَ اے گپ ءِ سر ءَ ھم زور پر دات کہ درستیں گل جنگ بندی ءِ معاہدے ءِ سر ءَ سرجمی ءَ عمل بہ کن اَنت۔ دوئیں راہشون آں وت مہ وتی رابطہ برجائی ءِ سرا تپاک کتگ۔