ورنا آناں اسپورٹس ءِ نیمگ ءَ  دلگوش  کنگ وھد ءِ لوٹ اِنت، فضل کریم کنڈی

اسلام آباد۔28جون  (اے پی پی): گورنر خیبر پختونخوا فیصل  کریم کنڈی  ءَ گوشت کہ ورنا آناں گوازی آنی نیمگ ءَ راجیگ کنگ وھد ءِ لوٹ اِنت ءُ گوشت کہ خیبر پختونخوا ءَ کرکٹ ءِ پڑ ءَ بے دروریں گنجائش است اِنت کہ ایشی ءَ را عملی گامگیج آنی گوما دیم ءَ برگ بوھگ ءَ اِنت۔ اے ھیالانی درشانی آئی ءَ یک شمبے ءِ روچ ءَ اسلام آباد ءَ عوامی نیشنل پارٹی ءِ صوبائی جوائنٹ سیکرٹری حامد خان طوفان ءِ سروکی ءَ ڈل ءَ گوں گند ءُ نند ءِ ساھت ءَ کت۔ اے موہ ءِ سر ءَ کشمیر پریمیئر لیگ ءِ چیئرمین ارشد خٹک ھم ساڑی ات۔ آئی ءَ گوشت کہ خبر پختونخوا چیمپئن  گوازی  ءِ زوت بنگیج کنگ بیت، ایشی ءَ چہ ازمکاریں  ورنا کرکٹر آناں وتی ھیال آنی درشان کنگ ءِ واستہ جوانیں پلیٹ فارم ءِ پجاری بیت۔ گند ءُ نند ءَ ملک ءُ خیبر پختونخوا ءِ سرجمیں سیاسی جاور، الس ءِ دیم ءَ اوشتاتگیں جیڈھ، ورنا آنی گہبودی ءُ صوبہ ءِ دیمروئی ھاسیں رنگ ءَ کرکٹ ءِ دیمروئی ءِ ھوالگ ءَ جیڈھ آنی سر ءَ سرجمی ءَ گپ ءُ تران کنگ بوت۔ ڈل ءَ ورنا آنی واستہ جوانیں چست ءُ ایر آناں دیمروئی دیگ ءُ کرکٹ گراؤنڈز ءَ را کارآمد جوڑ کنگ ءِ ضلورت ءِ سر ءَ زور پر دات۔