محسن نقوی ءَ رینجرز سندھ کیمپ ءِ سر ءَ بھارتی پراکسی ناشرکار آنی نیمگ ءَ اُرش ءِ سک باز مذمت

اسلام آباد۔28جون  (اے پی پی): وفاقی تہی کارانی وزیر محسن نقوی ءَ کراچی ءَ پاکستان رینجرز سندھ ءِ کیمپ ءِ سر ءَ بھارتی پراکسی ناشرکارانی نیمگ ءَ اُرش ءِ سک باز مذمت کتگ ۔ ادا جاڑی بوتگیں بیان ءِ رد ءَ تہی کارانی وزیر محسن نقوی ءَ ملک ءِ سئے زھگ آناں شگر ءُ منت پیش کت کہ آہاں ناشرکار آنی گوما دلیری ءَ گوں جنگ ءِ وھد ءَ وتی جان ندر کتگ ءُ گوشت کہ پاکستان رینجرز سندھ ءِ دلیریں سپاھیگ آں وھد ءِ سر ءَ جوانیں کارروائی کتگ ءُ سئے ھندی آنی جہنم ءِ پراکسی ناشرکاری منصوبگ ھلاس کتگ اَنت۔ ھما بہادریں زھگ کہ اُرش ءِ ناکام کنگ ءِ وھد ءَ وتی جان ندر کتگ اَنت آ سرجمیں راج ءِ شان اَنت۔ بہادریں زھگانی ابدی قربانی راج ءِ مھکمیں جزم ءَ گیشتر مھکم کنت۔ شہیدانی مزنیں قربانی پہ مدامی یات ءَ مان بنت۔ وفاقی وزیر داخلہ محسن نقوی ءَ شہید آنی گس آنی گوما دل ءِ جہلانکی ءَ چہ دلپدردی ءِ درشانی کت ءُ ٹپیگیں کارندہ آنی زوت جان سلامتی ءِ دعا کت۔