برآمدات ءُ نوکیں ٹیکنالوجی ءِ سرا بندوکیں معیشت ایوک ءَ پاکستان ءَ آئی ایم ایف ءِ سرا بڈو بوھگ ءَ چہ دائمی آجو کت کنت، احسن اقبال

لاہور۔ جون(اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ پاکستان ءِ بقا، آجوئی ءُ دیمروئی ءِ واستہ آیوکیں ءُ المی جنگ ایش اِنت کہ معیشت، ٹیکنالوجی ءُ مصنوعی ذہانت ءِ پڑ ءَ سوبمندی ءِ ھاترا بڈو بوھگ کنگ بہ بیت، چیا کہ ایشی ایم ایف ءِ سر ءَ بنیات ءِ سر ءَ ایوک ءَ یک معیشت ءُ جدید ٹیکنالوجی ءِ سر ءَ پاکستان آزات بوت کنت۔ آئی ءَ گوشت کہ حکومت ’’اودان پاکستان‘‘ پروگرام ءِ چیر دستی ءَ ورنا آناں نوکیں ڈیجیٹل مہارت ءُ آرٹیفیشل انٹیلی جنس (اے آئی) ءِ تربیت ءِ پجاری ءِ واستہ عملی گامگیج کنگ ءَ انت تانکہ پاکستان ءَ را جھان ءِ معیشت ءِ تہ ءَ یک نامداریں جاھے جوڑ کنگ بہ بیت۔ اے ھیالانی درشانی آئی ءَ یک شمبے ءِ روچ ءَ ھیلتھ کیئر ٹریننگ اینڈ ڈویلپمنٹ سنٹر ءَ برجم داشتگیں مراگش ءَ گوں گشتانک دیان ءَ کت۔ اے موہ ءِ سر ءَ راجی اسمبلی ءِ باسک عمران گورائیہ، ماجد ظہور، توصیف شاہ، سابق ضلع ناظم لاہور کرنل (ر) مبشر، گروپ چیئرمین طاہر جاوید  ءُ  گل ءِ  مزنیں اگدہ دار ءُ کارندہ ھوار اتنت۔ وفاقی وزیر ءَ گوشت کہ گروپ ءِ چیئرمین طاہر جاوید امریکہ ءُ پاکستان ءِ نیام ءَ دوستی ءِ سیادی ءَ را دیمروئی دیگ ءَ ھاسیں کرد پیلو کنگ ءَ انت وھدیکہ استیں راستی ءِ جنگ ءَ اللہ تعالیٰ ءَ پاکستان ءَ را مزنیں عزت ءُ شرپ داتگ ءُ سرجمیں دگنیا ءَ پاکستان ءِ دفاعی توانائی ءَ را من اِتگ۔ آئی ءَ گوشت کہ اے سوبمندی ءِ کریڈٹ مزن وزیر محمد شہباز شریف ءُ فیلڈ مارشل سید  عاصم منیر  ءَ را انت، ایشانی کوشست آنی سبب ءَ جھان ءِ تک ءَ پاکستان ءِ نام گیش مھکم بوتگ۔ آئی ءَ گوشت کہ اگاں ایران ءُ امریکہ ءِ میان ءَ دیم پہ دیم ءُ جنگ برجاہ بوتیں گڈا دگنیا ءَ را سکیں اقتصادی بحران ءِ آماچ بوتگ ات، مہنگائی ءِ شرح ءَ مزنیں گیشی ءُ جھان ءِ مہنگائی ءِ نوکیں لہر ءِ آماچ بوتگ ات۔ بلے پاکستان ءَ جوانیں سفارتکاری ءِ وسیلگ ءَ جھان ءِ امن ءِ برجائی ءَ جوانیں کرد پیلو کتگ۔ آئی ءَ گوشت کہ مرچی سرجمیں دگنیا ءَ پاکستان ءِ سفارتی کامیابی منگ بوھگ ءَ انت بلے اگاں ما ’’اقتصادی جنگ‘‘ ءَ سوب مند مہ بئیں گڈا ایدگہ کامیابی آنی پائدگ کم بنت۔ آئی ءَ گوشت کہ 1998 ءَ پاکستان ءِ دیمروئی ءِ نوکیں ویژن ءِ ایر کنگ بوتگ۔ آئی ءَ گوشت کہ سال 2013 ءَ مسلم لیگ ءِ حکومت ءَ را ناشرکاری ءُ بدتریں لوڈشیڈنگ ءِ وڑیں مزنیں چیلنج آنی دیمپانی بوتگ بلے محمد نواز شریف ءِ سروکی ءَ ملک ءَ را مزنیں کساسے ءَ ناشرکاری ءُ توان ءِ بحران ءَ چہ دیم ءَ رؤگ ءِ وس ءُ واک بوتگ۔ آئی ءَ گوشت کہ 2017 ءَ میاں اوستمانی گل پاکستان ءَ را یک انچیں ملکے ءِ رنگ ءَ جار جنگ ءَ اتنت کہ آئی ءِ تہ ءَ دگنیا ءِ 20 مزنیں معیشت آنی تہ ءَ ھوار بوھگ ءِ توان ھست انت بلے ایشی ءِ پد ءَ اتکگیں حکومت ءَ دیمروئی ءِ اے سفر ءَ را سک باز تاوان داتگ۔ احسن اقبال ءَ گوشت کہ پاکستان ءَ را مزنیں اقتصادی مشکل آنی دیمپانی بوتگ، بلے ھما مشکلیں وھد ءِ برکت ءَ کہ راجی مفاد ءِ تہ ءَ دیمپانی بوتگ ملک دیمروئی ءِ کشک ءَ واتر بوھگ ءَ سوبین بوتگ۔ اگاں پاکستان ءَ مزن تک ءَ ڈیفالٹ کتگ ات گڈا ایشی ءِ آسر سک باز بوتگ انت ۔ آئی ءَ گوشت کہ حکومت ءَ ناکامی ءِ سر ءَ ریاست ءُ معیشت ءَ را اولیت داتگ، ایشی ءِ آسر ءَ ملک ءَ مہنگائی ءِ شرح 38درسد ءَ چہ نزیک ءَ 6درسد ءَ اتکگ، وھدیکہ بے روزگاری ءِ شرح ھم 23درسد ءَ چہ 10درسد ءَ اتکگ۔ آئی ءَ گوشت کہ ورنا آنی تہ ءَ ناامیتی ءُ انتہا پسندی ءِ دیمروئی ءِ واستہ منظم مہم ءِ کوشست کنگ بوتگ ایشی ءَ چہ راجی ادارگ آناں تاوان رستگ۔ آئی ءَ اے گپ ءِ سر ءَ زور پر دات کہ اختلافات ءِ باوجود راجی ادارگ ءُ ملک ءِ نام ءِ رکھینگ ھر شہری ءِ ذمہ واری اِنت ءُ برطانیہ ءَ روگ ءَ وتی ملک ءِ بدنام کنگ ءَ چہ بہ رکّ اِیت۔ وفاقی وزیر ءَ گوشت کہ حکومت ’’اودان پاکستان‘‘ پروگرام ءِ وسیلگ ءَ ملک ءَ را دیمروئی ءِ نوکیں کونڈ آنی سر ءَ برگ ءَ انت۔ آئی ءَ گوشت کہ آئی ایم ایف ءِ سر ءَ بڈو بوھگ ءِ ھلاسی ءِ واستہ برآمدات ءِ تہ ءَ گیشی ناگزیر اِنت، وھدیکہ برطانیہ ءَ نندوکیں نزیک ءَ 9 ملین پاکستانی سالانہ 40ارب ڈالر ءِ زرّ ءِ دیم دیگ ءَ ملک ءِ معیشت ءَ را مھکم کنگ ءَ اَنت۔ آئی ءَ گوشت کہ مصنوعی ذہانت ءَ چہ جھان ءِ معیشت ءَ انقلاب آورتگ، پمیشکا ورنا آناں نوکیں ڈیٹا ءِ مہارت ءَ گوں لیس کنگ وھد ءِ ضلورت اِنت۔ آئی ءَ گوشت کہ پاکستانی راج ءِ تہ ءَ بے دروریں توان است انت ءُ الس ءِ تسلسل، راجی یکوئی ءُ محنت ءِ وسیلگ ءَ پاکستان دیمروئی ءُ وشھالی ءِ نوکیں کونڈ آنی سر ءَ سر بوت کنت۔ پد ءَ رسانکدر ءَ گوں گپ ءُ تران کنان ءَ پروفیسر احسن اقبال ءَ یک جستے ءِ پسو ءَ گْوشتگ کہ امریکا ءُ ایران ءِ نیام ءَ امن ءِ منگ نامہ بوتگ ءُ امیت اِنت کہ پشت کپتگیں کسانیں اڑاند زوت دور کنگ بنت۔ دگہ جستے ءِ پسہ ءَ آئی ءَ گشتگ کہ ہندوستان پاکستان ءِ آپ ءِ بہر ءَ داشت نہ کنت، پاکستان ءَ وتی دفاع ءُ وتی راجی نپانی رکھینگ ءِ سرجمیں حق است انت، ہمے وھد ءَ میان استمانی براتی ہم اے جیڑہ ءِ سرا ہندوستان ءِ سرا زور دئیگ ءَ انت۔ مراگش ءِ گڈسرا ھما مردمانی نیام ءَ داد  بھر ءُ بانگ کنگ بوت کہ آیاں جوانیں کارکردگی ءِ ھاتر ءَ کورس سرجم کتگ۔