ایف آئی اے ءَ اسلام آباد ءَ انسانی اعضاءِ پروسیسنگ ءِ ناجائزیں نیٹ ورک ءِ سرا ارش کتگ ءُ 5 ملزم دزگیر کتگ

اسلام آباد۔26جون  (اے پی پی): وفاقی پٹ ءُ پولی ادارگ اسلام آباد زون ءَ وفاقی دارالحکومت ءَ انسانی اعضاءِ ءُ بائیولوجیکل مواد ءِ پروسیسنگ ءَ ہواریں دو ناجائزیں آسراتی ءِ سرا ارش کتگ ءُ سیکٹر ایف 7 ءُ ای 11 ءَ ارش ءِ وھد ءَ 5 ملزم دزگیر کتگ۔ ایف آئی اے ءِ یک کارندہے ءَ جمعہ ءِ روچ ءَ اے پی پی ءَ گوں تران کنان ءَ گشتگ کہ اے ارش معتبریں انٹیلی جنس ءِ سر ءَ کنگ بوتگ انت ایشی ءِ آسر ءَ دو مرکز بے ننگ بوتگ انت کہ آہانی تہا انسانی اعضاءِ ءُ بائیولوجیکل مواد ءِ ناجائزیں پروسیسنگ ءِ تہا ھوار انت۔ اے کارندہ ءَ گْوشتگ کہ ملزماں اے چیز ءَ را درملک ءَ برآمد کنگ ءَ پیسر ھاسیں رنگ ءَ ویتنام ءَ دروگیں رنگ ءَ ” گوک ءِ نادراھی“ ءِ نام ءَ نبشتہ کنگ ءَ اَنت۔ حکام ءِ رد ءَ ایف آئی اے ءِ ٹیماں آپریشن ءِ وھد ءَ احاطہ ءَ چہ مزنیں کساسے ءَ پروسیسنگ مشینری، سامان ءُ پروسیسڈ مواد ھم برآمد کتگ۔ اے کارندہ ءَ گْوشتگ کہ دزگیریں ملزم چہ جرم ءِ جاہ ءَ برگ بوتگ اَنت۔ ملزم ءِ حلاف ءَ انسانی اعضاءِ پیوندکاری ءِ قانون ہیومن آرگن ٹرانسپلانٹیشن ایکٹ (HOTA) 2010 ءِ رد ءَ کیس درج کنگ بوتگ انت وھدے کہ نیٹ ورک ءِ پجارینگ ءُ ناجائزیں کار ءَ ھواریں دگہ مردمانی پجارینگ ءِ ھاترا گیشیں پٹ ءُ پول کنگ بوھگ ءَ انت۔ ایف آئی اے ءَ انسانی اعضاءُ بائیولوجیکل مواد ءِ ھوالگ ءَ ناجائزیں کاروائی آنی تہ ءَ ھواریں مردمانی ھلاپ ءَ سکیں قانونی کارروائی کنگ ءِ وتی جزم ءِ پدا زور دات۔