وفاقی وزیر رسانک عبدالعلیم خان ءَ ایران ءِ وزیر فرزانہ صادق ءَ گوں گند ءُ نند کتگ، پاک ایران ءُ ایران ءِ یکجائی ٹرانسپورٹ کمیٹی ءِ برجا کنگ ءِ سرا تپاک

اسلام آباد۔25جون  (اے پی پی): ایران ءِ ٹرانسپورٹ ءِ وزیر فرزانہ صادق ءَ پاکستان ءِ تر ءُ تاب ءَ روگ ءَ انت آئی ءَ وفاقی وزیر کمیونیکیشن عبدالعلیم خان ءَ گوں گند ءُ نند کت۔ گند ءُ نند ءِ ساھت ءَ ریلوے ءِ وفاقی وزیر محمد حنیف عباسی، وزیر تجارت جام کمال خان ءُ بحری کارانی وزیر محمد جنید انور چوہدری ھم ھوار اتنت۔ وزارت ءِ مواصلات ءِ نیمگ ءَ چہ جاڑی بوتگیں بیان ءِ رد ءَ وفاقی وزیر رسانک عبدالعلیم خان ءَ ایران ءِ ڈل ءَ گوں گپ ءُ تران کنان ءَ دمگ ءَ امن ءِ برجائی ءِ سر ءَ وشی ءِ درشانی کتگ۔ وفاقی وزیر ءَ فرزانہ صادق ءَ گوں گپ ءُ تران کنان ءَ ایرانی الس ءِ مھکمیں جزم ءُ دلیری ءَ را ساڑات ءُ امیت سہرا کت کہ آیوکیں وھد ءَ پاک ایران ءِ سڑک ءُ ریل ءِ سیادی ءَ را گیش مھکم کنگ بیت۔ وفاقی وزیر برائے مواصلات ءَ گوشت کہ دوئیں ملک آنی نیام ءَ زمینی سیادی ءَ را مھکم کنگ ءَ چہ تجارتی موہ گیش بنت۔ گند ءُ نند ءَ جتا جتائیں تجویز آنی سر ءَ ھم چار ءُ تپاسی کنگ بوت ءُ ڈل آناں پاک ایران ءِ یکجائی ٹرانسپورٹ کمیٹی ءِ سر ءَ کار کنگ ءِ سر ءَ تپاک کت۔ عبدالعلیم خان ءَ اے موہ ءِ سر ءَ گوشت کہ ایران ءُ پاکستان ءِ نیام ءَ ٹرانسپورٹ ءِ ھوالگ ءَ جیڈھ زوت گیش ءُ گیوار کنگ بنت۔ ایران ءِ وزیر فرزانہ صادق ءَ جنگ بندی ءُ امن ءِ معاہدے ءِ تہ ءَ پاکستان ءِ جوانیں کرد ءِ سر ءَ شگر ءُ منت گپت ءُ گوشت کہ پاکستانی برات آنی سرجمیں رنگ ءَ کمک ءُ کمک ءَ را ساڑات کناں۔ ایران ءِ ٹرانسپورٹ ءِ وزیر ءَ دوئیں ملک آنی نیام ءَ ٹرک ءُ کنٹینر آنی کلیئرنس ءِ جیڈھ ھم چست کتگ۔ دوئیں ملک آنی مزن مزنیں اگدہ دار آں گند ءُ نند ءَ بہر زرتگ ءُ پاک ایران ءِ سیم سر ءِ دیم ءَ اوشتاتگیں جیڈھ آنی گیواری ءِ واستہ یکجائی گامگیج آنی سر ءَ تپاک کنگ بوتگ۔