پاک ایران ءُ ایران ءِ تہی کارانی وزیرانی گند ءُ نند، ھاسیں دمگی جیڈھ ءُ ایمنی ءِ کمک ءِ سر ءَ تپاک

اسلام آباد۔24جون  (اے پی پی): وفاقی وزیر داخلہ محسن نقوی ءَ گوں ایران ءِ وزیر داخلہ ڈاکٹر اسکندر مومنی ءَ یک ھاسیں گند ءُ نند ءِ تہ ءَ گند ءُ نند کت ایشی ءِ تہ ءَ پاک ایران ءِ سیادی، امن معاہدے ءَ پد دمگ ءِ نوکیں جاور ھال ءُ دو نیمگی کمک ءِ دیمروئی ءِ ھوالگ ءَ سرجمیں گپ ءُ تران کنگ بوت۔ گند ءُ نند ءَ ایران ءِ تہی کارانی وزیر ڈاکٹر اسکندر مومنی ءَ پاکستان ءِ سروکی ءُ الس ءِ شگر ءُ منت گپت کہ آیاں ایران ءِ صدر ءُ آئی ءِ ڈل ءَ را پاکستان ءَ وش اتک کتگ۔ دوئیں وزیر داخلہ آں پڑے ءِ تہا تناؤ ءِ کمی ءِ سرا رضامندی ءِ درشانی کتگ۔ وزیر داخلہ محسن نقوی ءَ سوئٹزرلینڈ ءِ شہر برگنسٹاک ءَ یکجائی اعلامیہ ءِ سر ءَ وتی ایرانی ھمکار ءَ را مبارک بات دیگ ءَ گوشت کہ اے تپاکی ایران ءِ حکومت ءُ آھانی مخلصیں کوشست آنی ابید ممکن نہ بوتگ ات۔ آئی ءَ اے گپ ءِ پدرائی کت کہ پاکستان ءَ مدام سرجمیں دگنیا ءَ امن ءُ ایمنی ءِ لوٹ کتگ ءُ میاں اوستمانی تک ءَ دائمی امن ءِ واستہ وتی کوشستاں برجاہ دار ایت۔ ایران ءِ تہی کارانی وزیر ءَ ایران ءُ امریکہ ءِ گپ ءُ تران ءِ تہ ءَ پاکستان ءِ مخلصیں کرد ءُ پاکستانی راج ءِ سرجمیں کمک ءَ را ساڑات۔ آئی ءَ گوشت کہ دوئیں ملک آنی تہی کار آنی وزارت آنی نیام ءَ کمک ءَ را گیش دیم ءَ برگ ءِ واستہ آ زوت پاکستان ءِ سرجمیں تر ءُ تاب ءَ کناں۔ گند ءُ نند ءِ تہ ءَ سیکورٹی کمک، ناشرکاری ءِ ھلاپ ءَ جنگ، سائبر سیکورٹی، ءُ امیگریشن ءَ ھوار جتا جتائیں پڑ آنی تہ ءَ کمک ءَ را گیش کنگ ءِ سر ءَ تپاک کنگ بوتگ۔ محسن نقوی ءَ امیت سہرا کت کہ اے امن معاہدہ ءِ دمگ ءِ واستہ دور رسیں آسراتی ءِ سبب بنت۔ اے ھاسیں گند ءُ نند ءَ وزیر مملکت برائے داخلہ طلال چوہدری، سیکرٹری داخلہ، ایڈیشنل سیکرٹری داخلہ، ڈی جی ایف آئی اے ، کمانڈنٹ نیشنل پولیس اکیڈمی   ءُ   ڈی جی این سی سی آئی اے  ھم ھوار اتنت۔