روایتی ءُ غیر روایتی دوئیں ھترہ آنی دیم ءَ دارگ ءِ واستہ لچکدار ءُ موثریں حکمت عملی ءِ زورگ المی اِنت، ایڈمرل نوید اشرف

راولپنڈی۔24جون  (اے پی پی): نیول اسٹاف ءِ سروک ایڈمرل نوید اشرف ءَ نوکیں جنگ ءِ بدل بوھوکیں دروشم ءُ پیداکیں میری ٹائم سیکورٹی چیلنج آنی سر ءَ چمشانک دیان ءَ اے گپ ءِ سر ءَ زور پر دات کہ روایتی ءُ غیر روایتی دوئیں ھترہ آناں گوں گر ءُ چیل بوھگ ءِ واستہ لچکدار ءُ موثر حکمت عملی ءِ زورگ المی اِنت۔ چار شمبے ءِ روچ ءَ انٹر سروسز پبلک ریلیشنز ءِ نیمگ ءَ جاڑی بوتگیں بیان ءِ رد ءَ پاک بحریہ ءِ سروک ایڈمرل نوید اشرف ءَ پاک بحریہ ءِ جنگی کالج لاہور ءِ تر ءُ تاب کتگ ءُ 55 پاک بحریہ ءِ سٹاف کورس ءِ بھر زوروکاں گوں تران کتگ۔ نیول چیف ءَ وتی گشتانک ءَ گوشت کہ آیوکیں جنگ آنی لوٹ روایتی جنگی حکمت عملی آنی سر ءَ پدا ھیال ءُ لیکہ کنگ ءُ نوکیں ٹیکنالوجی ءَ چہ لیس فکری رد ءَ مھکمیں مردمی قوت ءِ دیمروئی ءِ لوٹ کن اَنت۔ آئی ءَ نوکیں جنگ ءِ بدل بوھوکیں دروشم ءُ دیم ءَ آیوکیں میری ٹائم سیکورٹی چیلنج آنی سر ءَ چمشانک دیان ءَ روایتی ءُ غیر روایتی دوئیں ھترہ آناں گوں گر ءُ چیل بوھگ ءِ واستہ لچکدار ءُ موثر حکمت عملی ءِ زورگ ءِ ضلورت ءِ سر ءَ زور پر دات۔ ایڈمرل نوید اشرف ءَ پاک بحریہ ءِ جدید کنگ، بنجاھی تیاری ءُ یکجائی آپریشن ءِ واستہ عزم ءِ سر ءَ زور پر دات ءُ شریکیں مردم آناں زور پر دات کہ آ وتی اسٹریٹجک سوچ، پیشہ وارانہ ءُ آپریشنل بصیرت ءَ را گیش گیش بہ کن اَنت۔ نیول چیف ءَ دریائی چیلنج آنی سر ءَ تران کنان ءَ گوشت کہ بحر ہند ءِ دمگ ترندی ءَ گوں بدل بوھوکیں جیو پولیٹیکل جاور ءُ مزنیں طاقت آنی رقابت آنی سبب ءَ حساس ءُ جنجالی دمگ جوڑ بوتگ کہ ایشی ءَ چہ دمگی ایمنی ءِ چاگرد ءِ سر ءَ اثر کپگ ءَ انت۔ نیول چیف ءَ وتی گڈی گشتانک ءِ تہ ءَ 55می پاک بحریہ سٹاف کورس ءِ بھر زوروک آناں کورس ءِ سوبمندیں سرجمی ءِ سر ءَ مبارک بات دات ءُ آیوکیں ذمہ واری آنی تہ ءَ پیشہ وارانہ ، تجزیاتی توانائی ءُ نوآبادیاتی ءَ را وتی شعار جوڑ کنگ ءِ ہدایت کت۔