سر وزیر بلوچستان ءِ چیف سیکرٹری بلوچستان ءِ ازمتاں  آناں توسیپ ءُ ستا

کوئٹہ۔ 21 جون (اے پی پی): بلوچستان ءِ سر وزیر میر سرفراز بگٹی ءَ چیف سیکرٹری بلوچستان شکیل قادر خان ءِ ازمت ساڑاتگ انت ءُ گشتگ کہ صوبہ ءِ تہا جوانیں حکومت داری، انتظامی اصلاحات ءُ دیمروئی منصوبہ آں وھد ءِ سر ءَ سرجم کنگ ءِ تہا چیف سیکرٹری ءَ جوانیں ءُ فعالیں کرد پیلو کتگ۔ یک شمبے ءِ روچ ءَ بلوچستان اسمبلی ءَ نوکیں مالی سال ءِ بجٹ ءِ ھوالگ ءَ وتی ھیالانی درشان کنان ءَ آئی ءَ وتی کارکردگی ءَ را شگر ءُ منت دات ءُ گوشت کہ استیں انتظامی ٹیم ءِ یکجاھیں حکمت عملی ءِ سبب ءَ حکومتی پالیشی آنی سر ءَ عمل کنگ ءَ گہتری اتکگ ءُ السی جیڈھ آنی گیواری ءِ عمل ءَ مزنیں ترندی یے گندگ بوتگ۔ بنجاھی وزیر ءَ گوشت کہ شکیل قادر خان ءِ  کزبی کار   ءُ انتظامی تجربگ بلوچستان ءَ اصلاحاتی ایجنڈا ءِ سر ءَ عمل کنگ ءَ کمک ثابت بوتگ ایشی ءِ آسر ءَ سرکاری ادارگ آنی کارکردگی ءَ را گہتر کنگ ءُ شفافیت ءِ دیمروئی بوتگ۔ سر وزیر بلوچستان ءِ نیمگ ءَ چیف سیکریٹری ءِ ھزمت آنی منگ ءِ سر ءَ ایوان ءَ ھواریں باسک آں ھم آئی ءِ کارکردگی ساڑاتگ ءُ آئی ءَ را شگر ءُ منت داتگ۔