رانا مشہود احمد خان ءَ بیجنگ ءَ ٹینگ چینی وانگ ءُ زانگ ءِ بانی ءَ گوں گند ءُ نند کتگ ، ورنا آنی دیمروئی ءُ وانگ ءُ زانگ ءِ کمک ءِ دیمروئی ءِ بابت ءَ گپ ءُ تران

اسلام آباد/ بیجنگ۔21جون  (اے پی پی): چیئرمین مزن وزیر ءِ ورنا پروگرام رانا مشہود احمد خان ءَ بیجنگ ءَ ٹینگ چینی وانگ ءُ زانگ ءِ بنجاہی کارگس ءَ ادارگ ءِ بانی لی جن سونگ ءَ گوں گند ءُ نند کت۔ گند ءُ نند ءَ پاکستان ءُ چین ءِ نیام ءَ وانگ ءُ زانگی کمک ءَ را گیش مھکم کنگ ءِ واستہ آیوکیں گامگیج ءِ سر ءَ سرجمیں رنگ ءَ گپ ءُ تران کنگ بوت۔ یک شمبے ءِ روچ ءَ مزن وزیر کارگس ءِ ورنا کارانی ونگ ءِ نیمگ ءَ جاڑی بوتگیں پریس ریلیز ءِ رد ءَ گند ءُ نند ءَ چینی زبان ءِ وانگ ءُ زانگ ءِ دیمروئی، مہارت ءِ دیمروئی پروگرام آنی تہ ءَ گیشی ءُ پاکستانی ورنا آناں بااختیار کنگ ءِ واستہ گیش موہ پیداک کنگ ءِ سر ءَ دلگوشی دیگ بوتگ۔ دوئیں نیمگ ءَ ورنا آناں زبان ءُ پیشہ وارانہ مہارت آنی گوما لیس کنگ ءِ سر ءَ تران کت کہ ایشی ءَ چہ آ ترندی ءَ گوں بدل بوھوکیں جھان ءِ معیشت ءَ سوبمند بنت۔ اے موہ ءِ سر ءَ رانا مشہود احمد خان ءَ جوانیں وانگ ءُ زانگ، میاں اوستمانی شریکداری ءُ صلاحیت سازی پروگرام آنی وسیلگ ءَ ورنا آنی تہ ءَ سرمایہ کاری ءِ ارزشت ءِ سر ءَ زور پر دات۔ مزن وزیر ءِ ورنا پروگرام ءِ وژن ءِ سر ءَ زور پر دیان ءَ آئی ءَ گوشت کہ پاکستانی ورنا آناں جھان ءِ تک ءِ وانگ ءُ زانگ ءِ آسراتی، زبان ءِ دربرگ ءِ موہ ءُ مارکیٹ ءَ گوں سیادی داروکیں ھنر آنی پجاری حکومت ءِ اولی ترجی آنی تہ ءَ ھوار اِنت۔ لی جن سونگ ءَ پاکستانی نودربر آنی واستہ دود ءُ ربیدگ ءِ ھمگرنچی، زبان ءِ مہارت ءُ وانگ ءُ زانگ ءِ کوالٹی ءَ را گیش کنگ ءِ ھاترا ھما کار آنی کمک ءَ را برجاہ دارگ ءِ وتی جزم  ءِ پدا زور دات۔ آئی ءَ دل یکیمی ءِ درشان کت کہ اے کمک پاکستان ءُ چین ءِ نیام ءَ دیریں دوستی ءَ را گیش مھکم کنگ ءَ ھاسیں کرد پیلو کنت۔ دوئیں نیمگ ءَ وانگ ءُ زانگ، مہارت ءُ ورنا آنی تبادلہ ءِ ھوالگ ءَ گامگیج آنی تہ ءَ دو نیمگی کمک ءَ را گیش وسعت دیگ ءِ وتی جزم  ءِ پدر کنگ بوت۔ اے گپ ءِ سر ءَ ھم تپاک کنگ بوت کہ اے اسٹریٹجک شریکداری ءِ چیر دستی ءَ پاکستانی نودربر ءُ ورنا پیشہ ور آنی واستہ نوکیں موہ پیداک کنگ ءِ واستہ گیشاں چہ گیش یکجائی منصوبگ آنی سر ءَ کار کنگ بیت۔ اے موہ ءِ سر ءَ تران کنان ءَ رانا مشہود احمد خان ءَ گوشت کہ پاکستان ءِ ورنا ملک ءِ ارزشتی ایں مڈّی اَنت ءُ چین ءِ گوما وانگ ءُ زانگ ءُ دود ءُ ربیدگی سیادی ءِ دیمروئی ءَ چہ ورنا آنی واستہ وانگ ءُ زانگ، نوآبادیاتی ءُ پیشہ وارانہ دیمروئی ءِ نوکیں دروازگ پچ بنت۔ دیوان یک دلپھکی ءِ چاگرد ءَ آسر بوت، ایشی ءِ تہ ءَ دوئیں نیمگاں نوکیں نسل ءَ را بااختیار کنگ ءُ وانگ ءُ زانگ، نوکیں لیکہ ءُ مردم آنی نیام ءَ رابطہ آنی وسیلگ ءَ یک وشیں آیوکیں وھد ءِ جوڑ کنگ ءِ واستہ وتی یکجائی جزم  ءِ درشانی کت۔ پاکستان ءُ چین ءِ نیام ءَ دائمی دوستی دوئیں ملک آنی ورنا آنی واستہ دیمروئی ءُ سوبمندی ءِ نوکیں افق آناں رژنائی دنت۔