مزن وزیر شہباز شریف فیلڈ مارشل سید عاصم منیر ءِ ہمراہی ءَ سوئٹزرلینڈ ءَ   روادگ

اسلام آباد۔21جون  (اے پی پی): مزن وزیر محمد شہباز شریف ءِ گوما چیف آف آرمی اسٹاف ءُ چیف آف ڈیفنس فورسز فیلڈ مارشل سید عاصم منیر ءِ ہمراہی ءَ برگن اسٹاک، سوئٹزرلینڈ  ءَ  روادگ بوتگ۔    ایران ءُ امریکہ ءِ نیام ءَ اسلام آباد تپاکی یاتگیر ‘‘ ءِ سر ءَ عمل کنگ ءِ ھوالگ ءَ مزن تک ءِ گپ ءُ تران ءَ بہر زورگ بہ بیت۔ یک شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ اسلامی جمہوریہ ایران ، قطر ءُ امریکہ ءِ مزن تک ءِ ڈل اے گپ ءُ تران آنی تہ ءَ بھر زوری کن اَنت۔ اے گپ ءُ تران 17جون 2026 ءَ اسلام آباد ءِ تپاک نامہ ءِ دستخط کنگ ءَ پد اولی باقاعدہ رابطہ انت۔پاکستان اسلامی جمہوریہ ایران ءُ امریکہ ءِ نیام ءَ بوتگیں معاہدہ آنی سر ءَ عمل درآمد ءُ پیشرفت ءِ حمایت ءَ برجاہ دار ایت۔ گپ ءُ تران ءِ ساھت ءَ مزن وزیر ءِ ایران، قطر، سوئٹزرلینڈ ءُ امریکہ ءِ ڈل آنی گوما دو نیمگی گند ءُ نند ءِ ھم امیت اِنت، ایشی ءِ تہ ءَ گپ ءُ تران، دمگی برجائی ءُ دائمی امن ءِ واستہ پاکستان ءِ بے دروریں جزم  ءِ درشان۔ اے بحران ءِ وھد ءَ پاکستان ءِ آسراتی ءِ کرد ءَ آئی ءِ اصولی، متوازن ءُ تعمیری نقطہ نظر ءَ را پدر کتگ۔ اے کار ءِ تہ ءَ امریکہ ءُ ایران ءِ نیام ءَ بنداتی گپ ءُ تران ءِ میزبانی ءُ سفارتی رابطہ ءِ برجاہ دارگ ھوار اِنت کہ گڈسرا اسلام آباد ءِ تپاک نامہ ءِ تہ ءَ سرجم بوتگ۔