حکومت ءِ نیمگ ءَ تنخواہ داریں تبک ، کشت ءُ کشاری ، صنعت کار ، برآمد کنوک ءُ ہر پاکستانی شہری ءِ مفاد ءِ رد ءَ متوازن بجٹ داتگ ، خزانہ ءِ وزیر مملکت بلال اظہر کیانی ءَ راجی اسمبلی ءَ   ھیالانی درشانی

اسلام آباد۔19جون  (اے پی پی): وزیر مملکت ءِ ھزانگ ءُ آمدنی بلال اظہر کیانی ءَ گوشت کہ آیوکیں مالی سال ءِ تہ ءَ 3.5 ملین دکاندار ٹیکس ءِ پناہ گاہ ءَ داخل بنت۔ حکومت ءَ تنخواہ دار تبک، کشت ءُ کشاری، صنعت کار، برآمد کنوک ءُ ہر پاکستانی شہری ءِ مفاد ءِ رد ءَ متوازن بجٹ داتگ۔ بجٹ ءَ چہ ملک ءِ معیشت گیش مھکم بیت ۔ جمعہ ءِ روچ ءَ راجی اسمبلی ءِ دیوان ءَ آیوکیں مالی سال ءِ وفاقی بجٹ ءِ ھوالگ ءَ گپ ءُ تران ءَ بھر زوری کنان ءَ بلال اظہر کیانی ءَ گوشت کہ سرجمیں ایوان ءُ راج ءِ گوما مزن وزیر شہباز شریف، فیلڈ مارشل عاصم منیر  ءُ درئی کارانی وزیر ءُ نائب مزن وزیر پاکستان ءَ را مبارک بات دیگ ءَ انت۔ مرچی ءُ اسلام آباد ءِ مفاہمت ءِ وسیلگ ءَ پاکستان ءَ جنگ بندی ءِ تہ ءَ مزنیں کردے پیلو کتگ کہ ایشی ءِ ھاتر ءَ سرجمیں راج منت وار اِنت۔ آئی ءَ گوشت کہ بجٹ راستی ءَ سرکاری بجٹ اِنت۔ اے پگار  گروکیں تبک، کشت ءُ کشاری، صنعت کار، برآمد کنوک ءُ ہر پاکستانی شہری ءِ بجٹ اِنت۔ مزن وزیر ءَ وعدہ کتگ ات کہ ما پیسر ءَ اقتصادی استحکام آرگ ءَ پد گہتری پجاری کناں۔ الحمداللہ کہ گہتری اے بجٹ ءِ تہا گندگ ءَ کیت۔ وزیر مملکت ءَ گوشت کہ فروری 2024 ءَ وھدے حکومت ءِ سر ءَ اتک گڈا اقتصادی جاور سک باز گران بوتگ اَنت۔ لھتے مردم رد اتنت کہ اے سرکار لہتیں ماہ ءَ ھم برجاہ نہ بیت۔ بلے مزن وزیر ءِ دور ءَ نہ ایوک ءَ معیشت ءِ دیمروئی بوتگ بلکیں افراط زر ءِ تہ ءَ ھم کمی اتکگ، زرّ ءِ ذخیرہ ھم گیش بوتگ ءُ آئی ایم ایف ءِ پروگرام ھم سوبمندیں رنگے ءَ آسر بوتگ۔ نقاداں گشتگ کہ ٹارگٹ سرجم نہ بنت ءُ منی بجٹ ءِ دیم ءَ آرگ بیت بلے حکومت ءَ مالی سال 2025 ءَ درستیں ٹارگٹ سرجم کتگ انت ءُ ہچ وڑیں منی بجٹ نہ آورتگ۔ آئی ءَ گوشت کہ بجٹ ءَ چہ تنخواہ داریں تبک ءَ را ریلیف رس ایت، 22 ءَ چہ 23 لکھ کلدار ءِ کمائی کنوک آنی واستہ ٹیکس 23 ءَ چہ 20 درسد ءَ کمی کنگ بیت، 32 ءَ چہ 41 لکھ کلدار ءِ واستہ 35 ءَ چہ 29 درسد ءَ چہ کم کنگ بیت ءُ 451 ءَ چہ 235 ءَ تاں 29 درسد ءَ کم کنگ بیت۔ ءَ چہ 70 لکھ روپیہ ءِ کمائی کنگ ءَ انت۔ ایشی ءِ ھواری ءَ سپر ٹیکس ھم ھلاس کنگ بیت۔ آئی ءَ گوشت کہ ایکسپورٹر آنی واستہ ٹیکس ءِ تہ ءَ کمی کنگ بیت تانکہ آوانی ھرچ ءُ درچ ءِ تہ ءَ کمی بہ بیت ءُ مقابلہ ءِ تہ ءَ گیشی بہ بیت۔ آئی ٹی انڈسٹری ءِ واستہ 0.25درسد آسراتی ءَ را دگہ سئے سال ءِ واستہ گیش کنگ بوتگ، تعمیراتی شوبگ ءِ واستہ ھم گامگیج چست کنگ بوتگ تانکہ مردماں وتی گس جوڑ کنگ ءِ آسراتی رس ایت۔ اپنا گھار اسکیم ءِ واستہ 71ارب کلدار ایر کنگ بوتگ ایشی ءِ چیر دستی ءَ شہری کمیں سود ءِ شرح ءَ وام زورگ ءَ انت۔ وزیر مملکت ءَ گوشت کہ کشت ءُ کشاری ءِ شوبگ ءَ را سرجم ءَ 300ارب کلدار دیئگ بیت، مزن وزیر ءِ کشت ءُ کشاری یوتھ اسکیم ءِ چیر دستی ءَ 110ارب کلدار ایر کنگ بوتگ، کشت ءُ کشاری مشینری آنی سر ءَ ڈیوٹی ھلاس کنگ بوتگ۔ ضروری چیز ءُ فیلڈ پلاننگ ءِ چیزانی سر ءَ سیلز ٹیکس ھلاس کنگ بوتگ۔ شپنگ انڈسٹری ءِ دیمروئی ءِ واستہ سیلز ٹیکس ءَ چہ ھم معاف کنگ بوتگ تانکہ پاکستان وتی تجارتی صلاحیتاں گہتر بہ کنت۔ آئی ءَ گوشت کہ ٹیکس آمدنی ءِ تہ ءَ گیشی ءِ واستہ نوکیں اسکیم سازگ بوتگ۔ کسانیں دکاندار، 20کروڑ کلدار ءَ تاں کاروبار ءِ دکاندار ایوک ءَ یک درسد ٹیکس ءِ دات کن اَنت۔ آ یک سادہ اردو فارم ءِ وسیلگ ءَ رجسٹرڈ کنگ بنت، ایف بی آر ءِ نیمگ ءَ گرین لائٹ دیگ بیت ءُ آڈٹ ءِ ھاتر ءَ نارمل جاور ھال نہ بنت۔ اے اسکیم ءِ مول ءُ مراد 3.5 ملین دکانداراں ٹیکس نیٹ ءِ چیر ءَ آرگ اِنت۔ آئی ءَ گوشت کہ توامیں کاروباری ادارگ آنی شگر ءُ منت گپت کہ آہاں اے بجٹ ءَ را ساڑاتگ۔