پٹرولیم ءِ وزیر مزن وزیر ءَ تیل ءِ نہادانی تہ ءَ کمی ءِ سیت ءَ را ترندی ءَ الس ءِ سر ءَ دیم دیگ ءِ پنت ءُ شون

اسلام آباد۔18جون  (اے پی پی): پٹرولیم ءِ وفاقی وزیر علی پرویز ملک ءَ گوشت کہ مزن وزیر محمد شہباز شریف، فیلڈ مارشل سید عاصم منیر، دری کارانی وزیر ءُ تہی کارانی وزیر ءِ سفارتی کوشست آنی پائدگ بوھگ ءَ انت ءُ ایران ءُ امریکہ ءَ را ھم جنگ بندی ءِ نیمگ ءَ پیشرفت کنگ ءَ انت۔ توانائی ءِ عالمی مارکیٹانی سرا بوتگ۔ پنچ شمبے ءِ روچ ءَ کو ایکس ءِ سر ءَ وتی بیان ءِ تہ ءَ آئی ءَ گوشت کہ میاں اوستمانی مارکیٹ ءَ تیل ءِ نھاد کم بوھگ ءَ انت مزن وزیر شہباز شریف ءَ پنت ءُ شون کتگ کہ اے کمی ءِ سیت زوت الس ءِ سر ءَ مٹ کنگ بہ بیت۔ اے مول ءُ مراد ءِ واستہ حکومت ءَ یک مزن تک ءِ کمیٹی جوڑ کتگ کہ آ پٹرولیم ءِ چیز آنی نرخ آنی ٹھینگ ءِ واستہ یک شفافیں ہفتگی فارمولہ ءِ جوڑ کنت۔ علی پرویز ملک ءَ گوشت کہ شفاف فارمولہ ءِ چیر دستی ءَ نرخ آنی تہ ءَ بدلی آنی سبب آنی بابت ءَ الس سرجمی ءَ سرپد بیت ءُ آیوکیں وھد ءَ نرخ آنی ٹھینگ ءِ عمل ءَ را گیش شفاف کنگ بیت۔ آئی ءَ گوشت کہ اے فارمولہ ءَ را ھمک سیادی داروک آنی گوما شور ءُ سلاھ ءَ پد گڈی رنگ ءَ جوڑ کنگ بیت۔ وفاقی وزیر ءَ گوشت کہ خطہ ءِ تہ ءَ کش ءُ چیل آنی باوجود حکومت ءَ ملک ءَ تیل ءِ سپلائی چین ءَ را زمہ واری ءِ رنگ ءَ برجم داشتگ ءُ ایشی ءَ را مزنیں رکاوٹ ءِ ھست نہ بوتگ۔ آئی ءَ اے رد ءَ درستیں شریک ءُ الس ءِ منت گپت۔ آئی ءَ گیش گوشت کہ استیں دمگی جاور آنی رد ءَ پاکستان ءِ حکومت وتی توانائی ءِ سلامتی ءِ حکمت عملی ءِ ھم دوبر چار ءُ تپاسی کنگ ءَ اِنت ءُ آیوکیں ماھ آنی تہ ءَ ریاست ءِ مفاد آنی رکھینگ ءُ ایمنیں توانائی ءِ آیوکیں وھد ءَ را دل یکیمی کنگ ءِ واستہ بازیں گامگیج دیم ءَ آرگ بنت۔