وفاقی وزیر انجینئر امیر مقام ءَ مردان ءَ سیوادر جگن ناتھ ءُ آئی ءِ جنین ءِ بے دردی ءَ کوش ءِ سر ءَ دلپدردی ءِ درشانی کتگ

اسلام آباد۔18جون  (اے پی پی): وفاقی وزیر ءُ صدر پاکستان مسلم لیگ خیبر پختونخوا   انجینئر امیر مقام ءَ مردان ءِ بابو محلہ گردوارہ ءَ سیوادر جگن ناتھ ءُ آئی ءِ جنین ءِ بے دردی ءَ کوش ءِ سر ءَ دلپدردی ءِ درشانی کتگ۔ ادا جاڑی بوتگیں بیان ءِ رد ءَ انجینئر امیر مقام ءَ اے وئیل ءِ مذمت کتگ ءُ آئی جی خیبر پختونخوا ءَ را پنت ءُ شون کتگ کہ آ مزن تک ءِ انکوائری ءُ ھاسیں پٹ ءُ پولی کمیٹی جوڑ بہ کنت۔ آئی ءَ اقلیتی عبادت جاہ آنی ایمنی ءَ را گیش موثر جوڑ کنگ ءُ ترندیں رکھینگ ءِ گامگیج زورگ ءِ سر ءَ زور پر دات۔ آئی ءَ گوشت کہ اے رنگیں زالم ءُ ناشرکاری ءِ واکیہ نا برداشت ءُ نا بخشگ بنت۔ اے واقعہ ءَ اقلیتی راج ءِ تہا ترس ءُ بیم پیداک کتگ پمیشکا ایشی ءِ تہا ہواریں عناصر زوت دزگیر کنگ ءُ قانون ءِ رد ءَ سزا دیگ بہ بنت۔ وفاقی وزیر ءَ سکھ کمیونٹی ءِ گوما دلپدردی ءِ درشانی کت ءُ گوشت کہ اے مشکل ءِ ساھت ءَ آ ھمراہ انت۔