نائب مزن وزیر محمد اسحاق ڈار ءَ گوں کینیڈا ءِ دری کارانی وزیر ءَ ٹیلی فون ءِ سر ءَ گپ ءُ تران کت، دمگی ءُ میان استمانی جیڈھ آنی سر ءَ گپ ءُ تران

اسلام آباد۔18جون  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ کینیڈا ءِ دری کارانی وزیر انیتا آنند ءَ گوں ٹیلی فون ءِ سر ءَ گپ ءُ تران کت، ایشی ءِ تہ ءَ پاکستان ءُ کینیڈا ءِ نیام ءَ دمگی ءُ میاں اوستمانی جیڈھ آنی سر ءَ دو نیمگی سیادی آنی سر ءَ گپ ءُ تران کنگ بوت۔ پنچ شمبے ءِ روچ ءَ درئی کارانی کارگس ءِ رد ءَ کینیڈا ءِ دری کارانی وزیر انیتا آنند ءَ امریکہ ءُ ایران ءِ نیام ءَ سفارتی سیادی ءُ میانجی داری ءِ کوشست آنی تہ ءَ پاکستان ءِ جوڑیشت ءِ کرد ءَ را ساڑاتگ ءُ گوشت کہ پاکستان ءِ کمک ءَ پریک آنی نیام ءَ نوکیں یک تپاک ءِ سر ءَ سر بوھگ ءِ تہ ءَ مزنیں کرد پیلو کتگ۔ دوئیں دری کارانی وزیر آں جمعہ ءِ روچ ءَ سوئٹزرلینڈ ءِ شہر برگن ءَ پریک آنی نیام ءَ آیوکیں گند ءُ نند ءِ سر ءَ ھم گپ ءُ تران کتگ۔ دوئیں بامرد آں پاکستان ءُ کینیڈا ءِ سیادی آنی تہ ءَ جوانیں پیشرفت ءِ سر ءَ دل یکیمی ءِ درشان کت ءُ وت مہ وتی مفاد ءِ جتا جتائیں شوبگ آنی تہ ءَ کمک ءَ را گیش دیمروئی دیگ ءِ واستہ وتی جزم ءِ سر ءَ زور پر دات۔