منصوبہ بندی ءِ وفاقی وزیر ءَ مزن وزیر ءُ فیلڈ مارشل ءَ را امریکہ ءُ ایران ءِ نیام ءَ راجدپتری ”اسلام آباد ءِ تپاک نامہ“ ءِ سوبمندیں آسراتی ءِ سر ءَ مبارک بات داتگ

اسلام آباد۔18جون  (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ مزن وزیر محمد شہباز شریف ءُ فیلڈ مارشل سید عاصم منیر ءَ را راجدپتری "اسلام آباد تپاک نامہ”  ءِ سوبمندیں آسراتی ءِ سر ءَ مبارک بات داتگ کہ پاکستان ءُ ایران ءِ نیام ءَ اے یک پدریں سفارتکاری ءِ یک تپاک نامہ ءِ سر ءَ تپاک کنگ اِنت۔ عالمی امن ءِ ھاتر ءَ آئی ءِ جوانیں کرد ءِ سرا چمشانک دیگ بوتگ۔ پروفیسر احسن اقبال ءَ وتی بیان ءِ تہ ءَ گوشت کہ اسلام آباد ءِ تپاک نامہ ءَ یک بالقوه تباہ کنوکیں جیڈھ ءِ گر ءُ دار ءِ تہ ءَ مزنیں کرد پیلو کتگ، دمگ ءِ تہ ءَ ھاسیں تجارتی راہ آناں پدا فعال کنگ ءُ دیم پہ دیم ءِ بدل ءَ سفارتکاری ءُ مذاکرات ءِ طاقت ءَ را پدر کنگ بوتگ۔ آئی ءَ گوشت کہ پاکستان ءَ ایوک ءَ گپ ءُ تران ءِ میزبانی نہ کتگ بلکینگ ءَ حکمت، بے رھبند ءُ جوڑیشت ءِ سفارتکاری ءِ وسیلگ ءَ امن ءِ برجائی ءِ تہ سروکیں کرد پیلو کتگ۔ آئی ءَ گوشت کہ اے دیمروئی جہانی تک ءَ پاکستان ءِ جوانیں امیج ءُ زمہ واریں کرد ءِ آدینک انت۔ وفاقی وزیر ءَ گوشت کہ اے راجدپتری کامیابی سرجمیں راج ءِ واستہ فخر ءِ وسیلگ انت ءُ مزن وزیر محمد شہباز شریف ءُ فیلڈ مارشل سید عاصم منیر ءِ وژنری سروکی، دور اندیشی ءُ اسٹریٹجک صلاحیت آنی یک پدریں گواہی انت۔ آئی ءَ امیت سہرا کت کہ اے دیمروئی ءَ چہ دمگ ءَ امن، برجائی ءُ اقتصادی کمک ءِ واستہ نوکیں موہ پیداک بنت۔