فیلڈ مارشل عاصم منیر ءَ دنیا ءِ امن ءِ دیمروئی ءُ کشاں چیل ءِ ھلاسی ءِ ھاتر ءَ زانتکاریں ءُ موثریں کرد پیلو کتگ، بشری رند

کوئٹہ۔ 18 جون (اے پی پی): بلوچستان اسمبلی ءِ پیسریگیں باسک بشری رند ءَ دمگ ءَ امن ءُ ایمنی ءِ واستہ فیلڈ مارشل سید عاصم منیر ءِ سفارتی کوشست آنی پد ءَ شگر ءُ منت گپت۔ پنچ شمبے ءِ روچ ءَ وتی مبارکی بیان ءِ تہ ءَ آئی ءَ گوشت کہ فیلڈ مارشل سید عاصم منیر ءَ استیں دمگی جاور ھال آنی تہ ءَ امن ءِ دیمروئی ءُ کش ءُ چیل ءِ ھلاسی ءِ تہ ءَ زانتکاریں ءُ جوانیں کرد پیلو کتگ ایشی ءِ جوانیں اثر نہ ایوک ءَ دمگ ءَ بلکینگ ءَ جھان ءِ تک ءَ ھم گندگ بوھگ ءَ اَنت۔ بشری رِند ءَ گوشت کہ پاکستان مدام امن، گپ ءُ تران ءُ سفارتکاری ءِ منوگر بوتگ ءُ انوگیں جاوراں پاکستان ءِ یک زمہ واریں ریاست ءِ بستار ءَ جوانیں امیج ءَ را گیش پدر کتگ۔ آئی ءَ گوشت کہ فیلڈ مارشل سید عاصم منیر ءِ سروکی ءَ پاکستان ءَ جھان ءِ تک ءَ وتی شرپ ءُ نام ءَ را گیش مھکم کتگ۔ بلوچستان ءِ پیسریگیں اسمبلی ءِ باسک بشری رِند ءَ گوشت کہ اے ھاسیں سفارتی کامیابی ءَ پاکستان ءِ ھلاپ ءَ کنگ بوھوکیں منفی پروپیگنڈا ءِ جوانیں رنگ ءَ رد کتگ ءُ اے گپ ءَ را ثابت کتگ کہ پاکستان دمگ ءَ امن ءُ ایمنی ءُ جوڑیشت ءِ دیمروئی ءِ واستہ سنگین ءُ سرگرمیں کرد پیلو کنگ ءَ انت۔ بشری رند ءَ امیت سہرا کت کہ پاکستان آیوکیں وھد ءَ ھم دمگی امن، وت مہ وتی شرپ ءُ شرپ ءُ وشھالی ءِ دیمروئی ءِ واستہ وتی جوانیں کرد ءَ را برجاہ دار ایت۔ آئی ءَ دعا کت کہ اللہ تعالیٰ پاکستان ءَ را گیش دیمروئی، استحکام ءُ سوبمندی بہ دنت ءُ بلوچستان ءَ ھوار سرجمیں ملک ءَ را امن ءُ ایمنی ءِ ھند  جوڑ بہ کنت۔