ملک ءَ سرمایہ کاری ءِ مزنیں موہ است انت، جرمن کمپنی پاکستان ءَ سرمایہ کاری ءِ موہ آں چہ پائدگ چست بہ کن انت، سرمایہ کاری بورڈ ءِ وفاقی وزیر قیصر احمد شیخ ءَ جرمن ڈل ءِ گوما گند ءُ نند

اسلام آباد۔17جون  (اے پی پی): سرمایہ کاری بورڈ ءِ وفاقی وزیر قیصر احمد شیخ ءَ گشتگ کہ ملک ءَ سرمایہ کاری ءِ مزنیں موہ است انت ءُ جرمن کمپنی پاکستان ءَ سرمایہ کاری ءِ موہ آں چہ پائدگ چست بہ کن انت۔ آئی ءَ اے گپ چار شمبے ءِ روچ ءَ ادا جرمن ڈل ءِ گوما گند ءُ نند ءَ گوشت۔ دیوان ءَ سرمایہ کاری ءِ دیمروئی ءِ سر ءَ تران کنگ بوت، ءُ ڈل ءِ سروکی ءَ جرمن ایس ایم ای ءِ نمائندہ میتھیو شاو ءَ کت۔ وفاقی وزیر ءَ گوشت کہ پاکستان ءَ سرمایہ کاری ءِ مزنیں موہ است انت، ءُ پاکستان ءَ سرمایہ کاری کنوکیں جرمن کمپنی آنی نیمگ ءَ چہ دوئیں نیمگ آناں فائدگ رسیت۔ آئی ءَ پاکستانی کاروبار آنی واستہ یورپ ءَ رسائی ءِ پجاری ءِ ارزشت ءِ سر ءَ ھم زور پر دات۔ وفاقی وزیر ءَ گوشت کہ حکومت ءَ کاروبار ءُ سرمایہ کاری ءِ دیمروئی ءِ واستہ سازگاریں پالیسی جوڑ کتگ، وھدیکہ ریگولیٹری اصلاحات ءِ یک سلسلہ ءِ ھم جاری اِنت۔ آئی ءَ گوشت کہ پاکستانی ورنا باصلاحیت اَنت، 60درسد ورنا آنی آبادی ءِ سر ءَ ھاسیں دلگوشی دیگ بوھگ ءَ اِنت تانکہ آھانی راستیں توان ءَ چہ کارمرد کنگ بہ بیت۔ گند ءُ نند ءَ ایس ایم ایز ءِ واستہ جرمن، سوئس ءُ آسٹریا ءِ مشینری ءُ مالیاتی آسراتی ءِ پھجاری ءِ سر ءَ ھیال ریچی کنگ بوت۔ ایشی ءَ ابید پاکستان ءَ پیشہ وارانہ تربیت ءِ ادارگ جوڑ کنگ ءُ ہنرمندیں مردمی قوت ءِ دیمروئی ءِ بابت ءَ ہم گپ ءُ تران بوتگ۔ آئی ءَ گوشت کہ جرمنی ءَ پاکستانی ورنا آنی واستہ روزگار ءِ موہ ءَ چہ زرّ دیم دیگ ءِ تہ ءَ گیشی کیت۔ گند ءُ نند ءَ پاکستانی شہری آنی واستہ ویزہ ءِ کار ءَ را آسان کنگ ءِ ضلورت ءِ سر ءَ زور پر دات۔ سرمایہ کار آناں سرجمیں آسراتی ءِ دل یکیمی کنان ءَ وفاقی وزیر ءَ گوشت کہ سرمایہ کاری بورڈ ءِ جہانی سرمایہ کار آنی واستہ جوانیں چاگرد ءِ پجارینگ ءِ واستہ جزم اِنت۔ گند ءُ نند ءَ پاکستان ءِ پروڈکٹس ءُ مہارت ءَ را یورپی مارکیٹاں گوں ہمگرنچ کنگ ءِ ضلورت ءِ سر ءَ تپاک کنگ بوت۔