قومی اسمبلی ءَ بجٹ ءِ سرا 32کلاک ءِ سرا بحث کتگ، اسپیکر قومی اسمبلی

اسلام آباد۔17جون  (اے پی پی): راجی اسمبلی ءِ اسپیکر سردار ایاز صادق ءَ گوشت کہ راجی اسمبلی ءَ آیوکیں مالی سال ءِ بجٹ ءِ سر ءَ تاں انوگ ءَ 32کلاک ءَ چہ گیش بحث کتگ کہ چار شمبے ءِ روچ ءَ سرجم کنگ بیت، ایشی ءَ پد آ آیوکیں دو روچ آنی واستہ کارروائی ءِ سر ءَ یکجائی ءَ پیسلہ کن اَنت۔ چار شمبے ءِ روچ ءَ راجی اسمبلی ءَ باسک آناں بحث ءِ وھد ءِ بابت ءَ سرپد کنان ءَ گوشت کہ مسلم لیگ (ن) ءِ 36باسکاں 7 کلاک ءُ 42 منٹ ءِ واستہ بحث ءَ بھر زرتگ، 8 کلاک ءُ 12 منٹ ءِ وھد ھست، پاکستان پیپلز پارٹی ءِ 31باسکاں یک منٹ ءِ واستہ 50 ءَ بہر زرتگ۔ وتی داتگیں وھد ءَ چہ 1 کلاک ءُ 10 منٹ گیش ، ایم کیو ایم ءِ 10 باسکاں بحث ءَ بھر زرتگ ءُ 2 کلاک ءُ 51 منٹ ءَ گپ جتگ ، کہ ایشی ءِ تہ ءَ آیاں وتی داتگیں وھد ءَ چہ 12 منٹ گیش گپ جتگ ۔ مین اپوزیشن پارٹی ءِ 47 باسکاں 12 کلاک ءُ 12 منٹ گپ جتگ کہ چہ داتگیں وھد ءَ 2 کلاک گیش اِنت۔ ھمے رنگ ءَ جے یو پی، ایم ڈبلیو ایم ءَ ھم چہ داتگیں وھد ءَ گیش گپ جتگ۔ اپوزیشن ءِ سروک ءَ یک کلاک ءُ شانزدہ منٹ ءَ گپ جتگ۔ پیپلز پارٹی ءُ ایم کیو ایم اگاں گپ کنگ لوٹ اَنت گڈا مسلم لیگ ن ءَ چہ وھد بہ زور اَنت ۔ آئی ءَ گوشت کہ 32کلاک ءُ 4 منٹ ءِ بحث کنگ بوتگ ۔ مرچی 40 کلاک سرجم کنگ بیت۔ آیوکیں دو روچ ایوان ءِ کارروائی ءِ سر ءَ نندگ ءُ پیسلہ کنگ ءَ گوازینگ بنت۔ ایشی ءَ چہ پیسر چیف وپ عامر ڈوگر ءِ نیمگ ءَ چست کتگیں نکتہ ءِ پسو ءَ راجی اسمبلی ءِ اسپیکر ءَ گوشت کہ گوستگیں سال ءَ 60 کلاک ءِ بحث کنگ بوتگ ءُ اپوزیشن ءَ را دو رند ءَ وھد دیگ بوتگ بلے پدا ھم آ پریشان اِنت کہ آئی ءَ را جوانیں وھد دیگ نہ بوتگ۔