وفاقی وزیر بین صوبائی ہم آہنگی رانا ثنا اللہ ءَ پاکستان ءِ فٹبال ٹیم ءَ را 74سال ءَ پد میاں اوستمانی ٹرافی ءِ گرگ ءِ پد ءَ مبارکی دات

اسلام آباد۔15جون  (اے پی پی): وفاقی وزیر بین صوبائی رابطہ رانا ثنا اللہ ءَ پاکستان ءِ فٹبال ٹیم ءَ را 74سال ءَ پد انٹرنیشنل ٹرافی ءِ گرگ ءِ پد ءَ مبارک بات داتگ۔ دو شمبے ءِ روچ ءَ جاڑی بوتگیں کلوہ ءِ تہ ءَ وفاقی وزیر ءَ گوشت کہ مالدیپ ءَ برجم داشتگیں ڈائمنڈ جوبلی انٹرنیشنل فٹبال ٹورنامنٹ ءَ راجی ٹیم ءِ راجدپتری سوبمندی ءِ سر ءَ شگر ءُ منت گپت۔ چار ملکی ٹورنامنٹ ءِ تہا پاکستان، اوگانستان، بنگلہ دیش ءُ مالدیپ ءِ ٹیم آں بہر زرتگ۔ راجی فٹبال ٹیم ءَ جزم، ہمت ءُ جوانیں گوازی ءِ درشان کنگ ءَ راج ءِ سر ءَ گوں فخر ءَ چست کت۔ رانا ثنا اللہ ءَ گوشت کہ اے جوانیں سوبمندی پاکستان فٹبال ءِ دیمروئی ءُ وشیں باندات ءِ آدینگ انت۔ سید محسن گیلانی ءِ سروکی ءَ پاکستان فٹبال فیڈریشن ءِ ھاسیں پیشرفت ستا کرز انت۔ آئی ءَ گوشت کہ راجی ٹیمب ءِ راجدپتری سوبمندی ورنائیں لیبی آنی واستہ نوکیں امیت ءُ الہام انت۔ پاکستان فٹبال فیڈریشن ءِ سروکی ءُ وژن ءَ اے سوبمندی ءِ بنیات ایر کتگ۔ امیت انت کہ آیوکیں وھد ءَ راجی فٹبال ٹیم ءَ را گیشاں چہ گیش سوبمندی رس ایت۔