صدر آصف علی زرداری ءَ پاک فضائیہ ءِ ھیل کاری  بالی گراب ءِ کپگ ءِ سرا غم ءِ درشانی

اسلام آباد۔15جون  (اے پی پی): صدر ءِ مملکت آصف علی زرداری ءَ مردان ءِ نزیک ءَ پاک فضائیہ ءِ تربیتی بالی گراب ءِ کپگ ءِ پد ءَ سک باز دلپدرد ءُ رنج ءُ گم ءِ درشانی کتگ۔ دو شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ تہ ءَ صدر ءِ مملکت ءَ فلائٹ لیفٹیننٹ محمد قاسم عبداللہ ءُ لیفٹیننٹ طہ عباسی ءَ را حادثہ ءِ تہ ءَ شہید بوھگ ءِ سر ءَ شگر ءُ منت درشان کتگ۔ صدر آصف علی زرداری ءَ شہیدانی آکبت ءِ  برز کنگ ءُ آہانی کھول ءِ واستہ صبر ءُ اوپار ءِ دعا کتگ۔ صدر ءِ مملکت ءَ گوشت کہ راج ءَ را مدام وتی بامردیں زھگ آنی قربانی یات بنت آھاں وطن ءِ رکھینگ ءِ واستہ وتی جان ندر کتگ۔ صدر ءِ مملکت آصف علی زرداری ءَ پش کپتگیں ھاندان ءِ گوما دل ءِ جہلانکی ءَ دلپدردی ءِ درشانی کتگ۔