چیئرمین پی سی بی نا فٹبال ٹورنامنٹ ءِ کٹنگ آ پاکستانی ٹیم ءِ مبارکباد

لاہور۔ 11 جون (اے پی پی ) چیئرمین پاکستان کرکٹ بورڈ (پی سی بی) محسن نقوی مالدیپ اٹی اڈ ہلوک ڈائمنڈ جوبلی انٹرنیشنل فٹبال ٹورنامنٹ ءِ کٹنگ آ پاکستان فٹبال ٹیم ءِ مبارکبادی ترسا پارینے کہ گرین شرٹس فائنل اٹی اوغانستان ءِ شکست ترسا مچ آ قوم انا کاٹم ءِ گمر اٹ بڑزکرے۔ تینا تہنیتی کلہو اٹی محسن نقوی پارے کہ قومی فٹبالرآک میدان اٹی شاندار گوازی و بھلو جوزہ اسے نا درشانی ءِ کرسا تاریخ اس نوشتہ کریر۔ اوپارے کہ بھلو وخت اسے آن پد اولیکو انٹر نیشنل فٹبال ٹائٹل ءِ کٹنگ پاکستان فٹبال نا پوسکن آ دور انا بناءِ۔ چیئرمین پی سی بی نا پاننگ ئس کہ قومی فٹبال ٹیم انا تاریخی سرسہبی ہر اسپورٹس مین کن تقلید نا سوب و است بڈءِ۔ او گوازی گر و ٹیم مینجمنٹ نا خاری و لگن نا ستاءِ کرسا آخبت نا مقابلہ غاتیکن نیک است خواہی نا درشانی ءِ ہم کرے۔